୩ ଲଜ୍‌ରେ ଅନୈତିକ କାର୍ଯ୍ୟ: ଧରାପଡ଼ିଥିବା ୧୬ ଯୁବକ ଗିରଫ

ବାରିପଦା ଅଫିସ,୨୨।୧୨- ମୟୂରଭଞ୍ଜ ଜିଲା ବାରିପଦା ସହର ଜନଗହଳିପୂର୍ଣ୍ଣ ବଗୁଳି ମାର୍କେଟରେ ଥିବା ୩ଟି ଲଜ୍‌ରେ ଦେହ ବେପାର ଭଳି ଅନୈତିକ କାର୍ଯ୍ୟ ଚାଲିଥିବା ସନ୍ଦେହରେ ସ୍ଥାନୀୟ ଟାଉନ ଥାନା ପୋଲିସ ଶନିବାର ଚଢ଼ାଉ କରିଥିଲା। ସେଠାରୁ ଧରାପଡିଥିବା ୩୨ ଯୁବତୀଯୁବକଙ୍କ ସମେତ ହୋଟେଲ ମ୍ୟାନେଜର ଓ କର୍ମଚାରୀଙ୍କୁ ପଚରାଉଚୁରା ପରେ ଏକ ବଡଧରଣ ଅନୈତିକ କାର୍ଯ୍ୟର ପର୍ଦ୍ଦାଫାଶ ହୋଇଛି। ଏହି ଘଟଣାରେ ପୋଲିସ ଇମୋରାଲ ଟ୍ରାଫିକ ପ୍ରିଭେନସନ ଆକ୍ଟ – ୧୯୫୬ (ୟୁ /ଏସ-୩, ୪,୫, ୬, ୭)ରେ ୩ଟି ମାମଲା (ନଂ.୪୧୧/୪୧୨/୪୧୩/୧୯)ରୁଜୁ କରି ୧୫ ଯୁବକଙ୍କ ସମେତ ୩ ହୋଟେଲର ୪ ମ୍ୟାନେଜରଙ୍କୁ ମିଶାଇ ୧୯ଜଣଙ୍କୁ ଗିରଫ କରିଛି। ୩ ଲଜ୍‌ରୁ ଉଦ୍ଧାର ୧୫ ଯୁବତୀଙ୍କୁ ସ୍ବଧାର ଗୃହକୁ ପଠାଯାଇଛି। ଶାନ୍ତି ଲଜ୍‌ର ମ୍ୟାନେଜର ଶ୍ୟାମସୁନ୍ଦର ସେଠୀ, କ୍ରିଷ୍ଣା ଲଜ୍‌ର ମ୍ୟାନେଜର ଗଗନ ବିହାରୀ ବେହେରା, ଶ୍ରୀକ୍ରିଷ୍ଣା ଲଜ୍‌ର ମ୍ୟାନେଜର ପଙ୍କଜ କୁମାର ନାୟକ ଓ ସତ୍ୟଜିତ ମାରାଣ୍ଡିିଙ୍କୁ ଗିରଫ କରାଯାଇଛି। ଗିରଫ ଯୁବକଙ୍କ ସମେତ ସମ୍ପୃକ୍ତ ଯୁବତୀଙ୍କୁ ଡାକ୍ତରୀ ମାଇନା କରାଯାଇଛି।
ବାରିପଦା ସଦର ଏସ୍‌ଡିପିଓ କେ.କେ. ହରିପ୍ରସାଦ ଗଣମାଧ୍ୟମକୁ ଏହି ସୂଚନା ଦେଇ କହିଛନ୍ତି, ଏସବୁ ହୋଟେଲରେ ଦେହ ବ୍ୟବସାୟ ଚାଲିଥିବା ସୂଚନାକୁ ଆଧାରକରି ତଦନ୍ତ କରାଯିବା ବେଳେ ଶନିବାର ସେଠାରେ ବହୁସଂଖ୍ୟକ ଯୁବତୀଯୁବକ ଥିବା ସୂଚନା ମିଳିଥିଲା। ଏସବୁ ଲଜ୍‌ରେ ତତ୍‌କ୍ଷଣାତ ଚଢାଉ କରିବା ସକାଶେ ୩ଟି ପୋଲିସ ଟିମ୍‌ ଗଢାଯାଇ ଅପରାହ୍ନରେ ଏକକାଳୀନ ଚଢ଼ାଉ କରାଯାଇଥିଲା। ଅପରାହ୍ନ ୩ଟା ସୁଦ୍ଧା ଚଢ଼ାଉ ସରିଥିଲା। ଦେଢ଼ଘଣ୍ଟା ଧରି ପୋଲିସ ହୋଟେଲର ସମସ୍ତ କୋଠରିକୁ ତନ୍ନ ତନ୍ନ କରି ଯାଞ୍ଚ କରି ୩ ଲଜ୍‌ର ବିଭିନ୍ନ ରୁମ୍‌ରେ ଥିବା ଏହି ଯୁବତୀଯୁବକଙ୍କୁ ଉଦ୍ଧାର କରିଥିଲା। ଯୁବତୀ ଯୁବକଙ୍କ ସମେତ ଲଜ୍‌ ମ୍ୟାନେଜରଙ୍କୁ ଗାଡିରେ ପୋଲିସ ଥାନାକୁ ଆଣି ପଚରାଉଚୁରା କରିବା ପରେ ସେଠାରେ ଅନୈତିକ କାର୍ଯ୍ୟ ଚାଲିଥିବା ଜଣାପଡିଥିବା ନେଇ ପୋଲିସ ପକ୍ଷରୁ ଏକ ପ୍ରେସ୍‌ ବିଜ୍ଞପ୍ତିରେ ସୂଚନା ଦିଆଯାଇଛି। ଏହି ୩ ଲଜ୍‌ ମଧ୍ୟରୁ ଶାନ୍ତି ଲଜ୍‌ରୁ ୨ ଯୁବତୀ, ୨ ଯୁବକ, କ୍ରିଷ୍ଣା ଲଜ୍‌ର ୁ୮ ଯୁବତୀ, ୮ ଯୁବକ ଓ ଶ୍ରୀକ୍ରିଷ୍ଣା ଲଜରୁ ୬ ଯୁବତୀ ଓ ୬ ଯୁବକ ଉଦ୍ଧାର ହୋଇଥିବା ପୋଲିସ କହିଛି। ଏହି ଚଢାଉରେ ବାରିପଦା ଟାଉନ ଥାନା ଅଧିକାରୀ ଅଶୋକ କୁମାର ନାୟକ ଓ ସବ୍‌ ଇନ୍ସପେକ୍ଟର ରୀତାରାଣୀ ବେହେରା ପ୍ରମୁଖ ସାମିଲ ଥିଲେ।
ପୋଲିସ କେମିତି ସନ୍ଦେହ କଲା…
ଗତ କିଛିଦିନ ତଳେ ବାରିପଦା ଟାଉନ ଥାନାରେ ଜଣେ କଲେଜ ଛାତ୍ରୀ ନିଖୋଜ ହୋଇଥିବା ନେଇ ଅଭିଯୋଗ ହୋଇଥିଲା। ଏହି ଅଭିଯୋଗକୁ ଭିତ୍ତିକରି ପୋଲିସ ତଦନ୍ତ କରିବା ବେଳେ ବଗୁଳି ମାର୍କେଟସ୍ଥିତ ଏକ ହୋଟେଲରେ ଉକ୍ତ କଲେଜ ଛାତ୍ରୀ ଜଣେ ବନ୍ଧୁଙ୍କ ସହ ଯାଇ ରହିଥିବା ଜଣାପଡିଥିଲା। ଏ ନେଇ ପୋଲିସ ହୋଟେଲର ଜଣେ କର୍ମଚାରୀଙ୍କୁ ଗତ ଗୁରୁବାର ରାତିରେ ଥାନାକୁ ଆଣି ଅଟକ ରଖି ପଚରାଉଚୁରା କରି ଶୁକ୍ରବାର ରାତିରେ ଛାଡି ଦେଇଥିଲା। ଉକ୍ତ କଲେଜ ଛାତ୍ରୀ ଓ ତାଙ୍କ ପୁରୁଷ ବନ୍ଧୁଙ୍କୁ ପୋଲିସ ଶୁକ୍ରବାର ଠାବ କରିବା ପରେ ସେମାନଙ୍କୁ ପଚରାଉଚୁରା କରି ହୋଟେଲ ସମ୍ପର୍କରେ ତଥ୍ୟ ନେଇଥିଲା। ଜଣେ ଯୁବତୀ ଓ ଯୁବକଙ୍କୁ ହୋଟେଲରେ କିଭଳି ରହିବାକୁ ଦିଆଯାଇଥିଲା ସେ ନେଇ ପୋଲିସ ତଦନ୍ତ ଆରମ୍ଭ କରି ଶନିବାର ଚଢ଼ାଉ କରିଥିବା କୁହାଯାଉଛି। ଉଲେଖନୀୟ ଯେ, ଏଥିପୂର୍ବରୁ ୨୦୧୭ ନଭେମ୍ବରରେ ବାରିପଦା ସହରର ଜଣେ କଲେଜ ଛାତ୍ରୀଙ୍କ ଅଶ୍ଳୀଳ ଫଟୋକୁ ତାଙ୍କର ଜଣେ ସହପାଠୀ ଛାତ୍ର ସୋସିଆଲ ମିଡିଆରେ ଭାଇରାଲ କରିଥିଲେ। ପୋଲିସ ଏହାର ତଦନ୍ତ କରିବା ବେଳେ ଏକ ହୋଟେଲ କୋଠରିରେ ଫଟୋ ଉଠାଯାଇଥିବା ଜଣାପଡିଥିଲା। ସେତେବେଳେ କେବଳ ସମ୍ପୃକ୍ତ କଲେଜ ଛାତ୍ରଙ୍କୁ ଗିରଫ କରାଯାଇଥିଲେ ବି ହୋଟେଲ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନ ଥିଲା।


