ଖଣ୍ଡପଡ଼ା,୨୭ା୧୦(ସ୍ବ.ପ୍ର.) -ଖଣ୍ଡପଡା ସହର ଉପକଣ୍ଠରେ ପ୍ରବାହିତ କୁସୁମୀ ନଦୀକୁ ଶନିବାର ସକାଳ ୯ଟାରେ ୨ ଜଣ ସାଙ୍ଗଙ୍କ ସହିତ ଗାଧୋଇବାକୁ ଯାଇଥିବା ଜଣେ ଯୁବକ ନଦୀର ପ୍ରଖର ସ୍ରୋତରେ ଭାସିଯାଇଛନ୍ତି। ଯୁବକ ଜଣକ ହେଲେ ଖଣ୍ଡପଡ଼ା ସହର ୪ନଂ ୱାର୍ଡ ମାଳିସାହିର ସ୍ବର୍ଗତ ମଧୁସୂଦନ ମହାପାତ୍ରଙ୍କ ସାନପୁଅ ସୁଶାନ୍ତ ମହାପାତ୍ର ଓରଫ ଟୁକୁନା (୩୩) । ସେ ନଦୀରେ ଗାଧୋଉଥିବା ବେଳେ ଅସାବଧାନତା ବଶତଃ ଗୋଡ଼ ଖସି ଯିବାରୁ ପ୍ରଖର ସ୍ରୋତରେ ଭାସି ଯାଇଥିଲେ । ଖବର ପାଇ ଖଣ୍ଡପଡ଼ା ଅଗ୍ନିଶମ କର୍ମଚାରୀମାନେ ଘଟଣାସ୍ଥଳରେ ପହଞ୍ଚତ୍ ଖୋଜାଖୋଜି କରିଥିଲେ ହେଁ ନିଖୋଜ ଯୁବକଙ୍କ କୌଣସି ସନ୍ଧାନ ମିଳି ନ ଥିଲା । ପରେ ଭାପୁର ଅଗ୍ନିଶମ କର୍ମଚାରୀମାନେ ଏକ ପାୱାର ବୋଟ ଯୋଗେ ଲାଇଫ୍ ଜ୍ୟାକେଟ ପିନ୍ଧି ନଦୀ ଗର୍ଭରେ ଅକ୍ଳାନ୍ତ ପରିଶ୍ରମ କରି ଖୋଜିଥିଲେ ହେଁ ସନ୍ଧ୍ୟା ସୁଦ୍ଧା ସୁଶାନ୍ତଙ୍କ ପତ୍ତା ମିଳି ନ ଥିବା ଜଣାପଡିଛି । ଅପରପକ୍ଷେ ଏହି ଘଟଣାକୁ ନେଇ ଖଣ୍ଡପଡା ଅଞ୍ଚଳରେ ଉଦ୍ବେଗ ପ୍ରକାଶ ପାଇଛି । ନିଖୋଜ ଯୁବକଙ୍କୁ ନେଇ ପରିବାରବର୍ଗ ଆଶଙ୍କାରେ ରହିଥିବା ବେଳେ ଏହି ଘଟଣା ପ୍ରଚାରିତ ହେବା ପରେ କୁସୁମୀ ନଦୀ କୂଳକୁ ଶହ ଶହ ଲୋକଙ୍କ ସୁଅ ଛୁଟିଥିଲା
