ସ୍ବପ୍ନ ଦେଇଛି ଜିଇବାର ସାହାରା:ନିଆରା ବ୍ୟକ୍ତିତ୍ୱ ଚନ୍ଦ୍ରଶେଖର

ସିମୁଳିଆ, ୯।୭(ଡି.ଏନ.ଏ.)-ବିଭିନ୍ନ ଅଞ୍ଚଳରେ ଖାଦ୍ୟରୁଚିରେ ଭିନ୍ନତା ପରିଲକ୍ଷିତ ହୁଏ। କେଉର୍ଁଠି ଘୁଗୁନି ଓ ଆଳୁଦମ ତ ଆଉ କେଉଁଠି ଦହିବରା ଭଳି ନାନା ଖାଦ୍ୟର ଅଧିକ ଚାହିଦା ରହିଥାଏ। ବର୍ତ୍ତମାନ ସମୟରେ ଫାଷ୍ଟଫୁଡ୍‌ର ଚାହିଦା ବଢିଥିଲେ ବି ଅନେକ ବ୍ୟକ୍ତ ପାରମ୍ପରିକ ରନ୍ଧନ କଳାକୁ ଗ୍ରହଣ କରି ଦେଶୀ ଶୈଳୀରେ ବିଭିନ୍ନ ଖାଦ୍ୟ ପ୍ରସ୍ତୁତି କରି ହାଟ ବଜାରରେ ବିକି ପେଟ ପୋଷୁଛନ୍ତି। ଏଭଳି ଜଣେ ବ୍ୟବସାୟୀ ହେଲେ ଚନ୍ଦ୍ରଶେଖର ସନ୍ଧିବିଗ୍ର (୫୫)। ସେ ପ୍ରସ୍ତୁତ କରୁଥିବା ଦହିବରା, ଘୁଗୁନି ଓ ଆଳୁଦମର ସ୍ବାଦ ନିଆରା। ବାଲେଶ୍ୱର ଜିଲା ସିମୁଳିଆ ବ୍ଲକର ସଦର ମହକୁମା ମାର୍କୋଣା ସମେତ ବିଭିନ୍ନ ଅଞ୍ଚଳରେ ଠେଲା ଟ୍ରଲିରେ ବୁଲି ବୁଲି ଏସବୁ ଖାଦ୍ୟ ସାମଗ୍ରୀ ବିକ୍ରି କରିଥାନ୍ତି। ସ୍ବାଭିମାନର ସହ ଜିଇବାର ସ୍ବପ୍ନ ତାଙ୍କୁ କର୍ମପ୍ରବଣ କରି ସାହାରା ଯୋଗାଇଛି ବୋଲି ସେ କହିଛନ୍ତି।
ଚନ୍ଦ୍ରଶେଖରଙ୍କ ଘର ଯାଜପୁର ଜିଲା ବଡ଼ଶାସନ ଅଞ୍ଚଳରେ। ଦୀର୍ଘ ୨୦ବର୍ଷ ଧରି ସିମୁଳିଆ ବ୍ଲକର ଦହିଖାର୍ଜୀ ଅଞ୍ଚଳରେ ପରିବାର ସହ ବସବାସ କରି ଆସୁଛନ୍ତି। ଠେଲା ଟ୍ରଲି ବେପାରକୁ ବୃତ୍ତି କରି ପରିବାର ଚଳାଇବା ସହିତ ୧୭ଗୁଣ୍ଠ ଜମି କିଣି ଘର ତିଆରି କରିଛନ୍ତି। ନିଜର ଦୁଇ ପୁଅଙ୍କୁ ଉଚ୍ଚଶିକ୍ଷିତ କରିବା ସକାଶେ ସେମାନଙ୍କୁ ପାଠ ପଢ଼ାଉଛନ୍ତି। ବଡ଼ପୁଅ ଆଇଟିଆଇ ପାସ୍‌ କରି କମ୍ପ୍ୟୁଟର ଶିକ୍ଷା କରୁଛନ୍ତି। ସାନପୁଅ ୪ର୍ଥ ଶ୍ରେଣୀରେ ପଢୁଛନ୍ତି। ସେ ନିଜେ ପଢ଼ି ପାରି ନ ଥିବାରୁ ଦୁଇ ପୁଅଙ୍କୁ ଉଚ୍ଚଶିକ୍ଷିତ କରିବାକୁ ଲକ୍ଷ୍ୟ ରଖି ଦିନରାତି ପରିଶ୍ରମ କରି ଚାଲିଛନ୍ତି। ଜଣେ ପରିଶ୍ରମୀ , ନିଷ୍ଠାବାନ ଓ ମେଳାପି ବ୍ୟକ୍ତି ଭାବେ ଅଞ୍ଚଳରେ ସେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି।
