ଆନ୍ତର୍ଜାତିକ ମହିଳା ଦିବସ ଆଜି: ସୁପର ମଡେଲ ଆଶାରେ ସ୍ବୀକୃତି

ଖଇରା, ୮।୩(ଉତ୍କଳବନ୍ଧୁ ପଣ୍ଡା)-ବାଲେଶ୍ୱର ଜିଲା ଖଇରା ଅଞ୍ଚଳର ଗଁ। ମାଟିର ଝିଅ ସ୍ବୀକୃତି ମଡେଲିଂ ଦୁନିଆର ଆକର୍ଷଣରେ ଏବେ ବାନ୍ଧି ହୋଇପଡିଛନ୍ତି। ର଼୍ୟାମ୍ପ ଓ୍ବାକ ଓ ବିଭିନ୍ନ ପ୍ରତିଯୋଗିତାରେ ଭାଗ ନେଇ ସେ ସୃଷ୍ଟି କରୁଛନ୍ତି କିଛି ଭିନ୍ନ ଚମକ। ମିସ୍‌ ଆଣ୍ଡ ମିଷ୍ଟର ଏସିଆ ଇଣ୍ଟରନ୍ୟାଶନାଲ ଇଣ୍ଡିଆ ୨୦୧୯-୨୦ରେ ମିସ୍‌ ଓଡ଼ିଶା ଏସିଆ ଇଣ୍ଟରନ୍ୟାଶନାଲ ଇଣ୍ଡିଆ ଭାବେ ରାଜ୍ୟ ପଦକ ଜିତିବାର ସୌଭାଗ୍ୟ ତାଙ୍କୁ ଆଗକୁ ବଢିବା ଲାଗି ଯୋଗାଇଛି ପ୍ରେରଣା। ଘରୋଇ ଭାବେ ତାଲିମ ନେଇ ସେ ଏବେ ନିୟମିତ ର଼୍ୟାମ୍ପ ୱାକ ଅଭ୍ୟାସ ଜାରି ରଖିଛନ୍ତି। ଫେମିନା ମିସ ଇଣ୍ଡିଆ ଭଳି ପ୍ରତିଯୋଗିତାରେ ଭାଗ ନେବା ପାଇଁ ପ୍ରସ୍ତୁତି ଚଳାଇଥିବା କହିଛନ୍ତି। ଲକ୍ଷ୍ୟ ନିଜକୁ ସୁପର ମଡେଲ କରି ଗଢିବା।
ଖଇରା ବ୍ଲକ ସୁଣ୍ଢିରା ପଞ୍ଚାୟତ ଅଧୀନ ଅଘାପଦା ଗ୍ରାମର ବସନ୍ତ ସାହୁଙ୍କ ଝିଅ ସ୍ବୀକୃତି । ଭାରତୀୟ ସେନା ବାହିନୀରେ ତାଙ୍କ ବାପା କାର୍ଯ୍ୟ କରୁଥିବାରୁ ସେ ବାଙ୍ଗାଲୋର ଚାଲିଯାଇ ସେଠାରେ ପାଠ ପଢି ସ୍ନାତକ ଡିଗ୍ରୀ ହାସଲ କରିଛନ୍ତି। ସ୍ବୀକୃତି ତାଙ୍କ ପ୍ରତିକ୍ରିୟାରେ କହିଛନ୍ତି, ଆଗକୁ ବଢିବା ପାଇଁ ତାଙ୍କର ଦୃଢ ଇଚ୍ଛାଶକ୍ତି ରହିଛି। ଦିନେ ନା ଦିନେ ସେ ନିଜ ଲକ୍ଷ୍ୟରେ ସଫଳ ହୋଇପାରିବେ। ମିସ ଆଣ୍ଡ ମିଷ୍ଟର ଏସିଆ ଇଣ୍ଟରନ୍ୟାଶନାଲ ଇଣ୍ଡିଆ ୨୦୧୯-୨୦ ପ୍ରତିଯୋଗିତାରେ ଭାଗ ନେଇ ମିସ୍‌ ଓଡିଶା ଏସିଆ ଇଣ୍ଟରନ୍ୟାଶନାଲ ଇଣ୍ଡିଆ ଭାବେ ରାଜ୍ୟ ପଦକ ପ୍ରତିଯୋଗିତା ଜିତିବା ଥିଲା ତାଙ୍କ ଜୀବନର ଏକ ସ୍ମରଣୀୟ ମୁହୂର୍ତ୍ତ। ଗ୍ଲୋବାଲ ଇଣ୍ଡିଆ ଏଣ୍ଟରଟେନମେଣ୍ଟ ପ୍ରଡକ୍ସନ ଆନୁକୂଲ୍ୟରେ ଦିଲ୍ଲୀର ମହିପାଲପୁରର ଗ୍ଲିଜ ୱେଷ୍ଟର୍ନ ଇନ୍‌ରେ ଗତ ଜାନୁୟାରୀ ୨୪ରୁ ୨୭ ତାରିଖ ପର୍ଯ୍ୟନ୍ତ ଗ୍ରୋମିଂ ପର୍ଯ୍ୟାୟରେ ପ୍ରଥମ ୨୦ଜଣଙ୍କ ତାଲିକାରେ ସେ ସ୍ଥାନ ପାଇଥିଲେ। ୨୮ତାରିଖରେ ଅନୁଷ୍ଠିତ ଗ୍ରାଣ୍ଡ ଫାଇନାଲରେ ତାଙ୍କୁ ଓଡ଼ିଶା ପାଇଁ ମିଳିଥିଲା ବିଜୟ ପଦକ। ଭାରତୀୟ ଫ୍ୟାଶନ ଟେକ୍ନୋଲୋଜି ପ୍ରତିଷ୍ଠାନର ଅଧ୍ୟକ୍ଷ ରଣଦୀପ ପାଲ ତାଙ୍କୁ ବିଜୟ ମୁକୁଟ ପିନ୍ଧାଇଥିଲେ । ପାଠପଢା ସମୟରେ ନିଜେ ସଂଘର୍ଷ କରି ବହୁ ବାଧାବିଘ୍ନ ଅତିକ୍ରମ କରି ସେ ଲକ୍ଷ୍ୟପଥରେ ଆଗେଇ ଚାଲିଛନ୍ତି। ୨୦୧୯ ଡିସେମ୍ବର ୧୩ତାରିଖରେ ସିଏମଓଏଫ୍‌ ଗ୍ଲୋବାଲ୍ସ ତରଫରୁ ହାଇଦ୍ରାବାଦଠାରେ ଶିଳ୍ପକଳା ଭେଦିକା ପକ୍ଷରୁ ଆୟୋଜିତ ମିସ ଆଣ୍ଡ ମିଷ୍ଟର ଅର୍ବାନ ଇଣ୍ଡିଆ ପ୍ରତିଯୋଗିତାରେ ସେ ୧୦ଜଣଙ୍କ ମଧ୍ୟରେ ନିଜ ସ୍ଥାନ ପକ୍କା କରିଥିଲେ । ଓଡିଶା ମାଟିର ଝିଅ ଭାବେ ସେ ଗର୍ବ ଅନୁଭବ କରନ୍ତି ବୋଲି କହିଛନ୍ତି ।

