୧୮ ବର୍ଷ ପରେ ଫେରୁଛି ଆମେରିକା ସେନା

୨୦୦୧ରୁ ଆଫଗାନିସ୍ତାନରେ ଆମେରିକା ଓ ନାଟୋ ସେନା ଉପସ୍ଥିତ ରହିଛନ୍ତି। ଯୁଦ୍ଧରେ ୨୪୦୦ ଆମେରିକା ସୈନ୍ୟ ପ୍ରାଣ ହରାଇଥିବାବେଳେ ଆଫଗାନିସ୍ତାନର ୧୦ ହଜାରରୁ ଊର୍ଦ୍ଧ୍ୱ ଯବାନ ନିହତ ହୋଇଥିଲେ। ଦୀର୍ଘଦିନର ସଂଘର୍ଷ ମଧ୍ୟରେ ସେଠାରେ ୫୦ ହଜାରରୁ ଅଧିକ ଲୋକଙ୍କ ଜୀବନ ଯାଇଛି।
୨୦୦୧ ନଭେମ୍ବର: ଆଫଗାନିସ୍ତାନରେ ପହଞ୍ଚତ୍ଥିଲେ ୧୩୦୦ ଆମେରିକୀୟ ସୈନ୍ୟ।
୨୦୦୧ ଡିସେମ୍ବର: ଆମେରିକା ସୈନ୍ୟ ସଂଖ୍ୟା ୨୫୦୦କୁ ବୃଦ୍ଧି ପାଇଥିଲା। ଯୁ୍‌ଦ୍ଧରେ ତାଲିବାନ କ୍ଷମତାଚ୍ୟୁତ ହେବା ସହ ପସ୍ତୁନ୍‌ ନେତା ହମିଦ୍‌ କାର୍ଜାଇଙ୍କ ନେତୃତ୍ୱରେ ଅନ୍ତରୀଣ ସରକାର ଗଠନ ହୋଇଥିଲା।
୨୦୦୨ ମାର୍ଚ୍ଚ: ଆଫଗାନିସ୍ତାନରେ ଆମେରିକା ସୈନ୍ୟ ସଂଖ୍ୟା ୭୨୦୦କୁ ବୃଦ୍ଧି ପାଇଥିଲା।
୨୦୦୨ ଡିସେମ୍ବର: ଆମେରିକା ସୈନ୍ୟ ସଂଖ୍ୟା ବର୍ଷ ଶେଷରେ ୯୭୦୦ରେ ପହଞ୍ଚତ୍ଥିଲା।
୨୦୦୪ ଏପ୍ରିଲ: ପୁନର୍ଗଠନ କାର୍ଯ୍ୟକୁ ସୁରକ୍ଷା ଯୋଗାଇବା ପାଇଁ ଆଫଗାନିସ୍ତାନ-ପାକିସ୍ତାନ ସୀମାରେ ଆମେରିକା ଏକ ସ୍ବତନ୍ତ୍ର ବାହିନୀ ଗଠନ କରିଥିଲା ଓ ମୋଟ ସୈନ୍ୟ ସଂଖ୍ୟା ୨୦,୩୦୦କୁ ବୃଦ୍ଧି ପାଇଥିଲା।
୨୦୦୬ ଡିସେମ୍ବର: ଇରାକ ଯୁଦ୍ଧ ଯୋଗୁ ଆଫଗାନିସ୍ତାନରୁ ଅଳ୍ପ ସଂଖ୍ୟକ ସେନା ଫେରାଇ ନେଇଥିଲା ଆମେରିକା।
୨୦୦୭ ଡିସେମ୍ବର: ପୁଣି ଆଫଗାନିସ୍ତାନରେ ଆମେରିକା ଓ ନାଟୋ ସୈନ୍ୟ ସଂଖ୍ୟା ୨୫,୦୦୦କୁ ବୃଦ୍ଧି ପାଇଥିଲା।
୨୦୦୯ ମେ’: ଆଫଗାନିସ୍ତାନରେ ଅଲ୍‌କାଏଦା ଓ ତାଲିବାନ ବିରୋଧରେ ଆମେରିକା ଆକ୍ରମଣକୁ ଜୋରଦାର କରିଥିଲା। ଫଳରେ ସେଠାରେ ଆମେରିକା ସୈନ୍ୟସଂଖ୍ୟା ୫୦, ୦୦୦ ଟପିଥିଲା। ବର୍ଷ ଶେଷ ବେଳକୁ ଏହି ସଂଖ୍ୟା ୬୭,୦୦୦ରେ ପହଞ୍ଚତ୍ଥିଲା। ତତ୍କାଳୀନ ରାଷ୍ଟ୍ରପତି ବାରାକ ଓବାମା ଆଉ ୩୩,୦୦୦ ସୈନ୍ୟ ପଠାଇବାକୁ ନିର୍ଦ୍ଦେଶ ଦେଇଥିଲେ।
୨୦୧୦ ଅଗଷ୍ଟ: ଆଫଗାନିସ୍ତାନରେ ଆମେରିକା ସୈନ୍ୟ ସଂଖ୍ୟା ଲକ୍ଷେରେ ପହଞ୍ଚତ୍ଥିଲା।
୨୦୧୧ ମେ’: ଆମେରିକା ସେନାର ସ୍ବତନ୍ତ୍ର ଅପରେଶନରେ ପାକିସ୍ତାନର ଆବୋଟାବାଦରେ ଥିବା ଅଲ୍‌କାଏଦା ନେତା ଓସାମା ବିନ୍‌ ଲାଡେନ ନିହତ ହୋଇଥିଲେ।