Enter your email to get our daily news in your inbox.

All Right Reserved By Dharitri.Com

ବର୍ଷକ ପରେ ମିଳିଲା ଫନି ସହାୟତା: ବ୍ଲକ ଶିଳ୍ପ ଅଧିକାରୀଙ୍କ କାର୍ଯ୍ୟାଳୟ ଘେରାଉ

ବେତନଟୀ,୯ା୫(ଡି.ଏନ୍‌.ଏ.)- ୨୦୧୯ରେ ସାମୁଦ୍ରିକ ଝଡ଼ ‘ଫନି’ ପ୍ରଭାବରେ ବ୍ୟାପକ କ୍ଷୟକ୍ଷତି ହୋଇଥିଲା। ଏହାକୁ ଦୃଷ୍ଟିରେ କ୍ଷତିଗ୍ରସ୍ତମାନଙ୍କୁ ସରକାରଙ୍କ ପକ୍ଷରୁ ସହାୟତା ରାଶି ବଣ୍ଟନ କରାଯାଇଥିଲା। ମୟୂରଭଞ୍ଜ...

ମେଡିକାଲ କର୍ମଚାରୀ ପଦବୀ ପୂରଣ ହେଉନି

ବାରିପଦା ଅଫିସ,୧୦।୮- ଓଡ଼ିିଶା ମେଡିକାଲ କର୍ମଚାରୀ ସଂଘ ମୟୂରଭଞ୍ଜ ଜିଲା ଶାଖାର ଏକ ସାଧାରଣ ବୈଠକ ସଂଘର ଉପସଭାପତି ଶ୍ୟାମସୁନ୍ଦର ଦେଓଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି।...

ରାଜ୍ୟ ରାଜପଥକୁ ଜାତୀୟ ରାଜପଥ ମାନ୍ୟତା ପାଇଁ ଉଦ୍ୟମ, ବିଭାଗୀୟ ଅଧିକାରୀଙ୍କ ସହ ସରୋଜିନୀଙ୍କ ଆଲୋଚନା

ବାରିପଦା ଅଫିସ,୨୬ା୮- ମୟୂରଭଞ୍ଜ ଜିଲାର କଳାବାଡିଆ-ବାଙ୍ଗିରିପୋଷି, ଯଶୀପୁର- ଚମ୍ପୁଆ, ଆନନ୍ଦପୁର-ଠାକୁରମୁଣ୍ଡା – ଉଦଳା – ବାରିପଦା, ନୀଳଗିରି – କପ୍ତିପଦା – ବାରିପଦା ଏବଂ ଭଦ୍ରକ...