ଚନ୍ଦ୍ରଶେଖର କହନ୍ତି, ବହୁ ପଛରେ ସେ ତାଙ୍କ ଦୁଃଖଦ ଅତୀତକୁ ଛାଡି ଆସିଛନ୍ତି। ଘର ଛାଡି ଚାଲି ଆସିବା ପରେ ପେଟ ପୋଷିବା ଲାଗି ଦୀର୍ଘ ବର୍ଷ ଧରି ସଂଘର୍ଷ କରି ଚାଲିିଛନ୍ତି। ପରିବାରର ଆର୍ଥକ ସ୍ଥିତି ଭଲ ନ ଥିବାରୁ ସେ ଦ୍ୱିତୀୟ ଶ୍ରେଣୀରୁ ଅଧିକ ପାଠ ପଢି ପାରି ନ ଥିଲେ। ୧୦ବର୍ଷ ବୟସରୁ ନିଜ ଅଞ୍ଚଳରେ ଫଳ ବ୍ୟବସାୟ ଆରମ୍ଭ କରିଥିଲେ। ପରେ ନିଜ ଭାଇଙ୍କ ଚାପରେ ସେ ମାର୍କୋଣା ଚାଲି ଆସିଥିଲେ। ଏହି ଅଞ୍ଚଳର ଲୋକଙ୍କ ଖାଦ୍ୟ ରୁଚିକୁ ଦେଖି ସେ ଦହିବରା ବେପାର କରିବାକୁ ସ୍ଥିର କରିଥିଲେ। ସେବେଠାରୁ ତାଙ୍କ ସ୍ବପ୍ନ ଓ ସଂଘର୍ଷ ଜୀବନର ସାଥୀ ପାଲିଟିଥିଲା ଏକ ଠେଲା ଟ୍ରଲି । ଏହି ଟ୍ରଲିରେ ସେ ଦହିବରା ଓ ଆଳୁଦମ୍‌ ବେପାର କରି ଆସୁଛନ୍ତି। ଏଥିଲାଗି ପ୍ରତିଦିନ ଭୋର ୩ଟାରୁ ବିଛଣାରୁ ଉଠି ସେ ଦହିବରା ସହିତ ଘୁଗୁନି, ଆଳୁଦମ୍‌, ଖଟା, ମସଲା, ଝରା ସେଓ ଇତ୍ୟାଦି ପ୍ରସ୍ତୁତ କରି ସକାଳ ୯ଟା ସୁଦ୍ଧା ସେ ଠେଲା ଗାଡି ଧରି ବାହାରି ପଡନ୍ତି। ଖାଦ୍ୟ ପ୍ରସ୍ତୁତି କାର୍ଯ୍ୟରେ ସ୍ତ୍ରୀ ରଶ୍ମିତା ସାହାଯ୍ୟ କରନ୍ତି। ପୂର୍ବରୁ ସେ ବିଭିନ୍ନ ମେଳା, ମହୋତ୍ସବ, ପୂଜା ଉତ୍ସବକୁ ଯାଇ ଦହିବରା, ଆଳୁଦମ୍‌ ବେପାର କରୁଥିଲେ। ଏବେ ଅଧିକ ଦୂର ଚାଲି ଚାଲି ଯାଇପାରୁ ନାହାନ୍ତି। ଏଣୁ ଆଖପାଖ ହାଟ ବଜାର ଓ ଗାଁଗଣ୍ଡା ବୁଲି ବେପାର କରୁଛନ୍ତି। ନିଜର ସଚ୍ଚୋଟ ପଣିଆ ଏବଂ ଯନତ୍ର ସହ ପ୍ରସ୍ତୁତ କରୁଥିବା ଖାଦ୍ୟସାମଗ୍ରୀର ଗୁଣମାନ ଯୋଗୁ ସେ ବେପାର ବଢାଇ ସମସ୍ତଙ୍କ ପ୍ରିୟଭାଜନ ହୋଇପାରିଛନ୍ତ। ଦିନକୁ ସେ ପ୍ରାୟ ୧ହଜାର ଟଙ୍କାର କାରବାର କରି ପାରୁଛନ୍ତି। ମୂଳଖର୍ଚ୍ଚ ବାଦ ଦେଇ ଦିନକୁ ୩ଶହ ଟଙ୍କା ଯାଏ ଲାଭ ହେଉଛି । ବୃତ୍ତି ସାନ ହେଉକି ବଡ, ଯାଏ ଆସେ ନାହିଁ ା ନିଷ୍ଠାର ସହ କାମ କଲେ ଆପେ ସଫଳତା ମିଳିଥାଏ। ଓଡ଼ିଆ ଘରର ଖାଦ୍ୟ ପ୍ରସ୍ତୁତି ଶୈଳୀ ନିଆରା। ଏହି ଖାଦ୍ୟ କେବଳ କ୍ଷୁଧା ମେଣ୍ଟାଏ ନାହିଁ, ସ୍ବାସ୍ଥ୍ୟ ଲାଗି ହିତକର ହୋଇଥାଏ ବୋଲି ଚନ୍ଦ୍ରଶେଖର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଏମ୍‌କେସିଜିରେ ନୋଡାଲ ଅଫିସର ପ୍ରଦୀପ୍ତ ମହାପାତ୍ର: ନିରାମୟ, ନିଦାନରେ ଅବ୍ୟବସ୍ଥା ଦେଖି ହେଲେ କ୍ଷୁବ୍ଧ

