ଦିନ ତମାମର ଥକାପଣ ଦୂର ହୁଏ ନରମ ଗଦିରେ, ନରମ ତକିଆରେ କେଇ ଘଣ୍ଟା ଆରାମରେ ଶୋଇପଡ଼ିଲେ। ଏହି ଧଳାରଙ୍ଗର ସୁନ୍ଦର ତକିଆ ଦେଖିଲେ ଅନେକଙ୍କ ମନରେ ସେହି ଇଚ୍ଛା ନିଶ୍ଚୟ ଜାଗ୍ରତ ହେଉଥିବ। କିନ୍ତୁ ଜାଣିରଖନ୍ତୁ ଏହି ତକିଆ ଆରାମ ନୁହେଁ, ବରଂ କଷ୍ଟ ଦେବ। କାରଣ ଏହା ନରମ ତୁଳାରେ ନୁହେଁ, ବରଂ ଧଳା ମାର୍ବଲ ପଥରରେ ତିଆରି। ନରଓ୍ବେର କଳାକାର ହାକୋନ ଆଣ୍ଟୋନ ଫାଗେରାସ୍ ଏହି ତକିଆକୁ ତିଆରି କରିଛନ୍ତି, ଯାହାକି ସମ୍ପୂର୍ଣ୍ଣ ବାସ୍ତବ ପରି ଲାଗେ। ତକିଆରେ ଶୋଇଲେ ଯେଉଁଭଳି ଭାବେ ତାହା ଲୋଚାକୋଚା ହୁଏ। ଏହାକୁ ବି ସେହିଭଳି ଲୋଚାକୋଚା ଲୁକ୍ ଦିଆଯାଇଛି। ଆଉ ଏତେ ନିଖୁଣ ଭାବେ କରାଯାଇଛି ଯେ ତାହା ବାସ୍ତବ ପରି ଲାଗେ।
