Posted inଖେଳ

ୟୁରୋ ୨୦୨୧, କୋପା ଆମେରିକା ସ୍ଥଗିତ

ଲାଉସାନେ, ୧୮ା୩ (ଏଏଫ୍‌ପି)-ୟୁନିୟନ ଅଫ୍‌ ୟୁରୋପିଆନ୍‌ ଫୁଟ୍‌ବଲ ଆସୋସିଏଶନ୍ସ (ୟୁଫା) ୨୦୨୧ ପର୍ଯ୍ୟନ୍ତ ୟୁରୋପିଆନ ଫୁଟ୍‌ବଲ ଚାମ୍ପିୟନଶିପ୍‌କୁ ସ୍ଥଗିତ ରଖିଛି।
ସେହିପରି ଜୁନ୍‌ ୧୨ରୁ ଜୁଲାଇ ୧୨ ପର୍ଯ୍ୟନ୍ତ ଆର୍ଜେଣ୍ଟିନା ଓ କଲମ୍ବିଆରେ ଖେଳାଯିବାକୁଥିବା କୋପା ଆମେରିକା ଫୁଟ୍‌ବଲ ଟୁର୍ନାମେଣ୍ଟକୁ ବର୍ତ୍ତମାନ ପାଇଁ ସ୍ଥଗିତ ରଖାଯାଇଛି। ଏହା ୨୦୨୧କୁ ଘୁଞ୍ଚାଇ ଦିଆଯାଇଛି। ଏହି ପ୍ରତିଯୋଗିତା ପ୍ରଥମଥର ଦୁଇଟି ଦେଶରେ ଆୟୋଜିତ ହେବାର କାର୍ଯ୍ୟକ୍ରମ ଥିଲା। ମଙ୍ଗଳବାର ୟୁରୋପିଆନ ଫୁଟ୍‌ବଲ ଗଭର୍ନିଂବଡ଼ିର ଏକ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା। ଏଥିରେ ୟୁରୋ ୨୦୨୦କୁ ସ୍ଥଗିତ ରଖାଯିବା ଲାଗି ନିଷ୍ପତ୍ତି ନିଆଯାଇଥିଲା। ଏହି ଇଭେଣ୍ଟ ମହାଦେଶର ବିଭିନ୍ନ ସ୍ଥାନର ଜୁନ୍‌ ଓ ଜୁଲାଇରେ ଖେଳାଯାଇଥାନ୍ତା। କରୋନା ଭାଇରସ୍‌ ବ୍ୟାପିବାରେ ଲାଗିଥିବାରୁ ସମଗ୍ର ବିଶ୍ୱରେ କ୍ରୀଡ଼ା ଏକ ପ୍ରକାର ସ୍ଥିର ହୋଇଯାଇଛି। ବହୁ ଦେଶ ସେମାନଙ୍କ ସୀମାନ୍ତକୁ ବନ୍ଦ କରିଦେଇଛନ୍ତି। କୋଭିଡ୍‌-୧୯ ଏମରଜେନ୍ସି ଯୋଗୁ ସମସ୍ତ ଘରୋଇ ପ୍ରତିଯୋଗିତା ମଧ୍ୟ ସ୍ଥଗିତ ରଖାଯାଇଛି। ସେଗୁଡ଼ିକ ଶେଷ ହେବା ଦରକାର। ୟୁଫା ଚାମ୍ପିୟନ୍ସ ଲିଗ୍‌ ଏବଂ କ୍ଲବଗୁଡ଼ିକୁ ନେଇ ୟୁରୋପା ଲିଗ୍‌ ପ୍ରତିଯୋଗିତାକୁ ଇତିମଧ୍ୟରେ ସସ୍‌ପେଣ୍ଡ କରାଯାଇଛି। ଉଭୟ ପ୍ରି-କ୍ୱାର୍ଟର ପର୍ଯ୍ୟାୟରେ ପହଞ୍ଚତ୍ସାରିଥିଲା। ଦେଶ ବିଦେଶ ଯାତାୟାତ କଟକଣା ଉଠିବା ପରେ ଯାଇ ଅସମାପ୍ତ ପ୍ରତିଯୋଗିତା ଗୁଡ଼ିକ ସମ୍ପନ୍ନ ହେବ। କହିବାକୁ ଗଲେ ୟୁରୋପ ବର୍ତ୍ତମାନ କରୋନା ଭାଇରସ ସଂକ୍ରମଣର କେନ୍ଦ୍ରସ୍ଥଳ ପାଲଟିଯାଇଛି। ଇଟାଲି ଓ ସ୍ପେନ ପରେ ଫ୍ରାନ୍ସରେ ଅଧିକ ସଂଖ୍ୟାରେ କରୋନାରେ ଆକ୍ରାନ୍ତ ହୋଇଛନ୍ତି। ଫଳ ସ୍ବରୂପ ସେଭଳି କୌଣସି ଗୁରୁତ୍ୱପୂର୍ଣ୍ଣ କାର୍ଯ୍ୟ ନ ଥିଲେ ୟୁରୋପ ନେତାମାନେ ମହାଦେଶରେ ସେମାନଙ୍କ ଗସ୍ତକ୍ରମ ସ୍ଥଗିତ ରଖିଛନ୍ତି। ଖବର ଅନୁସାରେ କେବଳ ଇଟାଲିରେ କରୋନା ଭାଇରସ୍‌ରେ ଆକ୍ରାନ୍ତ ହୋଇ ୨,୧୦୦ଜଣଙ୍କର ମୃତ୍ୟୁ ଘଟି ସାରିଲାଣି। ରୋମ୍‌ରେ ୟୁରୋ ୨୦୨୦ର ଓପନିଂ ଗେମ୍‌ ଖେଳାଯିବା କାର୍ଯ୍ୟକ୍ରମ ରହିଥିଲା। ବର୍ତ୍ତମାନ ପରିସ୍ଥିତିରେ ୟୁରୋପରେ ସମସ୍ତ ପ୍ରକାର ଫୁଟ୍‌ବଲ ଟୁର୍ନାମେଣ୍ଟକୁ ସ୍ଥଗିତ ରଖିବା ଉଚିତ୍‌ ବୋଲି ଇଟାଲି ଫୁଟ୍‌ବଲ ଫେଡେରେଶନ ମୁଖ୍ୟ ଗାବ୍ରିଲି ଗ୍ରାଭିନା ପୂର୍ବରୁ ସମସ୍ତଙ୍କୁ ନିବେଦନ କରି ସାରିଛନ୍ତି। ୟୁରୋ ୨୦୨୦ର ମ୍ୟାଚ୍‌ଗୁଡ଼ିକ ଡବ୍‌ଲିନ ଓ ବିଲ୍‌ବାଉଠାରୁ ଆରମ୍ଭ କରି ସେଣ୍ଟ ପିଟର୍ସବର୍ଗ ଓ ବାକୁ ପର୍ଯ୍ୟନ୍ତ ମହାଦେଶର ୧୨ଟି ସହରରେ ଖେଳାଯିବାର କାର୍ଯ୍ୟକ୍ରମ ରହିଥିଲା। ସେମିଫାଇନାଲ ଓ ଫାଇନାଲ ଲଣ୍ଡନରେ ଖେଳାଯାଇଥାନ୍ତା। ମହିଳା ୟୁରୋପିଆନ ଚାମ୍ପିୟନଶିପ୍‌ ଆସନ୍ତା ଜୁଲାଇ ୭ରୁ ଅଗଷ୍ଟ ୧ ତାରିଖ ପର୍ଯ୍ୟନ୍ତ ଇଂଲଣ୍ଡରେ ହେବ। ଫାଇନାଲ ଓ୍ବେମ୍ବଲିଠାରେ ଖେଳାଯିବ। ୟୁଫା ମଧ୍ୟ ଆସନ୍ତାବର୍ଷ ଜୁନ୍‌ରେ ହଙ୍ଗେରୀ ଓ ସ୍ଲୋଭେନିଆରେ ୨୧ ବର୍ଷରୁ କମ୍‌ ୟୁରୋ ଫୁଟ୍‌ବଲ ଟୁର୍ନାମେଣ୍ଟ ଆୟୋଜନ କରିବା ଲାଗି ଯୋଜନା କରିଛି। ୟୁରୋରେ ଭାଗ ନେବାକୁ ଥିବା ୨୪ଟି ଟିମ୍‌ ମଧ୍ୟରୁ ୨୦ଟି ଦଳ ଇତିମଧ୍ୟରେ ଯୋଗ୍ୟତା ଅର୍ଜନ କରିସାରିଛନ୍ତି। ପ୍ଲେ-ଅଫ୍‌ ଜରିଆରେ ଅନ୍ୟ ୪ଟି ଦଳ ନିର୍ଦ୍ଧାରଣ କରାଯାଇଥାନ୍ତା। ଏହି ମ୍ୟାଚଗୁଡ଼ିକ ଚଳିତମାସ ଶେଷଭାଗରେ ଖେଳାଯାଇଥାନ୍ତା। ମାତ୍ର ସେଗୁଡ଼ିକୁ ପରେ କରାଯିବା ଲାଗି ନିଷ୍ପତ୍ତି ନିଆଯାଇଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

