ସାହିଗଳିରେ ବୁଲି ପରିବା ବିକୁଛନ୍ତି ମହିଳା

ପୁରୀ ଅଫିସ,୧୧ା୪: ବିଶ୍ୱମହାମାରୀ କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ଦେଶବ୍ୟାପୀ ୨୧ଦିନିଆ ଲକ୍‌ଡାଉନ ଚାଲିଛି। ଗଡ଼ୁନି ଗାଡ଼ି, ଖୋଲୁନି ଦୋକାନ ବଜାର। ବାହାରକୁ ନ ବାହାରିବା ଲାଗି ଜନସାଧାରଣଙ୍କୁ ସଚେତନ କରାଯାଉଛି। ତେବେ ଅତ୍ୟାବଶ୍ୟକ ସାମଗ୍ରୀ ପାଇଁ ଲୋକେ ବାହାରକୁ ବାହାରୁଥିବାରୁ ଅନେକ ସମୟରେ ସାମାଜିକ ଦୂରତା ରକ୍ଷା କରାଯାଇ ପାରୁନାହିଁ। ତେଣୁ ପୁରୀ ଜିଲା ପ୍ରଶାସନ ପକ୍ଷରୁ ବିଭିନ୍ନ ପ୍ରକାର ପଦକ୍ଷେପ ନିଆଯାଇଛି। ବିଶେଷକରି ପନିପରିବା କିଣିବା ପାଇଁ ହାଟ, ବଜାରରେ ଭିଡ଼କୁ ଦୃଷ୍ଟିରେ ରଖି କିପରି ଲୋକଙ୍କ ଘର ପାଖରେ ଏହା କିପରି ପହଞ୍ଚା ଯାଇପାରିବ ସେ ଦିଗରେ ବ୍ୟବସ୍ଥା ହୋଇଛି। ଆଉ ପ୍ରଶାସନକୁ ଏଭଳିସ୍ଥିତିରେ ସହଯୋଗ ପାଇଁ ଆଗେଇ ଆସିଛନ୍ତି ମିଶନ ଶକ୍ତି ଅଧୀନ ବିଭିନ୍ନ ସ୍ବୟଂ ସହାୟକ ଗୋଷ୍ଠୀ(ଏସ୍‌ଏଚଜି) ମହିଳା। କରୋନା ବିରୋଧୀ ଲଢେଇରେ ଏମାନେ ବି ସାଜିଛନ୍ତି ଯୋଦ୍ଧା। ଟ୍ରଲିରେ ପରିବା ଲଦି ବିଭିନ୍ନ ୱାର୍ଡରେ ଲୋକଙ୍କ ପାଖରେ ପହଞ୍ଚାଉଛନ୍ତି। ଶୁକ୍ରବାର ପୁରୀ ସହରର ଏକାଧିକ ୱାର୍ଡରେ ଏସ୍‌ଏଚ୍‌ଜି ମହିଳାମାନେ ପରିବା ବିକ୍ରି କରୁଥିବା ଦେଖିବାକୁ ମିଳିଛି।
ପୁରୀ ଜିଲାରେ ଜଣେ କରୋନା ଆକ୍ରାନ୍ତ ଚିହ୍ନଟ ପରେ ଅଧିକ ସତର୍କ ହୋଇଯାଇଛି ଜିଲା ପ୍ରଶାସନ। କରୋନା ବିରୋଧୀ ଲଢେଇର ପ୍ରମୁଖ ଅସ୍ତ୍ର ହେଉଛି ଘରୁ ନ ବାହାରିବା ଏବଂ ସାମାଜିକ ଦୂରତା ରକ୍ଷା କରିବା। ଯଦିବି କେହି ଅତ୍ୟାବଶ୍ୟକ କାମରେ ବାହାରୁଛନ୍ତି ତେବେ ସାମାଜିକ ଦୂରତା ରକ୍ଷା କରିବା ଲାଗି ସଚେତନ କରୁଛି ପ୍ରଶାସନ। କିନ୍ତୁ ଅଧିକାଂଶ ସମୟ ପରିବା ମାର୍କେଟରେ ଗହଳି ହେଉଥିବାରୁ ପ୍ରଶାସନ ସହରର ପ୍ରମୁଖ ତିନୋଟି ପରିବା ବଜାରକୁ ବନ୍ଦ କରିଦେଇଛି। ଗତ ରବିବାରଠାରୁ ବଡ଼ଶଙ୍ଖ, ମାର୍କେଟ ଛକ ଏବଂ ଲକ୍ଷ୍ମୀବଜାର ପରିବା ମାର୍କେଟକୁ ବନ୍ଦ ରଖାଯାଇଛି। ପରିବା ବ୍ୟବସାୟୀମାନେ ଚାହିଁଲେ ଗଳିକନ୍ଦିରେ ଠେଲା ଗାଡ଼ିରେ ପରିବା ବିକ୍ରି କରିପାରିବେ ବୋଲି ପ୍ରଶାସନ ପକ୍ଷରୁ ଅନୁମତି ଦିଆଯାଇଛି। ମାତ୍ର କେଉଁଠୁ ଖୁଚୁରା ବ୍ୟବସାୟୀ ପରିବା କିଣି ବିକ୍ରି କରିବେ ତାକୁ ନେଇ ଯେଉଁ ସମସ୍ୟା ଥିଲା ତାହାକୁ ଦୂର କରିଛି ପ୍ରଶାସନ। ମଙ୍ଗଳାଘାଟ-ଷ୍ଟର୍ଲିଂ ବାଇପାସ୍‌ ରାସ୍ତାରେ ହୋଲ୍‌ସେଲ ପରିବା ମାର୍କେଟ ବସିବା ଲାଗି ବୁଧବାର ପ୍ରଶାସନ ନିଷ୍ପତ୍ତି ନେଇଥିଲା। ଶୁକ୍ରବାରଠାରୁ ଏହି ହୋଲ୍‌ସେଲ ପରିବା ମାର୍କେଟ ଖୋଲିଛି। ଏଠାରୁ ରିଟେଲରମାନେ ପରିବା ନେଇ ବିଭିନ୍ନ ସାହିଗଳିରେ ବିକ୍ରି କରିପାରିବାର ବ୍ୟବସ୍ଥା ହୋଇଛି। ତେବେ ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି କେତେକ ଏସ୍‌ଏଚ୍‌ଜିକୁ ପ୍ରଶାସନ ଦାୟିତ୍ୱ ଦେଇଛି। ମହିଳାମାନେ ହୋଲ୍‌ସେଲ୍‌ ପରିବା ମାର୍କେଟରୁ କିଣି ଏହାକୁ ସହରର ବିଭିନ୍ନ ୱାର୍ଡ ଏବଂ ଜିଲାର ବିଭିନ୍ନ ଅଞ୍ଚଳରେ ବୁଲି ବିକ୍ରି କରୁଛନ୍ତି।
ଶୁକ୍ରବାର ସ୍ବୟଂ ସହାୟକ ଗୋଷ୍ଠୀର ମହିଳାମାନେ ମଙ୍ଗଳାଘାଟ-ଷ୍ଟର୍ଲିଂ ବାଇପାସ୍‌ ରାସ୍ତାରେ ହୋଲ୍‌ସେଲ ପରିବା ମାର୍କେଟରୁ ବିଭିନ୍ନ ପ୍ରକାର ସତେଜ ପରିବା ସୁଲଭ ମୂଲ୍ୟରେ କିଣିଥିଲେ। ଏହାକୁ ଟ୍ରଲି ଏବଂ ଠେଲାଗାଡ଼ିରେ ଆଣି ବିଭିନ୍ନ ୱାର୍ଡରେ ବିକ୍ରି କରୁଥିଲେ। ପୁରୀ ପୌରସଂସ୍ଥା ୧୯ ନଂ. ୱାର୍ଡର ଜୟ ହନୁମାନ ସ୍ବୟଂ ସହାୟକ ଗୋଷ୍ଠୀ ପକ୍ଷରୁ ଟ୍ରଲିରେ ପରିବା ବିକ୍ରି କରିଥିବା ଦେଖିବାକୁ ମିଳିଥିଲା। ସେହିପରି ଅନ୍ୟ ଏସ୍‌ଏଚ୍‌ଜି ସଦସ୍ୟା ସହରର ବିଭିନ୍ନ ୱାର୍ଡରେ ପରିବା ବିକ୍ରି କରୁଥିଲେ। ଲୋକମାନେ ଘର ନିକଟରେ ନଗଦ ପରିବା ପାଇଁ ବେଶ୍‌ ଖୁସିବ୍ୟକ୍ତ କରିଥିବା ଦେଖିବାକୁ ମିଳିଥିଲା।
୧୯ ନଂ. ୱାର୍ଡର ଗୃହିଣୀ ପିଙ୍କି ଦାସ କହିଥିଲେ, ବଡ଼ଶଙ୍ଖ ପରିବା ମାର୍କେଟ ବନ୍ଦ ହେବା ପରେ ସାହିକୁ ଠେଲାଗାଡ଼ିରେ ଆସୁଥିବା ପରିବା ବ୍ୟବସାୟୀଙ୍କୁ ଅପେକ୍ଷା କରୁଥିଲୁ। ସମାନେ ବି ଯେଉଁ ପରିବା ଆଣୁଥିଲେ ଏତେଟା ସତେଜ ରହୁ ନ ଥିଲା। ମାତ୍ର ଏସ୍‌ଏଚ୍‌ଜି ମହିଳାମାନେ ଯେଉଁ ପରିବା ଆଣୁଛନ୍ତି ତାହା ସତେଜ ରହିଛି। ଦାମ୍‌ ବି ଅଧିକ ନ ଥିଲା। କରୋନା ଯୋଗୁ ଏବେ ଘରୁ ବାହାରକୁ ଯିବାକୁ ଚାହୁଁନୁ। ଏସ୍‌ଏଚ୍‌ଜି ମହିଳା ଏବେ ଘର ପାଖରେ ପରିବା ଆଣି ପହଞ୍ଚାଉଥିବା ନିଶ୍ଚିତ ପ୍ରଶାସନର ଏକ ଭଲ ପଦକ୍ଷେପ। ପରିବା ଭଳି ସେମାନଙ୍କୁ ଯଦି ରାଶନ ସାମଗ୍ରୀ ବିକ୍ରି କରିବାର ଅନୁମତି ଦିଆଯାଆନ୍ତା ତେବେ ଭଲ ହୁଅନ୍ତା ବୋଲି ପିଙ୍କି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଭେଡେନ୍‌ ଗଣବଳାତ୍କାର, ହତ୍ୟା ମାମଲା: ମାନବିକ ଅଧିକାର ଉଲ୍ଲଂଘନ କରିଛି ପୋଲିସ: ଓଏଚ୍‌ଆର୍‌ସି

