ସାଂଘାଇ, ୯।୧ (ଏଏଫ୍ପି)- ଦୁଇଥରର ଗ୍ରାଣ୍ଡସ୍ଲାମ ବିଜୟିନୀ ସ୍ପାନିଶ ଟେନିସ ତାରକା ଗ୍ରାବିଏନ ମୁଗୁରୁଜା ଏଠାରେ ଚାଲିଥିବା ଶେନଝେନ ଓପନ୍ ପ୍ରତିଯୋଗିତାର ସେମିଫାଇନାଲରେ ପ୍ରବେଶ କରିଛନ୍ତି। ମହିଳା ସିଙ୍ଗଲ୍ସ କ୍ୱାର୍ଟର ଫାଇନାଲ ମ୍ୟାଚ୍ରେ ମୁଗୁରୁଜା ୬-୪, ୨-୬, ୬-୪ ସେଟ୍ରେ କାଜାଖସ୍ତାନର ଜରିନ ଡିୟାସଙ୍କୁ ପରାସ୍ତ କରିଛନ୍ତି। ଗତବର୍ଷ ମେକ୍ସିକୋ ମୋଣ୍ଟେରୀରେ ଟାଇଟଲ୍ ଜିତିବା ପରେ ୨୬ ବର୍ଷୀୟା ମୁଗୁରୁଜା ପ୍ରଥମଥର ଲାଗି କୌଣସି ପ୍ର୍ତିଯୋଗିତାର ସେମିଫାଇନାଲରେ ପ୍ରବେଶ କରିଛନ୍ତି। ଆସନ୍ତା ସପ୍ତାହରୁ ବର୍ଷର ପ୍ରଥମ ଗ୍ରାଣ୍ଡସ୍ଲାମ ଅଷ୍ଟ୍ରେଲିଆନ ଓପନ୍ ଆରମ୍ଭ ହେବାକୁ ଥିବାରୁ ଏହି ବିଜୟ ମୁଗୁରୁଜାଙ୍କ ମନୋବଳ ବୃଦ୍ଧି କରିଛି।