୨୭ ବର୍ଷ ପରେ କୋଣ୍ଟା

ପ୍ୟାରିସ, ୩୦।୫- ବ୍ରିଟେନ ଟେନିସ ଷ୍ଟାର୍‌ ଜୋହାନ କୋଣ୍ଟା ଏଠାରେ ଚାଲିଥିବା ଚଳିତ ବର୍ଷର ୨ୟ ଗ୍ରାଣ୍ଡସ୍ଲାମ ଟୁର୍ନାମେଣ୍ଟ ଫ୍ରେଞ୍ଚ୍‌ ଓପନ୍‌ ମହିଳା ସିଙ୍ଗଲ୍ସର ୩ୟ...

ଓଡ଼ିଶା ଏଫ୍‌ସି ଦଳରେ ଗୋଲକିପର ରବି କୁମାର

ଭୁବନେଶ୍ୱର, ୩୦।୬(କ୍ରୀଡ଼ା ପ୍ରତିନିଧି):ଇଣ୍ଡିଆନ ସୁପରଲିଗ୍‌(ଆଇଏସଏଲ)ର ୭ମ ସିଜନ ପୂର୍ବରୁ ଓଡ଼ିଶା ଏଫସି ଦଳରେ ସାମିଲ ହୋଇଛନ୍ତି ଗୋଲକିପର ରବି କୁମାର। ଭୁବନେଶ୍ୱର ଭିତ୍ତିକ ଫ୍ରାଞ୍ଚାଇଜ୍‌ ସହିତ...

ଭାରତୀୟ ମହିଳା ହକି ଦଳକୁ ଅଲିମ୍ପିକ୍ସ ଯୋଗ୍ୟତା

ଭୁବନେଶ୍ୱର, ୨\୧୧(କ୍ରୀଡ଼ା ପ୍ରତିନିଧି)- ଭାରତୀୟ ମହିଳା ହକି ଦଳ ୨୦୨୦ ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଛି କଳିଙ୍ଗ ଷ୍ଟାଡିୟମରେ ଶନିବାର ଅନୁଷ୍ଠିତ ଏଫ୍ଆଇଏଚ୍...

ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ ଉଦ୍‌ଘାଟିତ: ଭାରତ ହେବ ବିଶ୍ୱ କ୍ରୀଡ଼ାର ‘ସୁପର ପାୱାର’

କଟକ ଅଫିସ,୨୩ା୨-ଜବାହରଲାଲ ନେହେରୁ ଇନ୍‌ଡୋର ଷ୍ଟାଡିୟମରେ ଖେଲୋ ଇଣ୍ଡିଆ ୟୁନଭର୍ସିଟି ଗେମ୍ସର ପ୍ରଥମ ସଂସ୍କରଣ ଶନିବାର ସନ୍ଧ୍ୟାରେ ମହାସମାରୋହରେ ଉଦ୍‌ଘାଟିତ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି...

ପାରିବାରିକ ସମସ୍ୟା ଚାପରେ କାନାଡ଼ା ଚାଲିଯିବା ନିଷ୍ପତ୍ତି ନେଇଥିଲେ ଏହି କ୍ରିକେଟର: ଭାଗ୍ୟ ବଦଳାଇଥିଲା କିଙ୍ଗ୍ସ ଇଲେଭେନ୍‌ ପଞ୍ଜାବ

ନୂଆଦିଲ୍ଲୀ,୧୬।୯: ସେପ୍ଟେମ୍ବର ୧୯ରୁ ଆରମ୍ଭ ହେବାକୁ ଯାଉଛି ଇଣ୍ଡିଆନ୍‌ ପ୍ରିମିୟର ଲିଗ୍‌(ଆଇପିଏଲ୍‌)। ସବୁଥର ଭଳି ଚଳିତ ଥର ମଧ୍ୟ କିଛି ପ୍ରତିଭାବାନ ଖେଳାଳିଙ୍କୁ ଦେଖିବାକୁ ମିଳିବ,...

ରୋଚ୍‌ଙ୍କ ଜନ୍ମଦିନ ପାଳିଲେ ଓ୍ବେଷ୍ଟଇଣ୍ଡିଜ ଖେଳାଳି

ଲଣ୍ଡନ, ୨।୭- କରୋନା ଭାଇରସ ସଂକ୍ରମଣ ଯୋଗୁ ଅଧିକ ବ୍ୟକ୍ତି ଗୋଟିଏ ସ୍ଥାନରେ ଏକତ୍ରିତ ହେବା କିମ୍ବା କୌଣସି କାର୍ଯ୍ୟକ୍ରମ କରିବାକୁ ବାରଣ କରାଯାଇଛି। ଏ...

କରୋନା ସଂକ୍ରମଣ: ଅଲ୍‌-ହିଲାଲ୍‌ ଓହରିଲା

ଦୋହା, ୨୫ା୯ (ଏପି)-କରୋନା ଭାଇରସ୍‌ ସଂକ୍ରମଣ ଯୋଗୁ ଏହାର ସମ୍ପୂର୍ଣ୍ଣ ଦଳ ଛିଡ଼ା କରିବା ସମ୍ଭବପର ନ ଥିବାରୁ ଗତଥରର ଚାମ୍ପିୟନ ଅଲ୍‌-ହିଲାଲ ଏସିଆନ ଚାମ୍ପିୟନ୍ସ...

ଅଲୋଡ଼ା କ୍ଲବରେ ରୋହିତ

ଭାଇଜାଗ,୮।୧୦(ପି.ଟି.): ନିକଟରେ ଶେଷ ହୋଇଥିବା ଦକ୍ଷିଣ ଆଫ୍ରିକା ପ୍ରଥମ ଟେଷ୍ଟରେ ଭାରତୀୟ ଓପନର ରୋହିତ ଶର୍ମା ଉଭୟ ଇନିଂସରେ ଓପନର ଭାବେ ଶତକ ଲଗାଇ ବିଶ୍ୱ...

Advertisement
Archives

Model This Week