୭୦ ଦିବ୍ୟାଙ୍ଗ ପାଇବେ କୃତ୍ରିମ ଅଙ୍ଗ
5:02 pmNovember 4, 2019

ପୁରୀ ଅଫିସ, ୪।୧୧: ପୁରୀ ଜିଲାର ବାତ୍ୟା କ୍ଷତିଗ୍ରସ୍ତ ଦିବ୍ୟାଙ୍ଗଙ୍କୁ ସବୁ ପ୍ରକାର ସହାୟତା ଯୋଗାଇବାକୁ ଜିଲା ପ୍ରଶାସନ ତରଫରୁ ଆରମ୍ଭ ହୋଇଛି ‘ପ୍ରଫୁଲ୍ଲ ଯୋଜନା’। ଏହି ଯୋଜନାରେ ନୂତନ ଭାବରେ ଚିହ୍ନଟ ହୋଇଥିବା ୭୦ ଦିବ୍ୟାଙ୍ଗଙ୍କୁ କୃତ୍ରିମ ଅଙ୍ଗ ପ୍ରଦାନ ଲାଗି ପ୍ରଶାସନ ପକ୍ଷରୁ ସ୍ଥିର କରାଯାଇଛି। ଏଥିଲାଗି ଗତ ଅଗଷ୍ଟ ୨୦ରେ ସଂସ୍କୃତି ଭବନରେ ଦିବ୍ୟାଙ୍ଗଙ୍କ କୃତ୍ରିମ ଅଙ୍ଗ ମାପ ଶିବିର ଅନୁଷ୍ଠିତ ହୋଇଥିଲା। ଏଥିରେ ଯୋଗ୍ୟ ବିବେଚିତ ହୋଇଥିବା ଦିବ୍ୟାଙ୍ଗମାନେ ଏହି କୃତ୍ରିମ ଅଙ୍ଗ ପାଇବେ। ଏହି କୃତ୍ରିମ ଅଙ୍ଗ ବିତରଣ କ୍ୟାମ୍ପ ନଭେମ୍ବର ୭ତାରିଖ ପୂର୍ବାହ୍ନ ୧୦ଟାରେ ସମୁଦ୍ରକୂଳ ଥାନା ସମ୍ମୁଖ ସଦ୍‌ଭାବନା ଗୃହଠାରେ ଅନୁଷ୍ଠିତ ହେବ। ଯୋଗ୍ୟ ହିତାଧିକାରୀ ସୂଚିତ ସମୟ ଓ ସ୍ଥାନରେ ପହଞ୍ଚିବା ପାଇଁ ଜିଲା ସମାଜ ସୁରକ୍ଷା ଅଧିକାରୀ ତ୍ରିନାଥ ପାଢ଼ୀ ଜଣାଇଛନ୍ତି। ଏ ସମ୍ପର୍କରେ ଅଧିକ ସୂଚନା ପାଇଁ ହିତାଧିକାରୀମାନେ ମୋବାଇଲ ନଂ. ୯୪୩୯୦୭୬୯୬୬କୁ ଯୋଗାଯୋଗ କରିପାରିବେ ବୋଲି ସେ କହିଛନ୍ତି ।