କଟକ ଅଫିସ, ୨୬।୯: ବରଗଡ ଜିଲା ଭେଡେନ୍‌ ଥାନା ଅଞ୍ଚଳରେ ଘଟିଥିବା ତିନି ଦଳିତ ମହିଳାଙ୍କୁ ଗଣବଳାତ୍କାର ଓ ଦୁଇ ଜଣଙ୍କୁ ହତ୍ୟା ଘଟଣାରେ ରାଜ୍ୟ...

ଏସ୍‌ପି ଅଫିସ ପରିଦର୍ଶନ କଲେ ଡିଆଇଜି

ଛତ୍ରପୁର,୨୩ା୧୦(ଡି.ଏନ.ଏ.)- ଦକ୍ଷିଣାଞ୍ଚଳ ଡିଆଇଜି ସତ୍ୟବ୍ରତ ଭୋଇ ମଙ୍ଗଳବାର ଛତ୍ରପୁର ଆସି ଗଞ୍ଜାମ ଏସ୍‌ପିଙ୍କ କାର୍ଯ୍ୟାଳୟ ପରିଦର୍ଶନ କରିଛନ୍ତି। ପରିଦର୍ଶନ ବେଳେ ଏସ୍‌ପି ବ୍ରିଜେଶ କୁମାର ରଏଙ୍କ...

ବଢୁଛି ସୁସ୍ଥହାର, କମୁଛନ୍ତି ଆକ୍ରାନ୍ତ

କଟକ ଅଫିସ,୧୭।୮: କଟକ ଜିଲାରେ ଆରୋଗ୍ୟ ହାର ବଢୁଥିବା ବେଳେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା କମିବାରେ ଲାଗିଛି। କରୋନା ବିରୋଧରେ ଚାଲିଥିବା ଲଢ଼େଇରେ ଏହି ତଥ୍ୟ...