ବଡ଼ସାହିରେ ଭାରତ ବନ୍ଦର ମିଶ୍ରିତ ପ୍ରଭାବ

ବଡ଼ସାହି,୮।୧(ସ୍ବ.ପ୍ର.): ମୟୂରଭଞ୍ଜ ଜିଲା ବଡ଼ସାହି ବ୍ଲକ ଅଞ୍ଚଳରେ ଭାରତ ବନ୍ଦ ଡାକରାର ମିଶ୍ରିତ ପ୍ରଭାବ ଦେଖାଦେଇଛି। ବ୍ଲକ କଂଗ୍ରେସର ବଡ଼ସାହି ଜୋନ୍‌ ସଭାପତି ଶଶାଙ୍କ ଶେଖର...

ବାଲଡିହା ଡ୍ୟାମ ନବକଳେବର ନେଇ ଆଶଙ୍କାରେ ଚାଷୀ

ବାରିପଦା ଅଫିସ, ୧୬ା୩- ମୟୂରଭଞ୍ଜ ଜିଲା ଶ୍ୟାମାଖୁଣ୍ଟା ବ୍ଲକ ଅଧୀନ ବାଲଡି଼ହା ଡ଼୍ୟାମର ବର୍ତ୍ତମାନ ନବକଳେବର ହୋଉଥିବା ବେଳେ ଏହାକୁ ନେଇ ଚାଷୀମାନେ ଆଶଙ୍କା ବ୍ୟକ୍ତ...

ଦିବ୍ୟାଙ୍ଗ ବୃଦ୍ଧାଙ୍କୁ ରାସ୍ତା ପାର କରି ଚର୍ଚ୍ଚାରେ ଟ୍ରାଫିକ କନେଷ୍ଟବଳ

ବାରିପଦା ଅଫିସ,୧୯ା୯- ନୂତନ ମୋଟର ଯାନ ଆଇନ ଆସିବା ପରେ ଏହାକୁ କାର୍ଯ୍ୟକାରୀ କରିବା ପାଇଁ କିଛି ଦିନ ହେବ ପୋଲିସ କର୍ମଚାରୀ ଓ ଅଧିକାରୀମାନେ...

ଛାତ୍ରୀଙ୍କୁ ଦୁର୍ବ୍ୟବହାର ଘଟଣା: ଅଭିଯୁକ୍ତ ଅଧ୍ୟାପକ ଗିରଫ

ରାସଗୋବିନ୍ଦପୁର,୧୫।୯ (ଡି.ଏନ.ଏ))- ମୟୂରଭଞ୍ଜ ଜିଲା ରାସଗୋବିନ୍ଦପୁର ବ୍ଲକ ଅଧୀନ ଏକ କଲେଜର ଜଣେ ଆଦିବାସୀ ଛାତ୍ରୀଙ୍କୁ ଶ୍ରେଣୀଗୃହରେ ଦୁର୍ବ୍ୟବହାର ପ୍ରଦର୍ଶନ କରାଯାଇଥିବା ଅଭିଯୋଗ କ୍ରମେ ପୋଲିସ...

କୋଟାରୁ ଫେରିଲେ ୧୭ ଛାତ୍ରୀଛାତ୍ର

ବାରିପଦା ଅଫିସ, ୫ା୫- ରାଜସ୍ଥାନର କୋଟାରେ ଫସି ରହିଥିବା ୧୭ ଜଣ ଛାତୀଛାତ୍ର ମଙ୍ଗଳବବାର ମୟୂରଭଞ୍ଜ ଫେରିଛନ୍ତି। ସେମାନଙ୍କ ସହିତ ୫ ଜଣ ଅଭିଭାବକ ଓ...

Coronavirus Update


Archives

Model This Week

Why Dharitri