ବଲାଙ୍ଗୀର ଅଫିସ, ୧୩ା୯-ବଲାଙ୍ଗୀର ଜିଲା ପ୍ରଶାସନ ଓ ଜିଲା ସଂସ୍କୃତି ପରିଷଦ ପକ୍ଷରୁ ସ୍ଥାନୀୟ ମ୍ୟୁନିସିପାଲିଟି ଟାଉନ୍ ହଲଠାରେ ଜାତିର ପିତା ମହାତ୍ମା ଗାନ୍ଧୀଙ୍କ ୧୫୦ତମ ଜନ୍ମବାର୍ଷିକୀ ପାଳିତ ହୋଇଯାଇଛି। ଏହି ଅବସରରେ ଗାନ୍ଧୀ ଦର୍ଶନ ଉପରେ ଏକ ଆଲୋଚନା ସଭା ଅନୁଷ୍ଠିତ ହୋଇଥିଲା ା ଜିଲାପାଳ ଅରିନ୍ଦମ ଡାକୁଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆଲୋଚନାରେ ଆଲୋଚକଭାବେ ବିଶିଷ୍ଟ ଶିକ୍ଷାବିତ୍ ପ୍ରଫେସର ଡ ମଧୁସୂଦନ ପତି, ଐତିହାସିକ ପ୍ରଫେସର ଡ, ଶିବପ୍ରସାଦ ନନ୍ଦ, ଗୁଜରାଟ କେନ୍ଦ୍ରୀୟ ବିଶ୍ୱଦ୍ୟାଳୟର ପ୍ରଫେସର ସ୍ମୃତିରଞ୍ଜନ ଧଳ, ରାଜେନ୍ଦ୍ର କଲେଜର ବାଣିଜ୍ୟ ବିଭାଗ ପ୍ରାଧ୍ୟାପକ ରବିଶଙ୍କର ପାଣ୍ଡିଆ, ସୂଚନା ଅଧିକାର କର୍ମୀ ହେମନ୍ତ ପଣ୍ଡା, ଜିଲା ସଂସ୍କୃତି ଅଧିକାରୀ ବିଜୟ କୁମାର ଶତପଥୀ ମଞ୍ଚାସୀନ ହୋଇଥିଲେ ା ସଭାକୁ କବି ଆନନ୍ଦ କୁମାର ସାହୁ ପରିଚାଳନା କରିଥିଲେ ା ସଭାରେ ବକ୍ତବ୍ୟ ରଖି ଜିଲାପାଳ ଡାକୁଆ ଆଧୁନିକ ସମାଜର ବେଗ ବଢ଼ିଛି ଓ ଆବେଗ କମୁଛି ବୋଲି କହିଥିଲେ ା ଗାନ୍ଧିଜୀ ଦେଶର ସ୍ବାଧୀନତା ଆନ୍ଦୋଳନକୁ ଯେତିକି ଗୁରୁତ୍ୱ ଦେଇଥିଲେ ତା ଠୁ ଢ଼େର ଅଧିକ ଚରିତ୍ର ଗଠନ ଉପରେ ଗୁରୁତ୍ୱ ଦେଇଥିଲେ ବୋଲି କହିଥିଲେ ା ପ୍ରଫେସର ପତି ତାଙ୍କ ବକ୍ତବ୍ୟରେ ଗାନ୍ଧୀ ବିଚାର ଉପରେ କହିଥିଲେ ା ବୌଦ୍ଧିକତାଠାରୁ ହୃଦୟ ଅଧିକ ଗୁରୁତ୍ୱପୂର୍ଣ୍ଣ ବୋଲି ସେ କହିଥିଲେ ା ତେବେ ୧୫୦ ତମ ଜନ୍ମବାର୍ଷିକୀ ଅବସରରେ ଗାନ୍ଧୀଙ୍କୁ ଅଧିକ ଆଲୋଚନାର ସାମଗ୍ରୀ ନ କରି ତାଙ୍କ ବିଚାର ଅନୁଯାୟୀ କାର୍ଯ୍ୟ କଲେ ହିଁ ତାଙ୍କୁ ଶ୍ରେଷ୍ଠ ଶ୍ରଦ୍ଧାଞ୍ଜଳି ହେବ ବୋଲି ସେ କହିଥିଲେ ା ଗୁଜରାଟରୁ ଆସିଥିବା ପ୍ରଫେସର ଧଳ ଗାନ୍ଧୀଙ୍କ ଜୀବନଯାତ୍ରା, ସ୍ବାଧୀନତା ଆନ୍ଦୋଳନ, ଅର୍ଥନୈତିକ ସ୍ବାଧୀନତା, ମହିଳା ସଶକ୍ତିକରଣ ଉପରେ କହିଥିଲେ। ଚମ୍ପାରନ୍ ଆନ୍ଦୋଳନର ଗାନ୍ଧୀ, ହିନ୍ଦ୍ସ୍ବରାଜ ଉପରେ ଆଲୋଚନା କରିଥିଲେ ା ଇଂରେଜଙ୍କ ଆଧୁନିକ ଯନ୍ତ୍ର ଓ ବସ୍ତୁବାଦୀ ସଭ୍ୟତା ଓ ଗାନ୍ଧୀଙ୍କ ସତ୍ୟାଗ୍ରହ ଉପରେ ଆଲୋଚନା କରିଥିଲେ ା ଅନ୍ୟତମ ଆଲୋଚକ ପଣ୍ଡା ତାଙ୍କ ବକ୍ତବ୍ୟରେ ଗାନ୍ଧୀଙ୍କ ଗୀତା ଦର୍ଶନ ଓ ଅହିଂସା ଉପରେ ଆଲୋଚନା କରିଥିଲେ ା ଆଲୋଚକ ପାଣ୍ଡିଆ ଗାନ୍ଧୀ ବିଚାରଧାରା ଓ ସାମ୍ପ୍ରତିକ ସମାଜ ଏବଂ ଆଲୋଚକ ପ୍ରଫେସର ଡ. ନନ୍ଦ ଗାନ୍ଧୀଙ୍କ ଶିକ୍ଷା ଓ ସମାଜବାଦୀ ଚିନ୍ତନ ଉପରେ ଆଲୋଚନା କରିଥିଲେ ା ଏହି ସଭାରେ ବିଭିନ୍ନ ସ୍କୁଲର ଛାତ୍ରୀଛାତ୍ରମାନେ ମଧ୍ୟ ଗାନ୍ଧୀଜୀଙ୍କ ଉପରେ ବକ୍ତବ୍ୟ ପ୍ରଦାନ କରିଥିଲେ ା
