ପାଟଣା,୧୦।୧(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜରେ ଗୋଟିକିଆ ଦନ୍ତାହାତୀର ଆତଙ୍କରାଜ ଯୋଗୁ ଲୋକେ ଭୟଭୀତ ଅବସ୍ଥାରେ ଅଛନ୍ତି। ଗୁରୁବାର ବିଳମ୍ବିତ ରାତିରେ ଏହି ଦନ୍ତାହାତୀଟି ପାଟଣା ରେଞ୍ଜର ବଡ଼ବିଲ, ଜମୁନାଳିଆ, ତାଳସରୁଆ, ହଳଦୀବଟା, ନୂଆଗାଁ ଓ ଦୁବେଇପେଣ୍ଠ ଆଦି ଗ୍ରାମରେ ପଶି ୫ରୁ ଊର୍ଦ୍ଧ୍ୱ ଲୋକଙ୍କ ଘର ଭାଙ୍ଗିବା ସହିତ ଧାନ, ଚାଉଳ,ପନିପରିବା ଖାଇ ନଷ୍ଟ କରିଛନ୍ତି। ଏହି ଗୋଠ ଛଡ଼ା ହାତୀଟି ହଳଦୀବଟା ଗ୍ରାମର ମରା ମୁଣ୍ଡା, ଖଗେଶ୍ୱର ନାଏକ, ବଡ଼ବିଲ ଗ୍ରାମର ଦୁଃଶାସନ ନାଏକ, ସହଦେବ ନାଏକ, ଜାମୁନାଳିଆ ଗ୍ରାମର ମେରା ମୁଣ୍ଡାଙ୍କ ଘର ଭାଙ୍ଗିଦେଇଛି। ହାତୀର ଉପଦ୍ରବ ଦେଖି ଲୋକେ ଭୟଭୀତ ଅବସ୍ଥାରେ ରାତି ଅନିଦ୍ରା ହେଉଛନ୍ତି। ହାତୀଟି ଏବେ ଘୁଣ୍ଟିବେଡ଼ା ଗାଁ ନିକଟ ପୁରୁଣା ପାଣି ଜଙ୍ଗଲ ଥିବା ବନ ବିଭାଗ ପକ୍ଷରୁ ସୂଚନା ମିଳିଛି। ଖୁବ୍ଶୀଘ୍ର କ୍ଷୟକ୍ଷତିର ଆକଳନ କରାଯାଇ କ୍ଷତିଗ୍ରସ୍ତ ପରିବାରଙ୍କୁ କ୍ଷତିପୂରଣ ଯୋଗାଇ ଦେବାକୁ ଭାଜପା ନେତା ଗୌତମ ନାଏକ ଦାବି କରିଛନ୍ତି।
