ସିଡନୀ,୧।୯: ଅଷ୍ଟ୍ରେଲିଆ ବିପକ୍ଷ ଡେ’ ନାଇଟ ଟେଷ୍ଟରେ ଶତକ ହାସଲ କରି ଭାରତର ଓପନର୍ ସ୍ମୃତି ମନ୍ଧାନା ଇତିହାସ ସୃଷ୍ଟି କରିଛନ୍ତି। ସେ ଡେ’ ନାଇଟ ଟେଷ୍ଟ ମ୍ୟାଚରେ ଶତକ ହାସଲ କରିଥିବା ଭାରତର ପ୍ରଥମ ମହିଳା କ୍ରିକେଟର ହୋଇଛନ୍ତି। ଏହା ବ୍ୟତୀତ ସେ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ମ୍ୟାଚରେ ଶତକ ହାସଲ କରିଥିବା ଭାରତର ପ୍ରଥମ ଖେଳାଳି। ଏହା ହେଉଛି ମନ୍ଧାନାଙ୍କର ପ୍ରଥମ ଟେଷ୍ଟ ଶତକ। ଅଷ୍ଟ୍ରେଲୀୟ ମାଟିରେ ଟେଷ୍ଟ କ୍ରିକେଟରେ ଶତକ ହାସଲ କରିଥିବା ସ୍ମୃତି ପ୍ରଥମ ଭାରତୀୟ ବ୍ୟାଟ୍ସମ୍ୟାନ। ଏହା ବ୍ୟତୀତ ସେ ହେଉଛନ୍ତି ପ୍ରଥମ ଅଣ-ଇଂରାଜୀ ମହିଳା ବ୍ୟାଟ୍ସମ୍ୟାନ, ଯିଏକି କଙ୍ଗାରୁ ମାଟିରେ ଏକ ଶତକ ସ୍କୋର କରିଛନ୍ତି।
ସ୍ମୃତି ମନ୍ଧନା ଚାରି ଚୌକା ମାରି ଶତକ ପୂରଣ କରିଥିଲେ। ସେ ୧୭୦ଟି ବଲରେ ମନ୍ଧାନା ତାଙ୍କର ପ୍ରଥମ ଟେଷ୍ଟ ଶତକ ପୂରଣ କରିଥିଲେ। ତାଙ୍କ ଶତକ ମାଧ୍ୟମରେ ଟିମ ଇଣ୍ଡିଆ ଏକ ବଡ଼ ସ୍କୋର ଆଡକୁ ଗତି କରୁଛି।
