ସୀତା ଲୋ…ଗୀତକୁ ଲଗାତର ୪ ଥର ଗାଇଥିଲି

କଣ୍ଠଶିଳ୍ପୀ ଟି. ସୌରୀ ଓଡ଼ିଆ ସିନେମା, ଆଲ୍‌ବମ, ଭଜନ କ୍ଷେତ୍ରରେ ଅନେକ ଗୀତରେ କଣ୍ଠଦାନ କରିଛନ୍ତି। ଏବେ ଏକ ମ୍ୟୁଜିକ ଇନଷ୍ଟିଚ୍ୟୁଟ ଖୋଲି କୁନି କୁନି ପିଲାଙ୍କୁ ସଙ୍ଗୀତ ଶିକ୍ଷା ଦେଉଥିବା ଓଡ଼ିଶାର ଏହି ପ୍ରଖ୍ୟାତ କଣ୍ଠଶିଳ୍ପୀଙ୍କର ଅନୁଭୂତିରୁ କିଛି।

ବାଲେଶ୍ୱରରେ କାର୍ଯ୍ୟକ୍ରମ ଥାଏ। ବର୍ଷ କି ମାସ ମନେ ନାହିଁ। ପୂଜାପାର୍ବଣ ଅବସରରେ ସେଠାରେ ଏକ ମଞ୍ଚରେ ସଙ୍ଗୀତଭିତ୍ତିକ କାର୍ଯ୍ୟକ୍ରମରେ ଯୋଗଦେବାକୁ ଯାଇଥିଲି। ଭଜନ ଗାଇବା ପରେ ପବ୍ଲିକ ଡିମାଣ୍ଡ ହେଲା, ସୀତା ଲୋ ଆଜି ଜଳୁଛି ଯାହାର ଚିତାଲୋ… ଗୀତ ଗାଇବାକୁ। ଥରେ ଗାଇଲି, ଉପସ୍ଥିତ ଶ୍ରୋତା ପୁଣିଥରେ ଗାଇବାକୁ କହିଥିଲେ। ଲଗାତର ୪ ଥର ଗାଇଥିଲି। ତଥାପି ଲୋକମାନେ ନଛୋଡ଼ବନ୍ଦା। ଆହୁରି ଥରେ ଗାଇବାକୁ ପବ୍ଲିକ ଡିମାଣ୍ଡ ରହିଲା। ଆୟୋଜକମାନେ ମଧ୍ୟ ମୋତେ କିଛି କହିପାରୁ ନ ଥାନ୍ତି। ଲୋକଙ୍କ ମନ ଦୁଃଖ କରି ମଞ୍ଚରୁ ଓହ୍ଲାଇ ଆସିବାକୁ ମୋତେ ଭଲ ଲାଗେନି। ସୀତା ଲୋ… ଗୀତକୁ ଲଗାତର ଭାବେ ଗାଇବାର ଶକ୍ତି ଆଉ ମୋ ପାଖରେ ବି ନ ଥିଲା। ଏଣୁ ଉପସ୍ଥିତ ବୁଦ୍ଧି ଖଟାଇ ମୋର ଜଣେ ବନ୍ଧୁ ରେକର୍ଡ ହୋଇଥିବା ଏହି ଗୀତକୁ ବଜାଇଲେ। କେବଳ ଷ୍ଟେଜରେ ଛିଡ଼ାହୋଇ ମିଛିମିଛିକା ଗାଇବାର ଅଭିନୟ କଲି। ଏପରି ହେଲା ରେକର୍ଡ ହୋଇଥିବା ଗୀତଟି ମଧ୍ୟ ମାଇକରେ ୩ଥର ବାଜିଲା। ସେ ଦିନ କାର୍ଯ୍ୟକ୍ରମ ସାରି ଫେରିବା ବାଟରେ ମନେମନେ ଭାବୁଥାଏ, ଏ ଗୀତରେ ଏପରି କ’ଣ ଅଛି? ଯେତେଥର ଗାଇଲେ ବି ଲୋକମାନେ ବାରମ୍ବାର ଶୁଣିବାକୁ ପସନ୍ଦ କରୁଛନ୍ତି। ଏହି ପ୍ରଶ୍ନର ଉତ୍ତର ଆଜିଯାଏଁ ବି ପାଇନି ଓ ମୋ ମନ ବି ଏହି ଗୀତକୁ ନେଇ ଅନେକଥର ଆନ୍ଦୋଳିତ ହୋଇଥିଲା ଓ ଏବେ ବି ହେଉଛି।
ସୀତା ଲୋ ଗୀତ ହିଁ ଟି ସୌରୀଙ୍କୁ ଓଡ଼ିଆ ସଙ୍ଗୀତ ଦୁନିଆରେ କେମିତି ପ୍ରଥମ ପରିଚୟ ଦେଇଥିଲା ସେହି ଅନୁଭୂତିକୁ ନେଇ କୁହନ୍ତି, ମୋ ଘର ତାଳଚେର ଅଞ୍ଚଳରେ। ଅନୁଗୋଳ କଲେଜରେ ପଢ଼ିବା ସମୟରେ ସାଙ୍ଗମାନଙ୍କ ସହ ମିଶି ମେଲୋଡିିି କାର୍ଯ୍ୟକ୍ରମରେ ଗୀତ ଗାଉଥିଲି। ପଶ୍ଚିମ ଓଡ଼ିଶା ଅଞ୍ଚଳରେ ଅନେକ ସମୟରେ କାର୍ଯ୍ୟକ୍ରମ କରିବାକୁ ଯାଉ। କଟକରେ କାଳୀ ପୂଜା ସମୟରେ ଦିନେ ହଠାତ୍‌ ଫୋନ କଲ୍‌ ଆସିଥିଲା ଓ ଏଥିରେ କାଫଲାବଜାରରେ ହେଉଥିବା ପୂଜାମଣ୍ଡପ ନିକଟରେ ଗୀତ ଗାଇବାକୁ ମୋତେ ନିମନ୍ତ୍ରଣ କରାଯାଇଥିଲା। ମଞ୍ଚରେ ହାଇପିଚ୍‌ର ହିନ୍ଦୀ ଭଜନ ମୁଁ ଗାଇଥିଲି। ମଞ୍ଚଠାରୁ ଅଳ୍ପ ଦୂରରେ ରହୁଥିଲେ ପ୍ରଖ୍ୟାତ ସଙ୍ଗୀତ ନିର୍ଦ୍ଦେଶକ ସ୍ବରୂପ ନାୟକ। କାର୍ଯ୍ୟକ୍ରମ ସରିବା ପରେ ସେ ମୋତେ ଭେଟି ଏକ ଚଳଚ୍ଚିତ୍ରରେ ଗୀତ ଗାଇବାକୁ ପ୍ରସ୍ତାବ ଦେଇଥିଲେ। ଏହି ଗୀତଟି ହିଁ ଥିଲା ଉଦଣ୍ଡୀ ସୀତା ଚଳଚ୍ଚିତ୍ରର ସୀତା ଲୋ…। ବାସ୍‌ ଥରକରେ ଗୀତଟି ଡବିଂ ହୋଇଥିଲା ଓ ଏହା ପରଠାରୁ ମୋ ସଙ୍ଗୀତ ଜଗତର ଯାତ୍ରା ଅଟକିନି।
ରିପୋର୍ଟ- କୁମାରଶ୍ରୀ


