ପ୍ରଦୂଷିତ ବାୟୁକୁ ଉପଯୋଗ କରି କାର୍ବନ ଟାଇଲ ପ୍ରସ୍ତୁତ ହୋଇପାରୁଛି। ଏହା ଶୁଣି ଆଶ୍ଚର୍ଯ୍ୟ ଲାଗୁଥିବ, କିନ୍ତୁ ସତ। ମୁମ୍ବାଇର ଏକ ଷ୍ଟାର୍ଟଅପ୍ ଦ୍ୱାରା ଏଭଳି ଟାଇଲ୍ ତିଆରି କରାଯାଉଛି। ପ୍ରଦୂଷିତ ବାୟୁରୁ ଟାଇଲ୍ ପ୍ରସ୍ତୁତ କରୁଥିବା ବୋଷ୍ଟନସ୍ଥିତ ଏୟାର- ଲିଙ୍କ୍ ଷ୍ଟାର୍ଟଅପ୍ ସହଭାଗିତାରେ ଏହି ଷ୍ଟାର୍ଟଅପ ଚାଲିଛି। ତେଜସ୍ ୨୦୧୯ରେ ଉକ୍ତ ଷ୍ଟାର୍ଟଅପ୍କୁୁ ପ୍ରତିଷ୍ଠା କରି ତା’ ନାମ ରଖିଛନ୍ତି କାର୍ବନ କ୍ରାଫ୍ଟ ଡିଜାଇନ। ଗୋଟିଏ କାର୍ବନ ଟାଇଲ ତିଆରି କରିବା ପାଇଁ ୩୦,୦୦୦ ଲିଟର ଏୟାର ଫିଲ୍୍ଟର କରିବାକୁ ପଡୁଛି। ଏହା ବ୍ୟତୀତ ଏବକାର କାଚ ଭଳି ଟାଇଲ ପ୍ରସ୍ତୁତ କରିବା ଲାଗି ଯେତିକି ଏନର୍ଜି ଆବଶ୍ୟକ ତା’ର ୫ ଭାଗରୁ ଭାଗେରେ ଏହି ଟାଇଲ ତିଆରି କରାଯାଉଛି। ଏ କ୍ଷେତ୍ରରେ ଟାଇଲ୍କୁ ପୋଡା ନ ଯାଇ ହାଇଡ୍ରୋଲିକ ପ୍ରେସର୍ରେ ତିଆରି କରାଯାଉଛି। ବାୟୁରେ ଥିବା ପ୍ରଦୂଷିତ କଣିକାକୁ ମାର୍ବଲ ଚିପ୍ସ ,ମାର୍ବଲ ପାଉଡର ଓ ସିମେଣ୍ଟ ସହ ମିଶାଇ ୮ ଇଞ୍ଚ- ୮ ଇଞ୍ଚ,୧୦-୧୦ ଇଞ୍ଚ, ୧୨-୧୨ ଇଞ୍ଚ ସାଇଜ୍ର ଟାଇଲ ତିଆରି କରାଯାଉଛିି। ଅତ୍ୟଧିକ ବାୟୁ ପ୍ରଦୂଷିତ ଶିଳ୍ପାଞ୍ଚଳ ପାଇଁ ତେଜସ୍ଙ୍କ ନୂଆ ପଦ୍ଧତି ବେଶ୍ ଉପଯୋଗୀ ହୋଇପାରିବ। ୟୁନିଭର୍ସିଟି ଅଫ୍ ମୁମ୍ବାଇରୁ ତେଜସ୍ ଆର୍କିଟେକ୍ଚରରେ ଡିଗ୍ରୀ ହାସଲ କରିବା ପରେ ମୁମ୍ବାଇର ଏକ ଆର୍କିଟେକ୍ ଫାର୍ମରେ ଜୁନିୟର ଆର୍କିଟେକ୍ ଭାବେ କାର୍ଯ୍ୟ କରିଥିଲେ। ପରେ ଲଣ୍ଡନର ସ୍କୁଲ୍ ଅଫ୍ ଆର୍କିଟେକ୍ଚରରୁ ଏମର୍ଜେଣ୍ଟ ଟେକ୍ନୋଲୋଜି ଆଣ୍ଡ୍ ଡିଜାଇନରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି। ୨୦୧୯ ଜାନୁୟାରୀରେ ଷ୍ଟାର୍ଟଅପ ଆରମ୍ଭ କରି ବହୁ ଗବେଷଣା ପରେ ମେ’ ମାସରେ ଏହି ଟାଇଲ୍ ପ୍ରସ୍ତୁତ କରିବାକୁ ସକ୍ଷମ ହୋଇଥିଲେ। ଏଭଳି ଟାଇଲ ନିର୍ମାଣ କରିବା ପାଇଁ ଏବେ ଗୋଦରେଜ,ଲାର୍ସନ ଆଣ୍ଡ ଟୁବ୍ରୋ ଭଳି ଆଗଧାଡିର କମ୍ପାନୀ ତେଜସ୍ଙ୍କ ଷ୍ଟାର୍ଟଅପ୍ ସହ ଯୋଗାଯୋଗ କରିଛନ୍ତି।
