ଅଂଶୁମାନର ଚିକିଛା ଲାଗି କଥା ଦେଲେ ଜିଲାପାଳ
8:47 amOctober 30, 2019 / 21

ତଳଗାଁ,୩୦।୧୦(ଡି.ଏନ୍‌.ଏ.)-ବୌଦ୍ଧ ଜିଲା ହରଭଙ୍ଗା ବ୍ଲକ ଅଧୀନ କୁଶଙ୍ଗ ଗଁାର ଅମିତ ଦେହୁରୀକଁର ପୁଓ ଅଂଶୁମାନ ଦେହୁରୀ(୩)। ଜନମ୍‌ବେଲୁ ତାକର ମୁଡ଼ ଅସୁଆଭାବିକ୍‌ ଭାବେ ବଢ଼ତେଲ ଯାଉଛେ। ଏନ୍‌ତାଥି ପରିବାର ଲୋକ୍‌ ଚିନ୍‌ତାରେ ପଡ଼ିଯାଇଛନ୍‌। ଅଭାବ ଅନାଟନରେ ପରିବାର ଲୋକ୍‌ ଧାରଉଧାର କରି ଅଂଶୁମାନକେ ଆସର ପାସର ଡାକ୍‌ତରଖାନା ସମେତ କଟକ ବଡ଼ ଡାକ୍‌ତରଖାନାକେ ନେଇ ଚିକିଛା କରେଇଛନ୍‌। ସେଠାନେ ଡାକ୍‌ତରମାନେ ଅଂଶୁମାନର ମୁଡ଼େ ପାଏନ୍‌ ଜମିଥିବାର କହେବାର ସଂଗେ ଇଥିରଲାଗି ଅପରେଶନ ଦରକାର ବଲି ପରାମଶ ଦେଇଥିବାର ପରିବାର ଲୋକ୍‌ କହିଛନ୍‌। ହେଲେ ପରିବାରଟା ନିହାତି ଗରିବ୍‌ ହେଇଥିଲାବେଲେ ଅଂଶୁମାନର ଚିକିଛାରେ ଜମିବାଡ଼ି ବିକି ସରବ୍‌ସୁଅଁାତ୍‌ ହେଇଛନ୍‌। ଏନ୍‌ତାଥି ମା’ବାପ୍‌ ପୁଓ ଅଂଶୁମାନକେ ଧରି ସୋମବାର ହରଭଙ୍ଗା ବ୍ଲକରେ ହେଇଥିବାର ଜିଲାପାଳକଁର ଜନଶୁନାନି ଶିବିରରେ ଗୁହାରି କରିଥିଲେ। ଜିଲାପାଳ ଲଲାଟେନ୍ଦୁ ମିଶ୍ର ଅଂଶୁମାନର ଚିକିଛା ଲାଗି ହାତ୍‌ ବଢ଼ାବାର ସଂଗେ ବୁର୍ଲା ମେଡିକାଲରେ ଉଚ ଚିକିଛା କରାବାକେ କଥା ଦେଇଥିବାର ଜନାଯାଇଛେ।