୨୦୧୧ ଜୁନ୍‌: ଲକ୍ଷ୍ୟ ପୂରଣ ହେବା ପରେ ଓବାମା ସୈନ୍ୟ ପ୍ରତ୍ୟାହାର ଯୋଜନା ଘୋଷଣା କରିଥିଲେ। ସେହିବର୍ଷ ଶେଷ ସୁଦ୍ଧା ୧୦ ହଜାର ଯବାନ ପ୍ରତ୍ୟାହୃତ ହୋଇଥିଲେ। ୨୦୧୨ ସେପ୍ଟେମ୍ବରରେ ସୈନ୍ୟସଂଖ୍ୟା ୭୭,୦୦୦କୁ ହ୍ରାସ ପାଇଥିଲା।
୨୦୧୪ ମାର୍ଚ୍ଚ: ଆଫଗାନିସ୍ତାନରେ ଆମେରିକା ସୈନ୍ୟସଂଖ୍ୟା ୩୪,୦୦୦ରେ ପହଞ୍ଚତ୍ଥିବାବେଳେ ରାଷ୍ଟ୍ରପତି ଓବାମା ସମ୍ପୂର୍ଣ୍ଣ ସେନା ପ୍ରତ୍ୟାହାର ଚାହିଁଥିଲେ। ତେବେ କାର୍ଜାଇ ଆମେରିକା ସହ ସୁରକ୍ଷା ଚୁକ୍ତି ସ୍ବାକ୍ଷର କରିବାକୁ ମନା କରିଦେଇଥିଲେ। ପରେ ୨୦୧୬ ଶେଷ ସୁଦ୍ଧା ସମ୍ପୂର୍ଣ୍ଣ ସୈନ୍ୟ ପ୍ରତ୍ୟାହାର ପାଇଁ ଓବାମା ଘୋଷଣା କରିଥିଲେ। ଏହି ଘୋଷଣା ପରେ ସୈନ୍ୟ ସଂଖ୍ୟା ୨୦୧୪ ଡିସେମ୍ବରରେ ୧୬,୧୦୦କୁ ହ୍ରାସ ପାଇଥିଲା।
୨୦୧୫ ଅକ୍ଟୋବର: ଆଫଗାନିସ୍ତାନରେ ଆମେରିକା ସୈନ୍ୟସଂଖ୍ୟା ୯୮୦୦କୁ ହ୍ରାସ ପାଇଥିବାବେଳେ ଆତଙ୍କବାଦ ନିରୋଧୀ ମିଶନ ପାଇଁ ଆଉ ଅଧିକ ସୈନ୍ୟ ଫେରାଇ ନ ନେବାକୁ ଓବାମା ନିଷ୍ପତ୍ତିି ନେଇଥିଲେ।
୨୦୧୬ ଜୁଲାଇ: ସେନା କମାଇବା ପାଇଁ ପୂର୍ବରୁ ଘୋଷଣା କରିଥିଲେ ମଧ୍ୟ ସୁରକ୍ଷା ସ୍ଥିତିକୁ ଲକ୍ଷ୍ୟ କରି ୨୦୧୭ ଜାନୁୟାରୀ ପର୍ଯ୍ୟନ୍ତ ସେଠାରେ ୮୪୦୦ ସୈନ୍ୟ ରଖିବାକୁ ଓବାମା ଘୋଷଣା କରିଥିଲେ।
୨୦୧୭ ଅଗଷ୍ଟ: ସେନା ପ୍ରତ୍ୟାହାରର ବିପଜ୍ଜନକ ପରିଣାମ ହୋଇପାରେ ବୋଲି ଜାଣିବା ପରେ ଏହାକୁ କମାଇବା ପରିବର୍ତ୍ତେ ୧୪,୦୦୦କୁ ବୃଦ୍ଧି କରିଥିଲା ଆମେରିକା।
୨୦୧୯ ସେପ୍ଟେମ୍ବର: ରାଜିନାମା ଚୂଡ଼ାନ୍ତ ହେଲେ ଆଫଗାନିସ୍ତାନରୁ ୧୩୫ ଦିନରେ ୫ ହଜାର ସୈନ୍ୟ ପ୍ରତ୍ୟାହାର ହେବେ ବୋଲି ଆମେରିକା ରାଷ୍ଟ୍ରଦୂତ ଖଲିଲଜାଦ୍‌ ଘୋଷଣା କରିଥିଲେ। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌, ତାଲିବାନ ନେତା ଓ ଆଫଗାନିସ୍ତାନ ରାଷ୍ଟ୍ରପତିଙ୍କ ମଧ୍ୟରେ କ୍ୟାମ୍ପ ଡେଭିଡରେ ହେବାକୁ ଥିବା ବୈଠକ ବାତିଲ ହୋଇଥିଲା।
୨୦୨୦ ଫେବୃୟାରୀ ୨୯: ଆମେରିକା ଓ ତାଲିବାନ ମଧ୍ୟରେ ଚୂଡ଼ାନ୍ତ ଶାନ୍ତି ଚୁକ୍ତି ସ୍ବାକ୍ଷର ହୋଇଛି।

