ବ୍ରହ୍ମପୁର ଅଫିସ,୮ା୪-ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ବେଳେ ଭୁବନେଶ୍ୱରରେ ଅଧିକ କରୋନା ସଂକ୍ରମିତ ରୋଗୀ ଚିହ୍ନଟ ହୋଇଛନ୍ତି। ଏହାକୁ ଦୃଷ୍ଟିରେ ରଖି ଭୁବନେଶ୍ୱର ଫେରନ୍ତାଙ୍କୁ ହୋମ କ୍ୱାରାଣ୍ଟାଇନ୍ରେ ରଖିବାକୁ ଜିଲାପାଳ ନିର୍ଦ୍ଦେଶ ଦେଇଛନ୍ତି। ଏହିକ୍ରମରେ ବୁଧବାର ସକାଳେ ଭୁବନେଶ୍ୱରରୁ ଆସି ବ୍ରହ୍ମପୁରରେ ପହଞ୍ଚିଥିବା ଗୋଟିଏ ପରିବାର ୪ ସଦସ୍ୟଙ୍କୁ ହୋମ୍ କ୍ୱାରାଣ୍ଟାଇନ୍ରେ ରହିବାକୁ ନିର୍ଦ୍ଦେଶ ଦିଆଯାଇଛି। ସୂଚନାପ୍ରକାରେ, ବୁଧବାର ସକାଳେ ଆମ୍ବପୁଆର ନୂଆସାହିରେ ରହୁଥିବା ଗୋଟିଏ ପରିବାରର ୪ ସଦସ୍ୟ ଭୁବନେଶ୍ୱରରୁ ଫେରିଥିବା ନେଇ ସୂଚନା ମିଳିଥିଲା। ଖବରପାଇ ବ୍ରହ୍ମପୁର ତହସିଲଦାର ସିପକ୍ କୁମାର ପାତ୍ର ଓ ଗୋପାଳପୁର ଥାନା କର୍ମଚାରୀମାନେ ପହଞ୍ଚି ଯାଞ୍ଚ କରିବା ସହ ଉକ୍ତ ପରିବାରଙ୍କୁ ହୋମ କ୍ୱାରାଣ୍ଟାଇନ୍ରେ ରହିବାକୁ କହିିଥିଲେ।
