ନୂଆଦିଲ୍ଲୀ, ୬।୬(ପି.ଟି.)-
ଗ୍ରାଣ୍ଡସ୍ଲାମ ଖେଳି ଶତକ ପୂରଣ କରିବାରେ ୩ ପାଦ ଦୂରରେ ଅଛନ୍ତି ଭାରତର ତାରକା ଟେନିସ ଖେଳାଳି ଲିଆଣ୍ଡର ପେସ୍। ୧୦୦ ଗ୍ରାଣ୍ଡସ୍ଲାମ ପୂରଣ କରିବା ଆଶାରେ ଥିବା ଏହି ଭେଟେରାନ ଖେଳାଳି କୋଭିଡ-୧୯ ପାଇଁ ନିଜ ଲକ୍ଷ୍ୟ ପଥରେ ପହଞ୍ଚତ୍ବାନେଇ ଆଶଙ୍କାରେ ରହିଛନ୍ତି। ୨୦୨୦ରେ ଅଲିମ୍ପିକ୍ସ ଖେଳି ରେକର୍ଡ କରିବା ଲକ୍ଷ୍ୟରେ ଥିଲେ ଏହି ଟେନିସ ତାରକା। ଏହା ତାଙ୍କ କ୍ୟାରିୟରର ୮ମ ଅଲିମ୍ପିକ୍ସ ହୋଇଥାନ୍ତା। ମାତ୍ର କରୋନା ଭାଇରସ ସଂକ୍ରମଣ ଯୋଗୁ କ୍ରୀଡ଼ା ମହାକୁମ୍ଭ ୨୦୨୧କୁ ଘୁଞ୍ଚତ୍ୟିବାରୁ ଆସନ୍ତା ବର୍ଷ ଏହି ପ୍ରତିଯୋଗିତାରେ ଖେଳିବା ନେଇ ମଧ୍ୟ ସେ ଅନିଶ୍ଚିତତା ମଧ୍ୟରେ ରହିଛନ୍ତି। ୨୦୨୦ ତାଙ୍କ କ୍ୟାରିୟରର ଶେଷ ସିଜନ ବୋଲି ପୂର୍ବରୁ ଘୋଷଣା କରିଥିଲେ ଲିଆଣ୍ଡର। ଏହି ବର୍ଷ ସେ ଗ୍ରାଣ୍ଡସ୍ଲାମ ଖେଳିବାରେ ଶତକ ପୂରଣ ସହ ୮ ଅଲିମ୍ପିକ୍ସ ଖେଳିବାର ମଧ୍ୟ ଗୌରବ ପାଇଥାନ୍ତେ। ମାତ୍ର କୋଭିଡ-୧୯ ଯୋଗୁ ସେ ଏହି ମାଇଲଖୁଣ୍ଟଠାରୁ ଦୂରରେ ରହି ଯାଇଛନ୍ତି। ”ଅଲିମ୍ପିକ୍ସ ଏବେ ବହୁ ଦୂରରେ ରହିଛି। ଏପରିକି ଖେଳ ଜୁଲାଇ, ଅଗଷ୍ଟ କିମ୍ବା ଅକ୍ଟୋବର-ନଭେମ୍ବରରେ ଆରମ୍ଭ ହେବାନେଇ ମୁଁ ଆଶଙ୍କାରେ ରହିଛି। ମାତ୍ର ଲକ୍ଡାଉନ୍ ପରେ ଯେତେବେଳେ ବି ଟୁର୍ନାମେଣ୍ଟ ହେବ ସେଥିପାଇଁ ମୁଁ ପ୍ରସ୍ତୁତ ଅଛି। ସ୍ଥିତି ସ୍ବାଭାବିକ ହେଲେ ମୁଁ ୨୦୨୧ ପର୍ଯ୍ୟନ୍ତ ଖେଳ ଜାରି ରଖିବି କି ନାହିଁ ସେ ସମ୍ପର୍କରେ ନିଷ୍ପତ୍ତି ନେବି“ ବୋଲି ଏକ ଚାଟ୍ ଶୋ’ରେ ଲିଆଣ୍ଡର ପ୍ରକାଶ କରିଛନ୍ତି। ମୁଁ ୯୭ଟି ଗ୍ରାଣ୍ଡସ୍ଲାମ ଖେଳି ସାରିଛି। ଆଉ ୩ଟି ଖେଳିଲେ ୧୦୦ ପୂରଣ ହେବ। ସେହିପରି ଆଉ ଗୋଟିଏ ଅଲିମ୍ପିକ୍ସ ଖେଳିଲେ ଜଣେ ଟେନିସ ଖେଳାଳି ସର୍ବାଧିକ ଅଲିମ୍ପିକ୍ସ ଖେଳିବା ତାଲିକାର ଶୀର୍ଷରେ ଭାରତ ରହିବ। ମୋର ଏହିସବୁ ସ୍ଥାନରେ ପହଞ୍ଚତ୍ବାକୁ ଇଚ୍ଛା ଅଛି। ତେବେ ବର୍ତ୍ତମାନ ପର୍ଯ୍ୟନ୍ତ ଯାହାକିଛି ହାସଲ କରିଛି ସେଥିରେ ବହୁତ ଖୁସିଅଛି ବୋଲି ପେସ୍ କହିଛନ୍ତି।
