ଖୋର୍ଦ୍ଧା ଅଫିସ,୨୨।୫: ଶୁକ୍ରବାର ସାବିୀତ୍ରୀ ବ୍ରତ ଅବସରରେ ଖୋର୍ଦ୍ଧା ଜିଲା ଟାଙ୍ଗି ବ୍ଲକ ଓଳସିଂ ପଞ୍ଚାୟତ ଡମଣଭୂମି ଗ୍ରାମରେ ଶୁକ୍ରବାର ଏକ ଅଭାବନୀୟ ଘଟଣା ଘଟିଛି। ଜଣେ ମହିଳାଙ୍କର ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଘଟିଛି। ମୃତକ ହେଲେ ବିନି ଦଳେଇ(୪୫)।
ପ୍ରକାଶ ଯେ, ସକାଳୁ ବିନି ଫସଲ କିଆରୀକୁ ଯାଇଥିଲେ। ସେଠାରୁ ଫେରିବା ବେଳେ ବିଦ୍ୟୁତ୍ ତାର ସଂସ୍ପର୍ଶରେ ଆସି ଗୁରୁତର ଆହତ ହୋଇଥିଲେ। ପରିବାର ଲୋକେ ତାଙ୍କୁ ଉଦ୍ଧାରକରି ସ୍ଥାନୀୟ ମେଡିକାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ସ୍ବାମୀ ବାହାରେ ରହୁଥିବା ବେଳେ ବିନି ସାବିତ୍ରୀ ବ୍ରତ ପାଳନ ଲାଗି ସମସ୍ତ ପ୍ରସ୍ତୁତି କରିଥିଲେ।
