ରାଞ୍ଚି, ୧୪।୧୨: ସୋମବାର ଝାଡ଼ଖଣ୍ଡ ବିଧାନସଭା ନିର୍ବାଚନ ପାଇଁ ଚତୁର୍ଥ ପର୍ଯ୍ୟାୟ ମତଦାନ କରାଯିବ। ଏହି ପର୍ଯ୍ୟାୟରେ ୧୫ଟି ଆସନ ଲାଗି ମତଦାନ କରାଯିବ। ନିର୍ବାଚନ ମଇଦାନରେ ୨୧୧ ଜଣ ପ୍ରାର୍ଥୀଥିବା ନିର୍ବାଚନ କମିଶନଙ୍କ ପକ୍ଷରୁ ସୂଚନା ଦିଆଯାଇଛି। ସେଥିମଧ୍ୟରୁ ୨୩ ମହିଳା ଏବଂ ୧୯୮ ପୁରୁଷ ପ୍ରାର୍ଥୀ ରହିଛନ୍ତି। ବୋକାରୋ ଆସନରେ ସର୍ବାଧିକ ୨୫ ଜଣ ନିର୍ବାଚନ ଲଢୁଛନ୍ତି। ସେହିପରି ସର୍ବନିମ୍ନ ୮ ଜଣ ପ୍ରାର୍ଥୀ ନିରସା ବିଧାନସଭା ଆସନରୁ ଲଢୁଛନ୍ତି। ବୋକାରୋ ଏବଂ ଝରିଆରେ ସର୍ବାଧିକ ୫ ଜଣ ଲେଖାଏଁ ମହିଳା ପ୍ରାର୍ଥୀ ନିର୍ବାଚନ ମଇଦାନରେ ରହିଛନ୍ତି। ତେବେ ମଧୁପୁର, ଚନ୍ଦନକ୍ୟାରୀ, ସିନ୍ଦରୀ ଏବଂ ଟୁଣ୍ଡି ଆସନରେ କୌଣସି ମହିଳା ପ୍ରାର୍ଥୀ ନାହାଁନ୍ତି। ୫୯ ଜଣ ନିର୍ଦ୍ଦଳୀୟ ପ୍ରାର୍ଥୀ ନିର୍ବାଚନ ଲଢୁଛନ୍ତି। ସେମାନଙ୍କ ମଧ୍ୟରେ ୧୦ ମହିଳା ଏବଂ ୪୯ ପୁରୁଷ ଅଛନ୍ତି।
