ଖୋର୍ଦ୍ଧା,୩୦।୪(ପ୍ରଭାତ ପାଣିଗ୍ରାହୀ): ଖୋର୍ଦ୍ଧା ସହରରେ ପାନ ଦୋକାନରେ ଚାଲିଥିଲା ନକଲି ବିଦେଶୀ ମଦ ପ୍ରସ୍ତୁତି ଏବଂ ବିକ୍ରୟ। ଏ ନେଇ ଖବର ପାଇ ଜିଲା ଅବକାରୀ ବିଭାଗର ଏକ ସ୍ବତନ୍ତ୍ର ଟିମ୍ ସହରରେ ଥିବା ପେଟ୍ରୋଲ ପମ୍ପ ଛକରେ ୨ଟି ପାନ ଦୋକାନରେ ଚଢ଼ାଉ କରିଥିଲା। ଘଟଣାରେ ଦୁଇ ଜଣଙ୍କୁ ଅବକାରୀ ବିଭାଗ ଟିମ ଗିରଫ କରିଛି। ସେମାନେ ଅସଲି ବିଦେଶୀ ମଦ ବୋତଲ ରେ ନକଲି ମଦ ପ୍ରସ୍ତୁତ କରି ବିକ୍ରୟ କରୁଥିବା ଜଣାପଡ଼ିଛି।
ତେବେ ଚଢ଼ାଉ ବେଳେ ଘଟଣାସ୍ଥଳରୁ ବିପୁଳ ପରିମାଣର ନକଲି ମଦ, ଥିନର୍, ଖାଲି ବୋତଲ, ଅସଲି ବିଦେଶୀ ମଦ ଲେବେଲ ଇତ୍ୟାଦି ଜବତ କରାଯାଇଛି। ଧରାପଡ଼ିବା ପରେ ଅଭିଯୁକ୍ତ ନକଲି ମଦ ପ୍ରସ୍ତୁତ ଡେମୋ ଦେଖାଇଥିଲେ। ଏହି ମଦ ସବୁ ବିଷାକ୍ତ ମଦ ହେବାର ଆଶଙ୍କା ମଧ୍ୟ ଥିଲା ବୋଲି ଖୋର୍ଦ୍ଧା ଜିଲା ଅବକାରୀ ଅଧିକ୍ଷକ ସୁମତି ତ୍ରିପାଠୀ ଗଣ ମାଧ୍ୟମକୁ ସୂଚନା ଦେଇଛନ୍ତି।