ସେନା ପ୍ରତ୍ୟାହାରକୁ ବିରୋଧ କରିଥିଲେ କୂଟନୀତିଜ୍ଞ

ଆଫଗାନିସ୍ତାନରୁ ସେନା ପ୍ରତ୍ୟାହାରକୁ ଆମେରିକାର କେତେଜଣ କୂଟନୀତିଜ୍ଞ ପୂର୍ବରୁ ବିରୋଧ କରିଥିଲେ। ଏହାଦ୍ୱାରା ସେଠାରେ ଗୃହଯୁଦ୍ଧ ହୋଇପାରେ ବୋଲି ସେମାନେ ଆଶଙ୍କା ବ୍ୟକ୍ତ କରିଥିଲେ। ଚିଠା ରାଜିନାମା ଘୋଷଣା ହେବା ପରେ ଆମେରିକାର ଜଣେ ପୂର୍ବତନ ଡେପୁଟି ପରରାଷ୍ଟ୍ର ସଚିବଙ୍କ ସମେତ ୯ ଜଣ କୂଟନୀତିଜ୍ଞ କହିଥିଲେ, ଆଫଗାନିସ୍ତାନ ସହ ଶାନ୍ତି ଆଲୋଚନାକୁ ସେମାନେ ସମର୍ଥନ କରନ୍ତି। ତେବେ ସେନା ପ୍ରତ୍ୟାହାର ହେଲେ ସେଠାରେ ତାଲିବାନ ପୁଣି ସକ୍ରିୟ ହେବ ଏବଂ ହିଂସା ବଢ଼ିବ ବୋଲି ସେମାନେ ସତର୍କ କରାଇଦେଇଥିଲେ। କାରଣ ବୁଝାମଣାକାରୀମାନେ ଆଫଗାନ ସରକାରଙ୍କୁ ବାହାରେ ରଖି ପୂର୍ଣ୍ଣ ଶାନ୍ତି ଚୁକ୍ତିନାମା ପୂର୍ବରୁ ଆମେରିକା ସେନା ଫେରାଇନେବାକୁ ଯୋଜନା କରିଥିଲେ। ବାସ୍ତବ ଶାନ୍ତି ସ୍ଥାପନ ପରେ ସେନା ପ୍ରତ୍ୟାହାର ହେବାକୁ ମହିଳାମାନେ ଚାହୁଁଥିଲେ ବୋଲି ଆଟଲାଣ୍ଟିକ୍‌ କାଉନସିଲ ପକ୍ଷରୁ ପ୍ରକାଶିତ ଏକ ଖୋଲାଚିଠିରେ କୁହାଯାଇଥିଲା।


Enter your email to get our daily news in your inbox.

All Right Reserved By Dharitri.Com

ଛତା ଧରି ଯୋଗ କଲେ ଜାପାନବାସୀ

ଟୋକିଓ,୨୧।୬: ଶୁକ୍ରବାର ଯୋଗ ଦିବସ ସାରା ବିଶ୍ୱରେ ପାଳନ କରାଯାଉଛି। ଯୋଗ କରୁଥିବା ଲୋକଙ୍କ ଫଟୋ କ୍ରମାଗତ ଭାବରେ ସୋସିଆଲ ମିଡିଆରେ ଦେଖାଯାଉଛି। ଜାପାନର ଭାରତୀୟ...

ଆତଙ୍କବାଦକୁ ନେଇ ଚିନ୍ତାରେ ପାକିସ୍ତାନ

ଇସଲାମାବାଦ,୨୧।୬: ଆତଙ୍କବାଦୀଙ୍କୁ ଆଶ୍ରୟ ଦେଇଥିବା ପାକିସ୍ତାନ ଆଜିକାଲି ନିଜେ ଅସୁବିଧାରେ ପଡିଛି। ବର୍ତ୍ତମାନ ରାଷ୍ଟ୍ରପତି ଆସିଫ ଅଲି ଜରଦାରୀ ଆଇନ ପ୍ରଣୟନକାରୀ ସଂସ୍ଥାଗୁଡ଼ିକର ଦକ୍ଷତା ବୃଦ୍ଧି...

