ଭୁବନେଶ୍ୱର,୧୯।୩(ବ୍ୟୁରୋ): ସରକାରଙ୍କ ପକ୍ଷରୁ ବିଦେଶାଗତଙ୍କ ରେଜିଷ୍ଟ୍ରେଶନ ପାଇଁ କରାଯାଇଥିବା ପୋର୍ଟାଲରେ ଗୁରୁବାର ଅପରାହ୍ନ ୨ଟା ସୁଦ୍ଧା ୨୬୨୬ଜଣ ପଞ୍ଜୀକୃତ ହୋଇଛନ୍ତି । ଗତ ୨୪ ଘଣ୍ଟା ମଧ୍ୟରେ ଦିଆଯାଇଥିବା ୧୦୪ ନଂକୁ ୧୨ହଜାରରୁ ଅଧିକ କଲ୍ ଆସିଛି ବୋଲି ଗୁରୁବାର ଗୀତଗୋବିନ୍ଦ ସଦନରେ ଆୟୋଜିତ ଖବରଦାତା ସମ୍ମିଳନୀରେ ରାଜ୍ୟ ସରକାରଙ୍କ କରୋନା ଭୂତାଣୁ ସଂକ୍ରମଣ ସଚେତନତା କମିଟି ମୁଖ୍ୟ ପ୍ରବକ୍ତା ସୁବ୍ରତୋ ବାଗ୍ଚୀ ସୂଚନା ଦେଇ କହିଛନ୍ତି।
ବାଗ୍ଚୀ ଅଧିକ ସୂଚନା ଦେଇ କହିଛନ୍ତି, ରାଜ୍ୟର ୬୭୯୮ ପଞ୍ଚାୟତରେ ମେମ୍ବରମାନଙ୍କ ମିଟିଂ ହୋଇଛି। ସେଠାରେ ୨ଲକ୍ଷ ୩୭ହଜାର ମେମ୍ବରଙ୍କୁ ସେନ୍ସଡାଇଜ୍ କରାଯାଇଛି। ଏଥିସହ ଶୀଘ୍ର ସ୍ବାସ୍ଥ୍ୟ ସୁବିଧା ଯୋଗାଇଦେବା ଲାଗି ୭୧୭୬ ମେଡିକାଲ କ୍ୟାମ୍ପ ପ୍ରସ୍ତୁତ ହେଉଛି। ସାମାଜିକ ସୁରକ୍ଷା ବ୍ୟବସ୍ଥା ଅନ୍ତର୍ଗତ ୪୮ ଲକ୍ଷ ୩୮ ହଜାର ୫୪୮ଜଣ ହିତାଧିକାରୀଙ୍କୁ ୪ ମାସର ପେନସନ୍/ଭତ୍ତା ଦିଆଯାଇଛି ବୋଲି ସେ କହିଛନ୍ତି।