 


Enter your email to get our daily news in your inbox.

All Right Reserved By Dharitri.Com

ବକ୍ରେଶ୍ୱର ମନ୍ଦିରରେ ଲୁଟେରାଙ୍କ ଆତଙ୍କ, ତାଲା ଭାଙ୍ଗି ଲୁUdନେଲେ ଅଳଙ୍କାର

ଖଇରା, ୧୫।୧୧ (ଉତ୍କଳବନ୍ଧୁ ପଣ୍ଡା): ବାଲେଶ୍ୱର ଜିଲା ଖଇରା ଥାନା ଅନ୍ତର୍ଗତ ଟିପିସଗଡ଼ିଆସ୍ଥିତ ପ୍ରସିଦ୍ଧ ବକ୍ରେଶ୍ୱର ଶୈବପୀଠରୁ ବିଳମ୍ବିତ ରାତିରେ ଚୋରି ହୋଇଥିବା ନେଇ ଖଇରା ଥାନାରେ…

ଟେରାକୋଟା ପ୍ରେମରେ ପୋଲାଣ୍ଡ ମହିଳା: ଶିଖୁଛନ୍ତି ଏହି କଳା

ନୀଳଗିରି,୧୩।୧୧(ପ୍ରଶାନ୍ତ ବିଶ୍ୱାଳ):ଓଡ଼ିଶାର ମାଟି କଳାର ଆକର୍ଷଣ ଟାଣି ଆଣିଛି ବିଦେଶିନୀଙ୍କୁ। ପୋଲାଣ୍ଡ ମହିଳା ମାଗଡାଲେନା କାମିନସ୍କା ଏହି କଳା ଶିକ୍ଷା କରିବାକୁ ଚାଲି ଆସିଛନ୍ତି ବାଲେଶ୍ୱର ଜିଲା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?