ଭୁବନେଶ୍ୱର,୧୩।୩(ବ୍ୟୁରୋ): ଭୁବନେଶ୍ୱର ଫରେଷ୍ଟ ପାର୍କ ପଛପାଖ ରାଜେନ୍ଦ୍ର ବିହାର ଆପାର୍ଟମେଣ୍ଟରେ ଗୁରୁବାର ରାତି ପ୍ରାୟ ଗୋଟେ ୧୫ ମିନିଟ୍ରେ ଘଟିଛି ଅଗ୍ନିକାଣ୍ଡ। ୭ ମହଲା ବିଶିଷ୍ଟ ଏହି ଆପାର୍ଟମେଣ୍ଟରେ ୪୪ଟି ଫ୍ଲାଟ୍ ରହିଛି। ସେଥିମଧ୍ୟରୁ ‘ସି’ ବ୍ଲକ୍ର ୫ମ, ୬ଷ୍ଠ ମହଲା ଲିଫ୍ଟ କେବୁଲରେ ଶର୍ଟସର୍କିଟ ହୋଇ ନିଅଁା ଲାଗିଯାଇଥିଲା। ଫଳରେ ଆପାର୍ଟମେଣ୍ଟର ୨୫ରୁ ଊର୍ଦ୍ଧ୍ୱ ଫ୍ଳାଟ୍ରେ ପ୍ରବଳ ଧୂଅଁା ଖେଳିଯାଇଥିଲା। ଅନେକ ଲୋକ ସେହି ସମୟରେ ଶୋଇଥିବାରୁ ଅଣନିଃଶ୍ୱାସୀ ହୋଇପଡ଼ିଥିଲେ। ସେମାନେ ବାହାରକୁ ଆସିବା ପାଇଁ ଚେଷ୍ଟା କରିଥିଲେ ମଧ୍ୟ ଧୂଅଁାର ମାତ୍ରା ଏତେ ଅଧିକ ଥିଲା ଯେ, କାହାକୁ କିଛି ଦେଖାଯାଇ ନ ଥିଲା। କେତେଜଣ ବାଲକୋନିରେ ରହି ୧୦୦ ନମ୍ବରକୁ ଫୋନ କରି ଅଗ୍ନିକାଣ୍ଡ ସମ୍ପର୍କରେ ସୂଚନା ଦେଇଥିଲେ। ଖବର ପାଇ କଳ୍ପନାରୁ ୩ଟି ଅଗ୍ନିଶମ ଗାଡ଼ି ଏବଂ ୪ ପିସିଆର ଭ୍ୟାନ ଘଟଣାସ୍ଥଳରେ ପହଞ୍ଚତ୍ଥିଲା। ଏହାପରେ ସ୍ଥାନୀୟ ଲୋକଙ୍କ ସହାୟତାରେ ନିଅଁା ଲିଭାଯିବା ସହ ଫ୍ଲାଟ୍ରେ ରହୁଥିବା ଲୋକମାନଙ୍କୁ ଉଦ୍ଧାର କରାଯାଇଥିଲା। ସେମାନଙ୍କ ମଧ୍ୟରୁ ୨ଜଣ ଅସୁସ୍ଥ ହୋଇପଡ଼ିବାରୁ ଉଭୟଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ଆପାର୍ଟମେଣ୍ଟରେ ଅଗ୍ନି ନିରାପତ୍ତା ବ୍ୟବସ୍ଥା ରହିଛି କି ନାହିଁ ସେନେଇ ଅଗ୍ନିଶମ ଅଧିକାରୀ ତଦନ୍ତ କରୁଛନ୍ତି।
