ସାରା ବିଶ୍ୱରେ କରୋନା ଭାଇରସ୍ ତା’ର କାୟା ବିସ୍ତାର କରିସାରିଛି। ଏହି ଭାଇରସ୍ ଯୋଗୁ ବର୍ତ୍ତମାନ ସୁଦ୍ଧା ୩ ଲକ୍ଷରୁ ଅଧିକ ଲୋକଙ୍କ ଜୀବନ ଯାଇଥିବା ବେଳେ ୫୦ ଲକ୍ଷରୁ ଅଧିକ ଲୋକ ସଂକ୍ରମିତ ହୋଇଛନ୍ତି। କାହାକୁ ମଧ୍ୟ ଜଣା ନାହିଁ ଏହି ଭାଇରସ୍ କେବେ ଯିବ ଆଉ କେବେ ପରିସ୍ଥିତି ସ୍ବାଭାବିକ ହେବ। ଆଜିପର୍ଯ୍ୟନ୍ତ ଏହି ଭାଇରସ୍ ପାଇଁ କୌଣସି ଔଷଧ ମଧ୍ୟ ବାହାରି ନାହିଁ। ଲୋକେ କେବଳ ସାମାଜିକ ଦୂରତା ଏବଂ ମୁହଁରେ ମାସ୍କ ଲଗାଇ ଏହି ଭାଇରସ୍ ସହ ଲଢୁଛନ୍ତି।
ଏହି ସମୟରେ ଲୋକଙ୍କୁ କିଛି ସମସ୍ୟାର ସମ୍ମୁଖୀନ ହେବାକୁ ପଡୁଛି। ଖାଇବା ଏବଂ ପିଇବା ସମୟରେ ମୁହଁରୁ ମାସ୍କ କାଢ଼ିବାକୁ ପଡୁଛି। ମାତ୍ର ଇସ୍ରାଇଲର ବୈଜ୍ଞାନିକମାନେ ଏକ ରିମୋଟ୍ କଣ୍ଟ୍ରୋଲ୍ କରୋନା ଭାଇରସ୍ ମାସ୍କ ତିଆରି କରିଛନ୍ତି। ଯାହାକୁ ଖାଇବା ସମୟରେ ଖୋଲିବାକୁ ପଡ଼ିବନି। ଏହି ମାସ୍କରେ ହ୍ୟାଣ୍ଡ୍ ବ୍ରେକ୍ ଲାଗିଛି। ଚାଲ ଖାଇବା କହିଲେ, ଏହା ସାମ୍ନାରେ ଲାଗିଥିବା ସ୍ଲଟ୍ ଖୋଲିଯିବ।
ଆଭିପିପସ୍ ପେଣ୍ଟେଣ୍ଟ୍ସ ଏବଂ ଉଦ୍ଭାବନରର ଉପାଧ୍ୟକ୍ଷ ଆସାଫ୍ ଗିଟେଲିସ୍ କହିଛନ୍ତି ଯେ, ରିମୋଟ୍ ସହାୟତାରେ ମାସ୍କ ଖୋଲାଯାଇପାରିବ। ଯେତେବେଳେ କେହି ଚାମଚକୁ ମୁହଁ ପାଖକୁ ନେବ ସେତେବେଳେ ଏହା ସ୍ବୟଂଚାଳିତ ଭାବେ କାର୍ଯ୍ୟ କରିବ। ମାତ୍ର ଏହି ମାସ୍କ ଏବେ ସର୍ବସାଧାରଣଙ୍କ ପାଇଁ ଉପଲବ୍ଧ ନୁହେଁ।
କମ୍ପାନୀ ପକ୍ଷରୁ କୁହାଯାଇଛି, ମାସକ ମଧ୍ୟରେ ଏହି ମାସ୍କ ତିଆରି ଆରମ୍ଭ କରିବାକୁ ଯୋଜନା ରହିଛି। ଏହା ପୂର୍ବରୁ ପେଣ୍ଟେଣ୍ଟ ଦାଖଲ ହୋଇସାରିଛି। ଏହା ମଧ୍ୟ କୁହାଯାଇଛି କି, ସମ୍ଭବତଃ ଏହା ୦.୮୫ରୁ ୨.୮୫ ଡଲାରରେ ବିକ୍ର ହେବ।
