ପୋର୍ଟ ଅଫ୍ ସ୍ପେନ,୧୫।୮(ପିଟି)- ଭାରତୀୟ ଦଳର ଅଧିନାୟକ ବିରାଟ କୋହଲିଙ୍କ ଡାହାଣ ହାତର ବୁଢ଼ା ଆଙ୍ଗୁଳିରେ ଆଘାତ ଲାଗିଛି। ଓ୍ବେଷ୍ଟଇଣ୍ଡିଜ ବିପକ୍ଷ ଅନ୍ତିମ ଦିନିକିଆ ମ୍ୟାଚ୍ରେ ଶତକୀୟ ଇନିଂସ ଖେଳିବାବେଳେ ଆଘାତ ଲାଗିଛି। ହେଲେ ଫ୍ରାକଚର ହୋଇନାହିଁ। ଏଣୁ ପ୍ରଥମ ଟେଷ୍ଟ ପୂର୍ବରୁ ସେ ଫିଟ୍ ହୋଇଯିବେ ଆଶା କରାଯାଉଛି। ମ୍ୟାଚ୍ର ୨୭ତମ ଓଭରରେ କେମାର ରୋଚଙ୍କ ବାଉନ୍ସର ଭାରତୀୟ ଅଧିନାୟକଙ୍କ ଡାହାଣ ହାତ ବୁଢ଼ା ଆଙ୍ଗୁଠିରେ ବାଜିଥିଲା। ଯନ୍ତ୍ରଣା ଅନୁଭବ କରୁଥିବା କୋହଲଙ୍କ ନିକଟକୁ ସଙ୍ଗେସଙ୍ଗେ ଫିଜିଓ ଆସିଥିଲେ। ଆଙ୍ଗୁଠିରେ ସ୍ପ୍ରେ କରିବା ପରେ କୋହଲି ବ୍ୟାଟିଂ ଜାରି ରଖି କ୍ୟାରିୟରର ୪୩ତମ ଶତକ ଅର୍ଜନ କରିଥିଲେ। ଏହା ଫ୍ରାକଚର ବୋଲି ମୁଁ ଭାବୁ ନାହିଁ। ନ ହେଲେ ମୁଁ ଆଉ ବ୍ୟାଟିଂ କରିପାରି ନ ଥାନ୍ତି। ବଲ ନଖ ଉପରେ ବାଜିବାରୁ ପ୍ରବଳ ଯନ୍ତ୍ରଣା ହୋଇଥିଲା। ସୌଭାଗ୍ୟବଶତଃ ଆଙ୍ଗୁଠି ଭାଙ୍ଗି ନାହିଁ। ଏଣୁ ମୁଁ ପ୍ରଥମ ଟେଷ୍ଟ ପୂର୍ବରୁ ଭଲ ହୋଇଯିବି ବୋଲି ମ୍ୟାଚ୍ ପରେ କୋହଲି କହିଥିଲେ।
