ମାଞ୍ଚେଷ୍ଟର, ୧୧।୭ (ପି.ଟି.)- ଆଇସିସି ବିଶ୍ୱକପ୍ର ପ୍ରଥମ ସେମିଫାଇନାଲରେ ନ୍ୟୁଜିଲାଣ୍ଡ ନିକଟରୁ ହୃଦୟ ବିଦାରକ ପରାଜୟ ପରେ ଭାରତୀୟ ଦଳର ଅଧିନାୟକ ବିରାଟ କୋହଲି ମ୍ୟାଚ୍ର ‘ପ୍ରଥମ ୪୫ ମିନିଟ୍ ଖରାପ କ୍ରିକେଟ୍’ ଖେଳ ବଦଳାଇ ଦେଇଥିଲା ବୋଲି କହିଛନ୍ତି। ୨୪୦ ରନର ଲକ୍ଷ୍ୟକୁ ପିଛା କରିଥିବା ଭାରତ ପ୍ରାରମ୍ଭରୁ ୨୪ ରନ ମଧ୍ୟରେ ୪ ବ୍ୟାଟ୍ସମ୍ୟାନଙ୍କୁ ହରାଇ ଘୋର ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ତେବେ ମହେନ୍ଦ୍ର ସିଂ ଧୋନୀ (୫୦) ଓ ରବୀନ୍ଦ୍ର ଜାଡେଜା (୭୭) ୭ମ ଉଇକେଟ୍ ଯୋଡ଼ିରେ ୧୧୬ ରନର ଚମତ୍କାର ପାର୍ଟନରଶିପ୍ କରି ପୁଣିଥରେ ଭାରତ ସପକ୍ଷକୁ ମ୍ୟାଚ୍ ଆଣିଥିଲେ। କିନ୍ତୁ ଅନ୍ତିମ ମୁହୂର୍ତ୍ତରେ ଧୋନୀଙ୍କ ରନ୍ଆଉଟ୍ ମ୍ୟାଚ୍କୁ ନ୍ୟୁଜିଲାଣ୍ଡ ସପକ୍ଷକୁ ନେଇଯାଇଥିଲା।
ମିନିଟ୍ର ଖରାପ କ୍ରିକେଟ୍ ତୁମକୁ ଟୁର୍ନାମେଣ୍ଟରୁ ବାହାର କରିଦେଇଛି। ଯେତେବେଳେ ତୁମେ ଭଲ କ୍ରିକେଟ୍ ଖେଳୁଥାଅ ସେତେବେଳେ ଏହା ତୁମକୁ ନିରାଶ କରିଥାଏ। ଏହାକୁ ଗ୍ରହଣ କରିବା କଷ୍ଟଦାୟକ’ ବୋଲି ସେମିଫାଇନାଲ ପରାଜୟ ପରେ ଅନୁଷ୍ଠିତ ଖବରଦାତା ସମ୍ମିଳନୀରେ କୋହଲି ଏହା କହିଛନ୍ତି। ‘ନ୍ୟୁଜିଲାଣ୍ଡ ବୋଲରଙ୍କୁ ଶ୍ରେୟ ଦିଆଯିବ। ନୂଆ ବଲରେ ସେମାନେ ବାସ୍ତବରେ ବହୁତ ଭଲ ବୋଲିଂ କରିଥିଲେ ଏବଂ ଚମତ୍କାର ସ୍ଥାନରେ ବଲ୍କୁ ପକାଇବାରେ ସଫଳ ହୋଇଥିଲେ। ଆମ ବ୍ୟାଟିଂର ପ୍ରଥମ ଅଧଘଣ୍ଟା ଯେଉଁଭଳି ଭାବେ ସେମାନେ ବୋଲିଂ କରିଥିଲେ ତାହା ମ୍ୟାଚ୍ରେ ଫରକ ଆଣିଥିଲା। ସେମାନଙ୍କ ଏହି ପ୍ରଦର୍ଶନରେ କୌଶଳସ୍ତର ଦେଖିବାକୁ ମିଳିଥିଲା। ଫଳରେ ଆମର ବ୍ୟାଟ୍ସମ୍ୟାନଙ୍କ ପାଇଁ ବ୍ୟାଟିଂ କରିବା କଠିନ ହୋଇଯାଇଥିଲା’ ବୋଲି ବିରାଟ ଏହି ଅବସରରେପ୍ରକାଶ କରିଛନ୍ତି। ଜାଡେଜା ଓ ଧୋନୀଙ୍କ ପ୍ରଦର୍ଶନକୁ ନେଇ ଭାରତୀୟ ଦଳର ଅଧିନାୟକ କହିଛନ୍ତି, ‘ଗତ କେତୋଟି ମ୍ୟାଚ୍ରେ ଜାଡେଜାଙ୍କ ପ୍ରଦର୍ଶନ ବହୁତ ଭଲ ରହିଛି। ଆଜି ତାଙ୍କର ବ୍ୟାଟିଂରେ କୌଶଳ ଦେଖିବାକୁ ମିଳିଥିଲା। ସେହିଭଳି ଏମ୍ଏସ୍ (ଧୋନୀ) ଜାଡେଜାଙ୍କ ସହ ମିଶି ଭଲ ପାର୍ଟନରଶିପ୍ କରିଥିଲେ। ଅନ୍ତିମ ମୁହୂର୍ତ୍ତରେ ସେ ରନ୍ଆଉଟ୍ ହୋଇ ନ ଥିଲେ ମ୍ୟାଚ୍ କାହା ସପକ୍ଷରେ ବି ଯାଇପାରିଥାନ୍ତା ଆମେ ଭଲ କ୍ରିକେଟ୍ ଖେଳିଲୁ, କିନ୍ତୁ ଆମର ଶଟ୍ ଚୟନ ଆହୁରି ଶ୍ରେଷ୍ଠ ହୋଇପାରିଥାନ୍ତା’।
