ଡେରାଡୁନ,୨୧ା୧୦(ପି.ଟି.): ଉତ୍ତରାଖଣ୍ଡର ରୁଦ୍ରପ୍ରୟାଗ ଜିଲା ଅନ୍ତର୍ଗତ ଚଣ୍ଡିକାଧରଠାରେ ଭୂସ୍ଖଳନ ଘଟି ୮ ଜଣଙ୍କ ମୃତ୍ୟୁ ହୋଇଛି। ଶନିବାର ରାତିରେ ସେମାନେ ଦୁଇଟି ବାଇକ୍ ଓ ଗୋଟିଏ କାରରେ ଯାଉଥିଲାବେଳେ ମାଟି ଅତଡ଼ା ତଳେ ଚାପି ହୋଇଯାଇଥିଲେ। ମାଟି ଅତଡା ସହିତ ଏକ ବିଶାଳ ପଥର ଖସିବାରୁ ସେମାନଙ୍କ ଗାଡ଼ିକୁ ୫୦୦ ମିଟର ଗଭୀର ଗର୍ତ୍ତ ମଧ୍ୟକୁ ଠେଲିନେଇଥିଲା। ଘଟଣାସ୍ଥଳରେ ୫ ଜଣଙ୍କ ମୃତ୍ୟୁ ହୋଇଥିଲାବେଳେ ହସ୍ପିଟାଲରେ ଅନ୍ୟ ୩ ପ୍ରାଣ ହରାଇଛନ୍ତି। ମାଟିତଳୁ ୪ ଜଣଙ୍କ ମୃତଦେହ ଉଦ୍ଧାର ହୋଇଛି। ଭୂସ୍ଖଳନ ବେଳେ ସେମାନେ ସୋନପ୍ରୟାଗରୁ ରୁଦ୍ରପ୍ରୟାଗ ଯାଉଥିଲେ। ମୃତକଙ୍କ ଲାଗି ରାଜ୍ୟପାଳ ବେବିରାଣୀ ମୌର୍ଯ୍ୟ ଓ ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂ ରାଓ୍ବତ ଶୋକବ୍ୟକ୍ତ କରିଛନ୍ତି।