Enter your email to get our daily news in your inbox.

All Right Reserved By Dharitri.Com

କଂଗ୍ରେସ ପ୍ରାର୍ଥୀ ପାଇଁ ପ୍ରଚାର କଲେ ଶାହାରୁଖ ଖାନ୍‌! ଭିଡିଓ ଭାଇରାଲ

ନୂଆଦିଲ୍ଲୀ,୧୯।୪: କଂଗ୍ରେସ ପାଇଁ ପ୍ରଚାର କଲେ ବଲିଉଡର କିଙ୍ଗ ଖାନ୍‌ ଶାହରୁଖ ଖାନ୍‌। ଆଗାମୀ ଲୋକ ସଭା ନିର୍ବାଚନ ପାଇଁ କଂଗ୍ରେସ ପ୍ରାର୍ଥୀଙ୍କ ପାଇଁ ଷ୍ଟାର...

ରଜନୀକାନ୍ତ, ଧନୁଷ, କମଲ ହାସନ ଚେନ୍ନାଇରେ ଦେଲେ ଭୋଟ, ସର୍ବପ୍ରଥମେ ପହଞ୍ଚିଲେ ଏହି ସୁପରଷ୍ଟାର

ଚେନ୍ନାଇ,୧୯।୪: ଶୁକ୍ରବାର ସକାଳୁ ଲୋକ ସଭା ନିର୍ବାଚନ ପାଇଁ ଭୋଟ ଗ୍ରହଣ ଆରମ୍ଭ ହୋଇଛି। ସମସ୍ତ ରାଜନୈତିକ ଦଳ ଭାଗ୍ୟ ପରୀକ୍ଷା କରିବାକୁ ରାଜନୈତିକ ମଞ୍ଚରେ...

