ଫୁଲବାଣୀ ଅଫିସ, ୩୦୭-ଫିରିଙ୍ଗିଆ ବ୍ଲକ ଗୋଚ୍ଛାପଡା ଥାନା ବାଲନ୍ଦାପଡା ଫାଣ୍ଡି ଅଞ୍ଚଳରେ ପୋଲିସ ୨୧ ତାରିଖରେ ଏକ ଗାଡିରୁ ୯ କୁଇଣ୍ଟାଲ ୫୪ କେଜି ଗଞ୍ଜେଇ ଜବତ କରିଥିଲା। ଏହି ଘଟଣାରେ ୨ ଜଣଙ୍କୁ ଧରିଥିବାବେଳେ ଗାଡି ଜବତ କରିଥିଲେ। ପରେ ସେମାନେ ଫେରାର ହୋଇ ଯାଇଥିଲେ। ସେମାନଙ୍କ ଫେରାର ପଛରେ କେତେଜଣ ପୋଲିସ କର୍ମଚାରୀଙ୍କ ହାତଥିବା ଓ ଅର୍ଥନେଇ ଛାଡି ଦେଇଥିବା ଅଭିଯୋଗ ହୋଇଥିଲା। ପୋଲିସ ସମ୍ପୃକ୍ତ ଫେରାର ଅଭିଯୁକ୍ତଙ୍କୁ ଗିରଫ କରିପାରି ନ ଥିବାବେଳେ ଜବତ ହୋଇଥିବା ଗାଡିର ମାଲିକଙ୍କୁ ଶୁକ୍ରବାର ଗିରଫ କରିଛି। ସେ ଏକ ଇନୋଭାରେ ୫୦ କେଜି ଗଞ୍ଜେଇ ନେଇ ଯାଉଥିବବେଳେ ପୋଲିସ ତାଙ୍କୁ ଗିରଫ କରିଛି ା ସେ ହେଲେ କଳାହାଣ୍ଡି ଜିଲା ଆମପାଣି ଥାନା ଡାବ୍ରିଗୁଡାର ରୁପେଶ ସିଂ ବେଶ୍ରା ା
ପୋଲିସ ଫେରାର ଅଭିଯୁକ୍ତଙ୍କୁ ଧରିବାକୁ ଧରପଗଡ କରୁଥିବାବେଳେ, ଥାନାଧିକାରୀ ଚିତ୍ତ ରଞ୍ଜନ ବେହେରା ଏହାର ନେତୃତ୍ୱ ନେଇଥିଲେ। ବାଲନ୍ଦାପଡା ଅଞ୍ଚଳରେ ପାଟ୍ରୋଲିଂ ବେଳେ ଏକ ଇନୋଭା(ନଂ.ଓଡି୧୭ଏ- ୦୦୦୬) ସୁଟାଣି ଘାଟିରେ ଯାଉଥିଲ। ଯାଞ୍ଚବେଳେ ସେଥିରୁ ୫୦ କେଜି ଗଞ୍ଜେଇ ମିଳିଥିଲା। ପଚରାଉଚରା କରିବାରୁ ରୂପେଶ ପୂର୍ବରୁ ଜବତ ହୋଇଥିବା ଗାଡିର ମାଲିକ ବୋଲି ଜଣାପଡିଥିଲା। ଏ ନେଇ ନଂ.୪୨/୧୯ରେ ମାମଲା ରୁଜୁ କରି ପୋଲିସ ତଦନ୍ତ ଚଳାଇଛି। ଥାନାଧିକାରୀଙ୍କୁ ପଚାରିବାରୁ ଅନ୍ୟମାନଙ୍କୁ ଧରିବା ପାଇଁ ପ୍ରୟାସ ଜାରି ରହିଛି, ଅଟକ ଯୁବକ ଫେରାର ଘଟଣାର ମଧ୍ୟ ତଦନ୍ତ ଚାଲିଛି। ଏନେଇ ଏସ୍ପିଙ୍କୁ ଖୁବ୍ଶୀଘ୍ର ରିପୋର୍ଟ ଦିଆଯିବ ବୋଲି କହିଛନ୍ତି।
