ସଜନାଗଡ଼,୧୦।୧(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ଥାନା ଅଧୀନ କାଂଶ ଅଞ୍ଚଳରେ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ ନୀଳଗିରି ପୋଲିସ୍ ଚଢ଼ାଉ କରି ଜଣଙ୍କୁ ଗିରଫ କରିଛି। କାଂଶ ଅଞ୍ଚଳ ମହାପାତ୍ରସାହି ଗ୍ରାମର ରବୀନ୍ଦ୍ର କୁମାର ମହାପାତ୍ର ନିଜ ବାଇକ୍ (ନଂ. ଓଡ଼ି୦୧ଏଇ-୮୮୦୭)ରେ ଅଢ଼େଇ କେଜି ଗଞ୍ଜେଇ ନେଇ ଘରୁ ବାହାରୁଥିବା ବେଳେ ପୋଲିସ୍ ହାତରେ ଧରାପଡିଥିଲେ। ପୋଲିସ୍ ତାଙ୍କୁ ଗରିଫ କରିବା ସହ ଅଢ଼େଇ କେଜି ଗଞ୍ଜେଇ ସମେତ ବାଇକ ଜବତ କରିଛି। ଅଭିଯୁକ୍ତ ଜଣକ ଗଞ୍ଜେଇ ବାଲେଶ୍ୱରର ବିଭିନ୍ନ ଦୋକାନୀକୁ ଯୋଗାଉଥିବା କହିଛନ୍ତି। ଏ ନେଇ ନୀଳଗିରି ଥାନାରେ ମାମଲା (ନଂ. ୧୮/୨୦) ରୁଜୁ କରାଯାଇ ତଦନ୍ତ ଜାରି ରହିଛି। ନୀଳଗିରି ଏସ୍ଡିପିଓ ଅମୂଲ୍ୟ କୁମାର ଧରଙ୍କ ନିର୍ଦ୍ଦେଶରେ ନୀଳଗିରି ଥାନାର ଆଇଆଇସି ମୀନତି ବିଶ୍ୱାଳ, ସବ୍ଇନ୍ସପେକ୍ଟର ଗଣେଶ ତ୍ରିପାଠୀ, ସବ୍ଇନ୍ସପେକ୍ଟର ସସ୍ମିତା ମଲ୍ଲିକ, ସବ୍ଇନ୍ସପେକ୍ଟର ବାସୁଦେବ ଜୟସିଂ ସଦଳବଳେ ଚଢାଉ କରିଥିଲେ।
