ନୂଆଦିଲ୍ଲୀ, ୧୫।୫(ପି.ଟି.): ବିଶ୍ୱ କ୍ରିକେଟର ସର୍ବୋଚ୍ଚ ପ୍ରଶାସନିକ ସଂସ୍ଥା ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି)ର ନେତୃତ୍ୱ ନେବା ପାଇ ଭାରତୀୟ ପୂର୍ବତନ ଅଧିନାୟକ ସୌରଭ ଗାଙ୍ଗୁଲିଙ୍କ ନିକଟରେ ଦକ୍ଷତା ରହିଛି। ଏକଥା କହିଛନ୍ତି ଇଂଲଣ୍ଡ ପୂର୍ବତନ ଅଧିନାୟକ ଡେଭିଡ ଗାଓ୍ବାର। ଆଇସିସିର ନେତୃତ୍ୱ ନେବା ପାଇଁ ତାଙ୍କ ପାଖରେ ରାଜନୈତିକ କୌଶଳ ରହିଛି। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଅଧ୍ୟକ୍ଷ ଭାବେ ସେ ନିଜର ଦକ୍ଷତା ପ୍ରତିପାଦନ କରିଛନ୍ତି। ବିଶ୍ୱ କ୍ରିକେଟରେ ଅଧ୍ୟକ୍ଷ ଭାବେ ବିସିସିଆଇ ଦାୟିତ୍ୱ ସମ୍ପାଦନା କରିବା ନିଶ୍ଚିତ ଭାବେ ଏକ କଷ୍ଟକର ବ୍ୟାପାର ଓ ସେ ଏହାକୁ ସଫଳତାର ସହ କରି ଦେଖାଇଛନ୍ତି। ଗାଙ୍ଗୁଲିଙ୍କ ପାଖରେ ନେତୃତ୍ୱ ନେବାର କଳା ରହିଛି। ତେଣୁ ଦିନେ ଆଇସିସିର ଅଧ୍ୟକ୍ଷ ହେବ ଓ ସଫଳତାର ସହ ଦାୟିତ୍ୱ ସମ୍ପାଦନ କରିବେ ବୋଲି ଗାଓ୍ବାର କହିଛନ୍ତି। ଗାଙ୍ଗୁଲି ମଧ୍ୟ ଜଣେ ସଫଳ କ୍ରିକେଟର ତାଙ୍କର ସାରା ବିଶ୍ୱ ତଥା ଭାରତରେ ଲକ୍ଷଲକ୍ଷ ପ୍ରଶଂସକ ମଧ୍ୟ ରହିଛନ୍ତି। ଯେକୌଣସି ପ୍ରକାର ପ୍ରଶାସନରେ ରାଜନୈତିକ କୌଶଳ ଜରୁରି ହୋଇଥାଏ। ପୁଣି ସମସ୍ତଙ୍କ ଏକାଠି ନେଇ ଚାଲିବାର ଦକ୍ଷତା ମଧ୍ୟ ଗାଙ୍ଗୁଲି ନିକଟରେ ରହିଛି। ବିସିସିଆଇ ଅଧ୍ୟକ୍ଷ ଭାବେ ସେ ଏପର୍ଯ୍ୟନ୍ତ ବହୁତ ସଫଳତା ପାଇଛନ୍ତି ବୋଲି ଗାଓ୍ବର ରହିଛନ୍ତି।
ଟେଷ୍ଟ ଫର୍ମାଟ ଦୃଷ୍ଟିକୋଣରୁ ବିଶ୍ୱ ଟେଷ୍ଟ ଚାମ୍ପିୟନଶିପ୍ର ଯଥେଷ୍ଟ ଗୁରୁତ୍ୱ ରହିଛି। ଟେଷ୍ଟକୁ ବଞ୍ଚାଇ ରଖିବା ପାଇଁ ଆଇସିସି ତରଫରୁ ଏଭଳି ପ୍ରୟସା କରାଯାଇଛି। କ୍ରିକେଟରେ ଟେଷ୍ଟ ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ଫର୍ମାଟ। ଜଣେ କ୍ରିକେଟର ଏହି ଫର୍ମାରେ ହିଁ ପ୍ରକୃତ ପରୀକ୍ଷା ସମ୍ମୁଖୀନ ହୋଇଥାଏ।
