‘ସୀତାର ଜଳୁଛି ଚିତା’ର ଫାଇନାଲ୍‌ ରିହରସଲ୍‌: କନ୍ଦେଇଲା – ହସେଇଲା – ରଗେଇଲା

ନିକଟରେ ବାଲେଶ୍ୱର ଶେରଗଡ଼ଠାରେ ବାଘାଯତୀନ ଲୋକନାଟ୍ୟର ପ୍ରଥମ ନାଟକ ‘ସୀତାର ଜଳୁଛି ଚିତା’ର ଫାଇନାଲ୍‌ ରିହରସଲ୍‌ ଅନୁଷ୍ଠିତ ହୋଇଯାଇଛି। ପ୍ରଚଣ୍ଡ ପ୍ରତିଭାସମ୍ପନ୍ନ ଯୁବ ନାଟ୍ୟକାର ଅରୁଣ ନାୟକଙ୍କ ରଚିତ ଏହି ନାଟକଟି ଦର୍ଶକମାନଙ୍କୁ ଯେତିକି କନ୍ଦେଇଛି, ସେତିକି ହସେଇଛି। ଆଉ ସେତିକି ପରିମାଣରେ ରଗେଇଛି ମଧ୍ୟ। ଅରୁଣ ନାୟକଙ୍କ ପ୍ରତ୍ୟେକଟି ଡାଏଲଗ୍‌ ଛୁଇଁଛି ଦର୍ଶକମାନଙ୍କୁ; ଯାହାର ପ୍ରମାଣ ଥିଲା ଘନଘନ କରତାଳି। ଆଉ ସଂଳାପରେ ଭରି ହୋଇ ରହିଥିଲା ସମାଜକୁ ସଚେତନ କରିବାର ବାର୍ତ୍ତା। ଆମେ ଅନ୍ୟାୟକୁ ଦେଖି ଚୁପ୍‌ ରହିବାନି। ନିଜର ସ୍ବାର୍ଥ ଲାଗି ଲୋକମାନେ ଭୁଲ୍‌କୁ ଭୁଲ୍‌ ବୋଲି ଜାଣି ମଧ୍ୟ ନୀରବ ରହିଯାଆନ୍ତି। ମାତ୍ର ତାହା ହେଉଛି କାପୁରୁଷପଣିଆ। ଅନ୍ତତଃ ଭୁଲ୍‌ ବିରୋଧରେ ଥରୁଟେ ସ୍ବର ଉତ୍ତୋଳନ କରାଯିବା ଦରକାର। ଏହାକୁ ଥିମ୍‌ ଭାବରେ ନାଟକରେ ନେଇଥିଲେ ନାଟ୍ୟକାର। ଟ୍ୟୁଶନ୍‌ କରି ଘର ଚଳାଉଥିବା ଜଣେ ଯୁବତୀ ସାମ୍ନାରେ କିଛି ବଡ଼ଲୋକ ଘରର ପିଲା ଏକ ପାଗଳୀକୁ ବଳାତ୍କାର କରୁଛନ୍ତି। ତାହା ବିରୋଧରେ ସେ ସ୍ବର ଉତ୍ତୋଳନ କରୁଛି। ବାପା ତାକୁ ଘରୁ ବାହାର କରି ଦେଉଛନ୍ତି। ତଥାପି ଯୁବତୀଟି ପଛକୁ ଫେରୁନି। ସମୟକ୍ରମେ ଭଗବାନ ଭଳି ଜଣେ ବ୍ୟକ୍ତିଙ୍କୁ ଭେଟୁଛି ସେ। ତାଙ୍କରି ସହାୟତାରେ ସେ ପାଗଳୀକୁ ବଳାତ୍କାର କରାଯିବାର ପ୍ରତିଶୋଧ ନେଉଛି। ନାଟ୍ୟକାର ଅରୁଣ ନାୟକ ଏଥିରେ ତାଙ୍କ ସଂଳାପ ରଚନାର ପ୍ରତିଭାକୁ ଭରପୂର ପ୍ରୟୋଗ କରିଛନ୍ତି। ନାଟକରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ଓଡ଼ିଆ ଯାତ୍ରା ଇଣ୍ଡଷ୍ଟ୍ରିର ଆକ୍ସନ୍‌ ଷ୍ଟାର ବାପି ପଣ୍ଡା। ବାପିଙ୍କ ଅଭିନୟ କେବଳ ମନଛୁଅଁା ନୁହେଁ; ରୋମାଞ୍ଚକର। ବାପିଙ୍କ ଡାଏଲଗ୍‌ ଶୁଣିଲେ ଦର୍ଶକଙ୍କ ହାତ ଯେ ମନକୁମନ ମୁଠାମୁଠା ହୋଇଯାଉଥିବ ଏକଥାକୁ ଅସ୍ବୀକାର କରାଯାଇ ପାରିବ ନାହିଁ। ନାଟକର ନିର୍ଦ୍ଦେଶନାଭାର ସମ୍ଭାଳିଛନ୍ତି ଉଦୀୟମାନ ଯୁବ ନିର୍ଦ୍ଦେଶକ ମହେଶ ହାଜରା। ନୂଆ ଶୈଳୀର ଡିରେକ୍‌ସନ୍‌ ନାଟକଟିକୁ ଫିଲ୍ମିକ୍‌ (ସିନେମା ଭଳି) କରି ତୋଳିଛି। ଲୋକମାନଙ୍କୁ ଗୋଟିଏ ରାତି ଅନିଦ୍ରା କରି ରଖିବା ପାଇଁ ଯାହା ବି ଦରକାର ସେଭଳି ଟେକ୍ନିକ୍‌ ପ୍ରୟୋଗ କରିଛନ୍ତି ନିର୍ଦ୍ଦେଶକ ମହେଶ। ମୋଟାମୋଟି ଭାବରେ କହିବାକୁ ଗଲେ ନାଟ୍ୟକାର ଅରୁଣ ନାୟକ, ନିର୍ଦ୍ଦେଶକ ମହେଶ ହାଜରା ଏବଂ ଆକ୍ସନଷ୍ଟାର ବାପି ପଣ୍ଡା ‘ସୀତାର ଜଳୁଛି ଚିତା’କୁ ଏ ବର୍ଷର ସଫଳ ନାଟକ ରୂପେ ଗଢ଼ି ତୋଳିଛନ୍ତି। ସଙ୍ଗୀତ ନିର୍ଦ୍ଦେଶକ ତାପସ ଦାସ (ଟିଟନ୍‌)ଙ୍କ ଗୀତ ଗୁଡ଼ିକ (ବିଶେଷ କରି ଟାଇଟଲ୍‌ ଟ୍ରାକ୍‌) ବେଶ୍‌ ମନଛୁଅଁା। ଏଠାରେ ସୂଚନାଯୋଗ୍ୟ ଯେ, ଗତ ଯାତ୍ରା ସିଜନ୍‌ରେ ଅରୁଣ ନାୟକ ଓ ମହେଶ ହାଜରା ବାଘାଯତୀନ୍‌ ଲୋକନାଟ୍ୟ ପାଇଁ ‘ମୃତ୍ୟୁଦଣ୍ଡ’ ନାଟକ ପ୍ରସ୍ତୁତ କରି ସଫଳ ହୋଇଥିଲେ।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?