ସୁନ୍ଦରଗଡ଼, ୩୦।୫(ଡି.ଏନ୍.ଏ.): ସୁନ୍ଦରଗଡ଼ ଜିଲାରେ ଆଉ ୧୩ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରୁ ୧୧ ଜଣ ପୁରୁଷ ଥିବାବେଳେ ୨ ଜଣ ମହିଳା ଅଛନ୍ତି। ଏହାକୁ ମିଶାଇ ଜିଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୫୪ ଛୁଇଁଛି। ତେବେ ଚିହ୍ନଟ ନୂଆ ଆକ୍ରାନ୍ତଙ୍କ ମଧ୍ୟରୁ ୯ ଜଣ ମହାରାଷ୍ଟ୍ର ଫେରନ୍ତା ହୋଇଥିବା ବେଳେ ୨ଜଣ ଝାରଖଣ୍ଡ, ଜଣେ ପଶ୍ଚିମବଙ୍ଗ ଓ ଅନ୍ୟ ଜଣେ ଗୁଜୁରାଟ ଫେରନ୍ତା ବୋଲି ଜଣାପଡ଼ିଛି। ଜିଲାକୁ ଫେରିବା ପରେ ସମସ୍ତେ ସରକାରୀ କ୍ୱାରାଣ୍ଟାଇନରେ ଥିଲେ l ସେମାନଙ୍କ ସ୍ବାବ୍ ଟେଷ୍ଟ ପରୀକ୍ଷାରୁ ପଜିଟିଭ ଜଣାପଡ଼ିବା ପରେ ସମସ୍ତ ଆକ୍ରାନ୍ତଙ୍କୁ ଏବେ ରାଉରକେଲା କୋଭିଡ-୧୯ ଡାକ୍ତରଖାନାରେ ଭର୍ତ୍ତି କରାଯାଇଛି l ସେମାନଙ୍କ ସମ୍ପୂର୍ଣ୍ଣ ଗସ୍ତ ବିବରଣୀ ଓ କଣ୍ଟାକ୍ଟ ଟ୍ରେସିଂ ଜାଣିବା ଲାଗି ଉଦ୍ୟମ ଜାରି ରହିଛି। ଏ ନେଇ ଜିଲା ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି।