ବ୍ରହ୍ମପୁର ଅଫିସ୍‌,୨୮ା୧୧- ଅତିରିକ୍ତ ଶାସନ ସଚିବ ପ୍ରଦୀପ୍ତ ମହାପାତ୍ର ଗୁରୁବାର ମହାରାଜା କୃଷ୍ଣଚନ୍ଦ୍ର ଗଜପତି(ଏମ୍‌କେସିଜି) ଭେଷଜ ମହାବିଦ୍ୟାଳୟ ଏବଂ ଚିକିତ୍ସାଳୟ ପରିଦର୍ଶନରେ କରିଛନ୍ତି। ରାଜ୍ୟ ସରକାରଙ୍କ...

ନର୍ସିଂ ଛାତ୍ରୀଙ୍କୁ ଜଙ୍ଗଲରେ ଗଣବଳାତ୍କାର -ଭିଡିଓ ଭାଇରାଲ ପରେ ପୀଡିତା ଥାନାରେ ଅଭିଯୋଗ କଲେ

ଜୁନାଗଡ଼,୨୪।୯(ଡି.ଏନ.ଏ.) କଳାହାଣ୍ଡି ଜିଲାରେ ଏକ ଗଣ ବଳାତ୍କାର ଘଟଣା ଘଟିଛି। ଜଣେ ନର୍ସିଂ ଛାତ୍ରୀଙ୍କୁ ଲିଫ୍ଟ ଦେବା ଆଳରେ ଜଙ୍ଗଲକୁ ନେଇ ଗଣବଳାକତ୍ାର କରାଯାଇଛି ା...

ନନ୍ଦନକାନନରୁ ସାତକୋଶିଆ ଗଲେ ୫ ଘଡ଼ିଆଳ କୁମ୍ଭୀର

ବାରଙ୍ଗ,୨୦ା୭(ଡି.ଏନ୍‌.ଏ.): ପ୍ରାଣୀ ଉଦ୍ୟାନ ନନ୍ଦନକାନନରୁ ଶୁକ୍ରବାର ୫ଟି ଘଡିଆଳ କୁମ୍ଭୀର ସାତକୋଶିଆରେ ଛଡାଯାଇଛି। ନନ୍ଦନକାନନର ତିନିଜଣିଆ ଟିମ ଏହି ଘଡିଆଳ କୁମ୍ଭୀରଙ୍କୁ ସାଙ୍ଗରେ ନେଇ ଅପରାହ୍ନରେ...