ପାକିସ୍ତାନକୁ ପୁଣି ମୁହଁତୋଡ ଜବାବ ଦେଲା ଭାରତ

ନୂଆଦିଲ୍ଲୀ/ଇସଲାମାବାଦ୍‌,୨୧।୬: ଋଣ ଜାଲରେ ପଡ଼ି ଚାଇନା ନିର୍ଦ୍ଦେଶରେ କାର୍ଯ୍ୟ କରୁଥିବା ପାକିସ୍ତାନ ମିଳିତ ଜାତିସଂଘରେ କଶ୍ମୀର ପ୍ରସଙ୍ଗକୁ କ୍ରମାଗତ ଭାବେ ଉଠାଉଛି। କିନ୍ତୁ ଭାରତୀୟ କର୍ତ୍ତୃପକ୍ଷ...

ଇଣ୍ଡୋନେସିଆରେ ଶକ୍ତିଶାଳୀ ଭୂକମ୍ପ

ଜାକର୍ତ୍ତା,୨୧।୬: ଶୁକ୍ରବାର ଇଣ୍ଡୋନେସିଆରେ ଏକ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି। ଶୁକ୍ରବାର ସକାଳେ ପୂର୍ବ ଉଚ୍ଚଭୂମିରେ ଥିବା ପାପୁଆ ପ୍ରଦେଶରେ ୫.୭ ମ୍ୟାଗ୍ନିଚ୍ୟୁଡର ଏକ ଭୂକମ୍ପ...

ପୁଟିନଙ୍କୁ କିମଙ୍କ ରିଟର୍ନ ଗିଫ୍ଟ, ଏତେ ମାରାତ୍ମକ ଯେ ବାଘ ବି ଏହା ସାମ୍ନାରେ କିଛି ନୁହେଁ!

ପୋଙ୍ଗୟାଙ୍ଗ,୨୦।୬: ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନ ଉତ୍ତର କୋରିଆରେ ପହଞ୍ଚିଥିଲେ। ସେଠାରେ ଏକଛତ୍ରବାଦୀ ଶାସକ କିମ ଜୋନ ଉନଙ୍କୁ ଭେଟିଥିଲେ। ଉଭୟ ନେତା ଏକ ସ୍ବତନ୍ତ୍ର...

ଆମେରିକା ଉପରେ ରାଗିକି ନିଆଁବାଣ ହେଲା ଚାଇନା

ଓ୍ବାଶିଟନ୍‌,୨୦।୬: ଚାଇନା ଏବଂ ଆମେରିକା ମଧ୍ୟରେ ସମ୍ପର୍କ ଉନ୍ନତି ପରିବର୍ତ୍ତେ ଖରାପ ହେବାରେ ଲାଗିଛି। ଏବେ ଲାଗୁଛି ଯେ ୱାଶିଂଟନ ପୁଣି ଥରେ ଡ୍ରାଗନର ଘା’କୁ...

କାନାଡ଼ା ପ୍ରଧାନମନ୍ତ୍ରୀ ଟ୍ରୁଡୋଙ୍କ ବଡ଼ ନିଷ୍ପତ୍ତି, ଇରାନର ଘାତକ ସେନାକୁ ଆତଙ୍କବାଦୀ ସଂଗଠନ ଘୋଷଣା

ଓଟ୍ଟାଓ୍ବା,୨୦।୬: କାନାଡ଼ା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ବଡ଼ ନିଷ୍ପତ୍ତି ନେଇଛନ୍ତି। ସରକାର ଇରାନର ଆଇଆର୍‌ଜିସିକୁ ଆତଙ୍କବାଦୀ ସଂଗଠନ ଭାବେ ଘୋଷିତ କରିଛନ୍ତି। ଏନେଇ ସରକାରଙ୍କ ପକ୍ଷରୁ...

ପ୍ରତିରକ୍ଷା ଚୁକ୍ତି ସ୍ବାକ୍ଷରକଲେ ପୁଟିନ୍‌, କିମ୍‌

ପ୍ୟୋଙ୍ଗ୍‌ୟାଙ୍ଗ୍‌, ୨୦।୬: ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍‌ ୨୪ ବର୍ଷ ପରେ ପ୍ରଥମ ଥର ପାଇଁ ଉତ୍ତର କୋରିଆ ଗସ୍ତରେ ରହିଛନ୍ତି। ଉତ୍ତର କୋରିଆ ରାଜଧାନୀ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri