ତାମିଲନାଡୁ ଥେନି ଅଞ୍ଚଳର ପି.ବିନ୍ଦୁ ଜୈବିକ କୃଷିର ଆୟରେ ନିଜ ପରିବାର ଚଳାଇ ଅନ୍ୟ ମହିଳାମାନଙ୍କୁ ସଶକ୍ତ କରିବାରେ ପ୍ରମୁଖ ଭୂମିକା ନେଉଛନ୍ତି। ବିନ୍ଦୁ ୧୮ ବର୍ଷ ବୟସରେ ବିବାହ କରିଥିଲେ। ସେ ୧୦ମ ଶ୍ରେଣୀ ଯାଏ ପଢିଛନ୍ତି। କିନ୍ତୁ ତାଙ୍କର ଦୁଇ ଝିଅଙ୍କୁ ଉଚ୍ଚଶିକ୍ଷା ଦେବା ଲାଗି ସେ ଜୈବିକ କୃଷି ଆରମ୍ଭ କରିଥିଲେ। ସେ କୃଷିବିଜ୍ଞାନ କେନ୍ଦ୍ରରୁ ଜୈବିକ କୃଷି ସମ୍ପର୍କରେ ପ୍ରଶିକ୍ଷଣ ନେଇଛନ୍ତି। ଏଥିରେ ସଫଳ ହେବା ସହ ସେ ଉପତ୍ାଦିତ ଶସ୍ୟରୁ ବିଭିନ୍ନ ଖାଦ୍ୟଦ୍ରବ୍ୟ ପ୍ରସ୍ତୁତ କରି ‘ପାଶୁମାଇ’ ବ୍ରାଣ୍ଡ୍ରେ ବିକ୍ରି କରୁଛନ୍ତି। ଏହାକୁ ୨୦୨୦ରେ ପ୍ରଥମେ ୧୨ ଜଣ ମହିଳାଙ୍କୁ ନେଇ ଆରମ୍ଭ କରିଥିଲେ। ପରେ ତାଙ୍କ କୃଷିକାର୍ଯ୍ୟ ସହ ୧୦୦ରୁ ଅଧିକ ମହିଳା ସାମିଲ ହୋଇ ପାଶୁମାଇ ବ୍ରାଣ୍ଡ୍ରେ ସେମାନଙ୍କ ସାମଗ୍ରୀ ମଧ୍ୟ ବିକ୍ରି କରୁଛନ୍ତି। ବିନ୍ଦୁ ବର୍ଷକୁ ପାଖାପାଖି ୧୦ ଲକ୍ଷ ଟଙ୍କା ରୋଜଗାର କରୁଛନ୍ତି। ସେ ମହିଳାମାନଙ୍କୁ ଜୈବିକ କୃଷି ସମ୍ପର୍କରେ ଶିକ୍ଷା ଦେବା ଲାଗି ସ୍ବୟଂ ସହାୟିକା ଗୋଷ୍ଠୀଙ୍କୁ ସାମିଲ କରୁଛନ୍ତି। ସେ ମଧ୍ୟ ମଞ୍ଜି ସଂଗ୍ରହ କରି ତାହାକୁ କୃଷି ବିଭାଗକୁ ଦେଉଛନ୍ତି।
