ମୁମ୍ବାଇ: ବଲିଉଡ୍ ଫିଲ୍ମ ‘ଅବ୍ କେ ବରଷ’ରେ ଡେବ୍ୟୁ କରିଥିବା ନାୟିକା ଅମ୍ରିତା ରାଓ ୩୯ ବର୍ଷରେ ପଦାର୍ପଣ କରିଛନ୍ତି। ଏହାପରେ ଏହି ଅଭିନେତ୍ରୀ ଫିଲ୍ମ ‘ବିବାହ’ରେ ନଜର ଆସିଥିଲେ। ଆଉ ଏହି ଫିଲ୍ମ ତାଙ୍କୁ ଆଣିଦେଇଥିଲା ଅଜସ୍ର ସଫଳତା। ଏହାପରେ ସେ ଦର୍ଶକଙ୍କ ପସନ୍ଦର ନାୟିକା ପାଲଟି ଯାଇଥିଲେ। ହେଲେ ଏହାପରେ ତାଙ୍କ କ୍ୟାରିୟରରେ ଆସିଲା ନୂଆ ମୋଡ। ଫିଲ୍ମ ବେବି, ସୌର୍ଯ୍ୟ, ଲାଇଫ୍ ପାର୍ଟନର୍ ଓ ଜାନେ କାହାଁରେ ଆଇ ଭଳି ଫିଲ୍ମରେ ଅଭିନୟ କଲେ। ତେବେ ୨୦୦୭ରେ ଅମ୍ରିତାଙ୍କ ପାଖକୁ ଏମିତି ଏକ ଅଫର ଆସିଥିଲା ଯେଉଁଥିରେ ରଣବୀର କପୁର ଏଥିରେ ନାୟକ ଭୂମିକାରେ ନଜର ଆସିଥାଆନ୍ତେ। ହେଲେ ଏହି ଫିଲ୍ମରେ ଅଭିନୟ କରିବାକୁ ଅମ୍ରିତା ମନା କରି ଦେଇଥିଲେ। କୁହାଯାଏ ଉକ୍ତ ଫିଲ୍ମରେ ରଣବୀରଙ୍କ ସହ ଏକ ଅନ୍ ସ୍କ୍ରିନ୍ କିସିଂ ସିନ୍ ଥିବାରୁ ଅମ୍ରିତା କୁଆଡେ ସେହି ଫିଲ୍ମରେ ଅଭିନୟ କରିବାକୁ ମନା କରି ଦେଇଥିଲେ। ଆହୁରି ମଧ୍ୟ କମ୍ ଲୋକଙ୍କୁ ଜଣା କି ଅମ୍ରିତା ଯେତେବେଳେ ୧୬ବର୍ଷର ହୋଇଥିଲେ ସେତେବେଳେ ସେ କ୍ରିକେଟର ନୟନ ମୋଙ୍ଗିଆଙ୍କୁ ଖୁବ୍ ପସନ୍ଦ କରୁଥିଲେ। ଏକ ସାକ୍ଷାତ୍କାରରେ ସେ ଏହା କହିଛନ୍ତି ମଧ୍ୟ। ଏହାପରେ ଅମ୍ରିତା ଆର୍ଜେ ଅନମୋଲଙ୍କ ସହ ଦୀର୍ଘ ୭ ବର୍ଷର ଡେଟିଂ ପରେ ୨୦୧୬ରେ ଉଭୟ ବିବାହ କରିଥିଲେ।