ଖୁବ ଶୀଘ୍ର ଆଈ ହେବାକୁ ଯାଉଛନ୍ତି ନୀନା ଗୁପ୍ତା

ମୁମ୍ବାଇ: ବଲିଉଡ ଅଭିନେତ୍ରୀ ନୀନା ଗୁପ୍ତାଙ୍କ ଘରକୁ କୁନି ଅତିଥି ଆସିବାକୁ ଆଉ ବେଶୀ ସମୟ ବାକି ନାହିଁ। ଅଭିନେତ୍ରୀଙ୍କ ଝିଅ ମାସାବା ଖୁବଶୀଘ୍ର ମା’...

ଶଳା ସଲମାନ୍‌ ନୁହେଁ, ବରଂ ଫିଲ୍ମ କରିବା ପୂର୍ବରୁ ପୋଷାକୁକୁର ସହ କଥା ହୁଅନ୍ତି ଆୟୁଷ  

ବମ୍ବେ: ବଲିଉଡର ଦବଙ୍ଗ ଖାନ୍‌ଙ୍କ ସାନ ଉଭଣୀ ଅର୍ପିତା ଖାନ୍‌ଙ୍କ ସ୍ବାମୀ ହେଉଛନ୍ତି ଆୟୁଷ ଶର୍ମା। ଖ୍ୟାତନାମା ଫିଲ୍ମନିର୍ମାତା ସଲୀମ ଖାନ୍‌ଙ୍କ ସେ ଜ୍ୱାଇଁ ହୋଇଥିବାରୁ...

ନୂଆ ରେକର୍ଡ କଲା ଅଲୁ ଅର୍ଜୁନଙ୍କ ପୁଷ୍ପା ୨, ଏହି ପ୍ଲାଟଫର୍ମକୁ ୨୭୫ କୋଟି ଟଙ୍କାରେ ବିକ୍ରୀ କଲା ଡିଜିଟାଲ୍ ରାଇଟ୍

ମୁମ୍ବାଇ: ଅଲୁ ଅର୍ଜୁନଙ୍କ ପୁଷ୍ପା ୨ ଟିଜର ଆସିବା ପରଠାରୁ ଏହା ହେଡଲାଇନରେ ରହିଛି। ଏବେ ଖବର ଆସିଛି ଯେ, ବହୁ ପ୍ରତୀକ୍ଷିତ ସୁକୁମାରଙ୍କ ନିର୍ଦ୍ଦେଶିତ...

ରାଜ କୁନ୍ଦ୍ରାଙ୍କ ୯୭.୭୯ କୋଟିର ସମ୍ପତ୍ତି ଜବତ କଲା ଇଡି, ଶିଳ୍ପାଙ୍କ ବଙ୍ଗଳା ବି ହେଲା ସିଜ୍‌

ମୁମ୍ବାଇ,୧୮।୪: ବଲିଉଡ୍‌ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ବାମୀ ରାଜ କୁନ୍ଦ୍ରା ପୁଣି ଏକ ବଡ଼ ଅଡ଼ୁଆରେ ଫସିଛନ୍ତି। ଇଡି ତାଙ୍କର ୯୭.୭୯ କୋଟି ଟଙ୍କାର ସମ୍ପତ୍ତିକୁ...

ପରପାରିରେ ବିଶିଷ୍ଟ ଅଭିନେତା-ନିର୍ଦ୍ଦେଶକ ସଚ୍ଚି ଦାସ

ଭୁବନେଶ୍ୱର,୧୮।୪: ଆରପାରିରେ ବିଶିଷ୍ଟ ସିନେ କଳାକାର ଡ. ସଚ୍ଚି ଦାସ । ମୃତ୍ୟୁବେଳକୁ ତାଙ୍କୁ ୭୩ ବର୍ଷ ହୋଇଥିଲା । ସଚ୍ଚି ଦାସ, କବି ସମ୍ରାଟ...

ଗର୍ଭବତୀ ଥାଇ ବି ଆକ୍ସନ ସିନ୍‌ କରୁଛନ୍ତି ଦୀପିକା!

ମୁମ୍ବାଇ: ବଲିଉଡର ‘ମସ୍ତାନୀ’ ଅର୍ଥାତ୍‌ ଦୀପିକା ପାଦୁକୋନ ୨୦୨୪ ସେପ୍ଟେମ୍ବରରେ ମା’ ହେବାକୁ ଯାଉଛନ୍ତି। ଏହି ମୁହୂର୍ତ୍ତକୁ ଅନୁଭବ କରିବାକୁ ଉଭୟ ଅଭିନେତା ରଣବୀର ସିଂ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri