ଫୁଲବାଣୀ ଅଫିସ,୧୬ା୧୨-କନ୍ଧମାଳ ଜିଲା ମୁଖ୍ୟ ଚିକିତ୍ସାଳୟରେ ରବିବାର ଏମ୍ପି ଡା. ଅଚ୍ୟୁତ ସାମନ୍ତଙ୍କ ଦ୍ୱାରା ବିଭିନ୍ନ ଉଦ୍ଘାଟନ ଏବଂ ଲୋକାର୍ପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ା ଜାତୀୟ ସ୍ବାସ୍ଥ୍ୟ ମିଶନ ସହାୟତାରେ ନିର୍ମିତ ସମନ୍ବିତ ପରୀକ୍ଷାଗାର, ଯାନ୍ତ୍ରିକ ଲୁଗାସଫା ଗୃହ, କର୍କଟ ରୋଗୀଙ୍କ ଉପଶମ କେନ୍ଦ୍ରକୁ ଏମ୍ପି ଉଦ୍ଘାଟନ କରିଥିଲେ ା ଏମ୍ପିଙ୍କ ପାଣ୍ଠି ସହାୟତାରେ କିଣା ଯାଇଥିବା ଦୁଇଟି ଆମ୍ବୁଲାନ୍ସ ଜି.ଉଦୟଗିରି ଓ ଟିକାବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଯୋଗାଇ ଦିଆଯାଇଥିଲା ା ସେହିପରି ଆରଇସିପିଡିସିଏଲ ନୂଆ ଦିଲ୍ଲୀର ସିଏସ୍ଆର କାର୍ଯ୍ୟକ୍ରମ ସହାୟତାରେ ବାଲିଗୁଡା ଉପଖଣ୍ଡ ଚିକିିତ୍ସାଳୟ, ଫିରିଙ୍ଗିଆ ବ୍ଲକ ବାଲନ୍ଦାପଡା ଚିକିତ୍ସା କେନ୍ଦ୍ର, ଫୁଲବାଣୀ ଜିଲା ମୁଖ୍ୟ ଚିକିତ୍ସାଳୟକୁ ଗୋଟିଏ ଲେଖାଏ ଆମ୍ବୁଲାନ୍ସ ଦିଆଯାଇଥିଲା ା ବିଗତ ଦିନରେ ୫-ଟି ଅଧିକାରୀମାନେ ଜିଲା ମୁଖ୍ୟ ଚିକିତ୍ସାଳୟ ପରିଦର୍ଶନରେ ଆସିଥିଲେ। ଏଠାରେ ଉତ୍ତମ ସ୍ବାସ୍ଥ୍ୟସେବା ଯୋଗାଇ ଦିଆଯାଉଥିବା ରିପୋର୍ଟ ଆଧାରରେ ମୁଖ୍ୟମନ୍ତ୍ରୀ ରୋଗୀ କଲ୍ୟାଣ ସମିତିକୁ ୧୫ ଲକ୍ଷ ଟଙ୍କା ସହାୟତା ଦେଇଥିଲେ। ଉକ୍ତ ଟଙ୍କାରେ ଏସ୍ସି, ଚେୟାର ଟେବୁଲ, ଆଲମିରା, ଚପଲ ଷ୍ଟାଣ୍ଡ, ହୁଇଲ ଚେୟାର, ଫ୍ୟାନ ଆଦି କିଣାଯାଇ ରୋଗୀଙ୍କ ସେବାରେ ଲଗାଯାଇଛି ା ଏସବୁକୁ ଏମ୍ପି ସାମନ୍ତ ବୁଲି ଦେଖିଥିଲେ। ପରେ ପାଦବିକୃତି ଅସ୍ତ୍ରୋପଚାର ହୋଇଥିବା ଶିଶୁଙ୍କୁ ଭେଟି କମ୍ବଳ ବଣ୍ଟନ କରିଥିଲେ ା କାର୍ଯ୍ୟକ୍ରମରେ ଫୁଲବାଣୀ ବିଧାୟକ ଅଙ୍ଗଦ କହଁର, ଏସ୍ପି ପ୍ରତୀକ ଗୀତା ସିଂ, ଅତିରିକ୍ତ ଜିଲାପାଳ ବସନ୍ତ କୁମାର ସାହୁ, ବିଜୟ କୁମାର ମହାନ୍ତି ପ୍ରମୁଖ ଅତିଥି ଭାବେ ଯୋଗ ଦେଇଥିଲେ ା ଜିଲା ମୁଖ୍ୟ ଚିକିତ୍ସାଧିକାରୀ ଡା.ରାଜଶ୍ରୀ ପଟ୍ଟନାୟକ, ଅତିରିକ୍ତ ଚିକିତ୍ସାଧିକାରୀ ପ୍ରସନ୍ନ କୁମାର ତ୍ରିପାଠୀ ଓ ଡା.ମନୋରଞ୍ଜନ ରାଉତ, ଜିଲା ଜନସ୍ବାସ୍ଥ୍ୟ ଅଧିକାରୀ ଡା.ବସନ୍ତ କୁମାର ପାତ୍ର, ଅତିରିକ୍ତ ଜନସ୍ବାସ୍ଥ୍ୟ ଅଧିକାରୀ ଡା.ସସ୍ମିତା ଦେବୀ, ଜିଲା ସ୍ବାସ୍ଥ୍ୟ ମିଶନ ପ୍ରକଳ୍ପ ପରିଚାଳକ ମନୋରଞ୍ଜନ ସାହୁ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ ା