କରୋନା ସଂକ୍ରମଣ ସମୟରେ ଶାରୀରିକ ସମ୍ପର୍କ କେତେ ସୁରକ୍ଷିତ…

ନୂଆଦିଲ୍ଲୀ/ଓ୍ବାଶିଂଟନ,୨୧।୩: ପୃଥିବୀ ବ୍ୟାପି କରୋନା ସଂକ୍ରମଣ ନେଇ ଆତଙ୍କ ସୃଷ୍ଟି ହେବାରେ ଲାଗିଛି। କରୋନା କିଭଳି ସଂକ୍ରମଣ ହୋଇଥାଏ ଏନେଇ ଲୋକଙ୍କ ମଧ୍ୟରେ ନାନା ପ୍ରଶ୍ନ...

ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରିସରରେ ପଡ଼ିରହିଛି ଅଳିଆ ଆବର୍ଜନା : ଘଟଣା ସ୍ଥଳରେ ଉତ୍ତେଜନା

ଦାରିଙ୍ଗବାଡ଼ି,୧୪।୯(ଡି.ଏନ୍‌.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରିସରରେ ଅଳିଆ ଆବର୍ଜନା ପଡ଼ିରହି ଗନ୍ଧ ହେଉଛି । ଏହାର ସଫେଇ କରାଯାଉ ନ ଥିବା ବେଳେ...

ରାଜ୍ୟରେ ନାହାନ୍ତି ସ୍ବାସ୍ଥ୍ୟମନ୍ତ୍ରୀ: କୋଭିଡ-୧୯କୁ ନେଇ ମତ ରଖିଲେ କମଳନାଥ

ଭୋପାଳ,୧୨।୪: ମଧ୍ୟପ୍ରଦେଶ ଏକମାତ୍ର ରାଜ୍ୟ ଯେଉଁଠି ଏବେ କେହି ସ୍ବାସ୍ଥ୍ୟମନ୍ତ୍ରୀ ଓ ସ୍ବରାଷ୍ଟ୍ରମନ୍ତ୍ରୀ ନାହାନ୍ତି ବୋଲି ରବିବାର କହିଛନ୍ତି ବରିଷ୍ଠ କଂଗ୍ରେସ ନେତା ତଥା ପୂର୍ବତନ...

କରୋନା ମୁକାବିଲା ପାଇଁ ରାଜ୍ୟ ସରକାରଙ୍କ ବଡ଼ ନିଷ୍ପତ୍ତି: ଭୁବନେଶ୍ୱରକୁ ୩ଟି ଜୋନ୍‌ରେ ଭାଗକରି ୬ ବରିଷ୍ଠ ଆଇଏଏସ୍‌ଙ୍କୁ ଦିଆଗଲା ଦାୟିତ୍ୱ

ଭୁବନେଶ୍ୱର, ୧୫।୪(ବ୍ୟୁରୋ): ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୬୦ରେ ପହଞ୍ଚିଛି। ସେଥିରୁ କେବଳ ଭୁବନେଶ୍ୱରରେ ୪୬ଜଣ ଅଛନ୍ତି। ରାଜ୍ୟର ଅନ୍ୟାନ୍ୟ ସ୍ଥାନ ଅପେକ୍ଷା ଭୁବନେଶ୍ୱରରେ ଆକ୍ରାନ୍ତଙ୍କ...

ଅସ୍ଥାୟୀ ଭାବେ ରାଜମହଲ ଛକକୁ ସ୍ଥାନାନ୍ତର ହେଲା ୧ ନଂ ପରିବା ହାଟ

ଭୁବନେଶ୍ୱର,୨୬।୩(ବ୍ୟୁରୋ): କରୋନା ଭୂତାଣୁକୁ ନେଇ ବର୍ତ୍ତମାନ ସାରା ବିଶ୍ୱରେ ଆତଙ୍କ ସୃଷ୍ଟି ହୋଇଛି। ତେଣୁ ସାମାଜିକ ଦୂରତା ବଜାୟ ରଖିବା ସହ କରୋନା ଭୂତାଣୁ ସଂକ୍ରମଣ...


Coronavirus Update

Archives

Model This Week

Why Dharitri