ମାଲକାନଗିରି,୯।୭(ଡି.ଏନ୍.ଏ.): ମାଲକାନଗିରି ଜିଲା ଛତିଶଗଡ଼ ପଡିଆ ଥାନା ଅଞ୍ଚଳ ସାବେରୀ ନଦୀ କୂଳରେ ଥିବା ସିଙ୍ଗାଣିଗୁଡ଼ା ଗ୍ରାମର ଲାକା ପଡ଼ିଆମି ନଦୀରେ ଭାସି ଯାଇ ନିଖୋଜ ଥିଲେ। ତେବେ ମଙ୍ଗଳବାର ତାଙ୍କ ମୃତଦେହ ଉଦ୍ଧାର କରାଯାଇଛି।
ଗତ ଶନିବାର ସନ୍ଧ୍ୟାରେ ସିଙ୍ଗାନିଗଡ଼ାର ଲାକା , ଦୁଲା ପଡ଼ିଆମି ଓ ମଙ୍ଗୁଳୁ କବାସି ଏମ.ଭି-୬୬ ଗ୍ରାମ ନିକଟରେ ଥିବା ନଦୀରେ ମାଛ ଧରିବାକୁ ଯାଇଥିଲେ ା ମାଛ ଧରି ନଦୀରେ ପହଁରି ଫେରୁଥିବା ବେଳେ ଦୁଲା ଓ ମଙ୍ଗୁଳୁ ନଦୀ ପାର୍ ହୋଇ କୂଳରେ ପହଞ୍ଚି ଥିଲେ। ମାତ୍ର ପଛରେ ଥିବା ଲାକା କୂଳରୁ ଅଳ୍ପ ଦୂରରେ ଥିବାବେଳେ ହଠାତ୍ ନଦୀ ଜଳ ବୃଦ୍ଧି ଯୋଗୁ ପ୍ରଖର ସ୍ରୋତରେ ଭାସି ଯାଇଥିଲୋ ଦୁଲା ଓ ମଙ୍ଗୁଳୁ ଲାକାଙ୍କୁ ଉଦ୍ଧାର କରିବା ପାଇଁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ ା ଗ୍ରାମରେ ଖବର ପହଞ୍ଚିବା ପରେ ପଡ଼ିଆର ଅଗ୍ନିଶମ ବିଭାଗ ଅଧିକାରୀ ବିରେନ୍ଦ୍ର ସିଂ, କର୍ମଚାରୀ ଏବଂ ସ୍ଥାନୀୟ ଲୋକମାନେ ଅନେକ ଖୋଜା ଖୋଜି କରିଥିଲୋ ହେଲେ ତାଙ୍କର ସନ୍ଧାନ ମିଳିପାରି ନ ଥିଲା। ମଙ୍ଗଳବାର ମଧ୍ୟ ନିଖୋଜ ଲାକାଙ୍କୁ ଉଦ୍ଧାର ପାଇଁ ଅଗ୍ନିଶମ ଏବଂ ଅଞ୍ଚଳବାସୀ ବହୁ ଚେଷ୍ଟା କରିବା ପରେ ତାଙ୍କ ମୃତଦେହ ପାଇଥିଲେ। ମୃତଦେହ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରାଯିବ ବୋଲି ପୋଲିସ କହିଛି।
