ଦିବ୍ୟାଙ୍ଗ ହେଲେ ବି ଦକ୍ଷତାର ପରିଚୟ ଦେଇଛନ୍ତି ଅକୁଲ ବିଶ୍ୱାସ। ସେ ପଶ୍ଚିମବଙ୍ଗ ଦକ୍ଷିଣ ୨୪ ପ୍ରଗଣା ଜିଲାରେ ଝାରଖାଲି ସବୁଜ ବାହିନୀ ଗଠନ କରି ସୁନ୍ଦରବନର ହେନ୍ତାଳ ବନ ସଂରକ୍ଷଣ ପାଇଁ କାମ କରୁଛନ୍ତି। ଏହି ସଂଗଠନରେ ୨୩ଟି ଗାଁର ୨୦୦ରୁ ଅଧିକ ଗୃହିଣୀଙ୍କୁ ସାମିଲ କରିଛନ୍ତି। ଅକୁଲ ୨୦୦୫ରେ ପ୍ରଥମେ ବିଦ୍ୟାଧରି ନଦୀ ତଟରେ ମ୍ୟାନଗ୍ରୋଭ ଚାରାରୋପଣ ଆରମ୍ଭ କରିଥିଲେ। ତାହା ସେ ଏକୁଟିଆ କରୁଥିଲେ। ପରେ ସ୍ଥାନୀୟ ଲୋକେ ଅକୁଲଙ୍କ ସହ ସାମିଲ ହେବାରେ ଲାଗିଲେ। ମହିଳାମାନେ ପ୍ରତିଦିନ ମ୍ୟାନଗ୍ରୋଭ ମଞ୍ଜି ସଂଗ୍ରହ କରି ତାହାକୁ ନର୍ସରି ବ୍ୟାଗ୍ରେ ଲଗାଉଛନ୍ତି ଓ ଗଛ ହେବା ପରେ ସେମାନେ ଦିନକୁ ୨ ଘଣ୍ଟା ସମୟ ଦେଇ ପ୍ରାୟ ୨୦୦-୨୫୦ ଗଛ ଲଗାଉଛନ୍ତି। ଅକୁଲ ମ୍ୟାନଗ୍ରୋଭ ଜଙ୍ଗଲର ସୁରକ୍ଷାରେ ବିଭିନ୍ନ ପଞ୍ଚାୟତକୁ ସହଯୋଗ କରୁଛନ୍ତି। ସୁନ୍ଦରବନରେ ରହୁଥିବା ପରିବାରଗୁଡ଼ିକୁ ନିର୍ଦ୍ଦିଷ୍ଟ ପରିମାଣର ଜମି ଦେଇ ସେଠାରେ ଜଙ୍ଗଲ ସୃଷ୍ଟି କରିବା ଲାଗି ସେମାନଙ୍କୁ ପ୍ରୋତ୍ସାହିତ କରୁଛନ୍ତି।
