ବମ୍ବେ: କ୍ୟାନ୍ସରରେ ପୀଡ଼ିତ ହେବା ପରେ ଏକରକମ ଫିଲ୍ମ ଜଗତଠାରୁ ଦୂରେଇ ଯାଇଛନ୍ତି ଅଭିନେତା ଇର୍ଫାନ ଖାଁ। ଚିକିତ୍ସା ଚାଲୁ ରହିଥିବାରୁ ସେ ଅଭିନୟକୁ ସମୟ ଦେଇପାରୁନାହାନ୍ତି। ହେଲେ ରୋଗରେ ଆକ୍ରାନ୍ତ ହେବା ପୂର୍ବରୁ ସେ ଫିଲ୍ମ ‘ଅଂଗ୍ରେଜି ମିଡିୟମ’ର ଶୁଟିଂ ଆରମ୍ଭ କରିଦେଇଥିଲେ। ଏବେ ଶୁଟିଂ ଶେଷ ହେବା ପରେ ଟ୍ରେଲର ରିଲିଜ ହେବାକୁ ଯାଉଛି। ଗୁରୁବାର ଏହା ରିଲିଜ କରାଯିବ। ହେଲେ ଏହାପୂର୍ବରୁ ଦର୍ଶକଙ୍କ ଉଦ୍ଦେଶ୍ୟରେ ଭିଡିଓରେ ହୃଦୟସ୍ପର୍ଶୀ ବାର୍ତ୍ତା ଦେଇଛନ୍ତି, ଯାହା ଶୁଣିଲେ କାହାର ବି ଆଖି ଓଦା ହୋଇପାରେ।
ଶୁଟିଂ ସମୟର କିଛି ଦୃଶ୍ୟ ଭିଡିଓରେ ରହିଛିି। ଏହାଛଡ଼ା ଇର୍ଫାନଙ୍କ ସ୍ବର ମଧ୍ୟ ଶୁଣିବାକୁ ମିଳୁଛି। ଅଂଗ୍ରେଜି ମିଡିୟମ ତାଙ୍କ ପାଇଁ ବହୁତ ଖାସ୍। ଏହାର ପ୍ରମୋଶନ କରିବାକୁ ଚାହୁଁଛି। ହେଲେ ଶରୀର ଭିତରେ କିଛି ଅତିଥି ବସି ରହିଛନ୍ତି। ତାଙ୍କ ସହ କଥାବାର୍ତ୍ତା ଜାରି ରହିଛି। ଆପଣ ଫିଲ୍ମକୁ ଦେଖିବାକୁ ନିହାତି ଯାଆନ୍ତୁ। ଏହା ଆପଣଙ୍କୁ ହସାଇବ, କନ୍ଦାଇବ ପୁଣି ହସାଇବ। ମୋର ଅପେକ୍ଷା କରିବେ ବୋଲି ଇର୍ଫାନ କହିଛନ୍ତି।
