ଆତଙ୍କବାଦକୁ ପ୍ରୋତ୍ସାହନ ଦେଉଥିବା ରାଷ୍ଟ୍ରଙ୍କୁ ବାସନ୍ଦ କରାଯାଉ: ରାଜନାଥ ସିଂ

ତାସକେଣ୍ଟ୍‌,୪।୧୧: ଆତଙ୍କବାଦକୁ ପ୍ରୋତ୍ସାହନ ଦେଉଥିବା ରାଷ୍ଟ୍ରଙ୍କୁ ବାସନ୍ଦ କରାଯାଉ। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏନେଇ ସୋମବାର ୟୁଜବେକିସ୍ତାନର ତାସକେଣ୍ଟ୍‌ଠାରେ ଆୟୋଜିତ କାର୍ଯ୍ୟକ୍ରମ ଦସ୍ତଲିକ୍‌-୨୦୧୯ରେ ଏହା କହିଛନ୍ତି। ଆତଙ୍କବାଦ ସାରା ପୃଥିବୀ ପାଇଁ ଏକ ସଙ୍କଟ ସୃଷ୍ଟି କରିଛି। ତେବେ ପାକିସ୍ତାନର ନାମ ନ ନେଇ ରାଜନାଥ ଆତଙ୍କବାଦକୁ ପ୍ରୋତ୍ସାହିତ କରୁଥିବା ଦେଶଙ୍କ ଉଦ୍ଦେଶ୍ୟରେ ଏଭଳି କହିଛନ୍ତି। ପ୍ରଥମଥର ପାଇଁ ଭାରତ ଏବଂ ୟୁଜବେକିସ୍ତାନ ମଧ୍ୟରେ ଏହି ସମ୍ମିଳନୀର ଆୟୋଜନ ହୋଇଛି। ଏହି ସମ୍ମିଳନୀରେ ୟୁଜବେକିସ୍ତାନ ରକ୍ଷାମନ୍ତ୍ରୀ ମେଜର ଜେନେରାଲ ବାକୋଦିର୍‌ ନିଜାମୋଭିଚ୍‌ କୁର୍ବାନୋଭ୍‌ ଉପସ୍ଥିତ ଥିଲେ।