ଚିଲିକାରେ ୭ ଦିନ ବନ୍ଦ ହେଲା ଭସାପୋଲ

କୃଷ୍ଣପ୍ରସାଦ,୨୭ା୭(ଡି.ଏନ୍‌.ଏ.): ଚିଲିକାରେ ୭ ଦିନ ପର୍ଯ୍ୟନ୍ତ ଭସାପୋଲ ଏବଂ ଡଙ୍ଗାକୁ ବନ୍ଦ କରିଦିଆଯାଇଛି। ପୁରୀ ଜିଲା କୃଷ୍ଣପ୍ରସାଦ ବ୍ଲକରେ କିଛିଦିନ ହେବ କରୋନା ପଜିଟିଭ୍‌ଙ୍କ ସଂଖ୍ୟା...

ପଥର ଶିଳ୍ପକଳାର ନିଖୁଣ କାରିଗର ଭରତ

ବାହାନଗା,୧୨।୩(ଡି.ଏନ.ଏ.)-କୌଳିକ ବୃତ୍ତିକୁ ଆଦରି କାଠକାମ କରୁ କରୁ ସେ ପାଲଟିଗଲେ ଜଣେ ପଥର ଶିଳ୍ପୀ। ପାରମ୍ପରିକ କଳା ସହିତ ନିଜ ସୃଜନଶୀଳତାକୁ ମିଶାଇ ସେ ଆଜି...

ଡାକ୍ତର ନିଯୁକ୍ତି ଦାବିରେ ଗଣଧାରଣା

ଜଳେଶ୍ୱର,୨୧।୧(ଡି.ଏନ.ଏ./ସ୍ବ.ପ୍ର.)-ଜଳେଶ୍ୱର ବ୍ଲକର ରାଇବଣିଆ ଏକ ଆଦିବାସୀ ଅଧ୍ୟୁୁଷିତ ଅଞ୍ଚଳ। ଏହି ଅଞ୍ଚଳରେ ଥିବା ବିଭିନ୍ନ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ଆନୁଷଙ୍ଗିକ ବ୍ୟବସ୍ଥା ନ ଥିବାରୁ...

ଶ୍ରୀମନ୍ଦିର ମରାମତି କାମ ଅନୁଧ୍ୟାନ କଲେ ଆମିକସ୍‌ କ୍ୟୁରି: ହାଇକୋର୍ଟରେ ଦାଖଲ କରିବେ ସତ୍ୟପାଠ

ପୁରୀ ଅଫିସ,୨୦ା୬: ଶ୍ରୀମନ୍ଦିର ମରାମତି କାର୍ଯ୍ୟର ତଦାରଖ ପାଇଁ ହାଇକୋର୍ଟଙ୍କ ଦ୍ୱାରା ନିଯୁକ୍ତ ଆମିକସ୍‌କ୍ୟୁରି ଇଂ. ଏନ୍‌.କେ. ମହାନ୍ତି ବୁଧବାର ଶ୍ରୀମନ୍ଦିରକୁ ଆସି ବିଭିନ୍ନ କାମର...

ପାଟନାଗଡ଼ ବିଧାୟକ, ନିର୍ବାହୀଯନ୍ତ୍ରୀଙ୍କୁ ତୁରନ୍ତ ଗିରଫ ଦାବି: ଦାବି ପୂରଣ ନ ହେଲେ ରାଜରାସ୍ତାକୁ ଓହ୍ଲାଇବାକୁ ଚେତାବନୀ

ଭବାନୀପାଟଣା,୮।୬(ଡ.ଏନ୍‌.ଏ.): ବଲାଙ୍ଗୀର ଜିଲା ପାଟନାଗଡ଼ ନବନିର୍ବାଚିତ ବିଧାୟକ ସରୋଜ ମେହେର ଆଦିବାସୀ ସମ୍ପ୍ରଦାୟର ଜନୈକ କନିଷ୍ଠ ଯନ୍ତ୍ରୀଙ୍କୁ ବେଆଇନ ଭାବେ ସର୍ବସାଧାରଣରେ ଉଠ୍‌ବସ୍‌ କରାଇବା ଓ...

Coronavirus Update

Archives

Model This Week

Why Dharitri