ମୁମ୍ବାଇ: ବଲିଉଡ୍ ଦବଙ୍ଗ ସଲମାନ ଖାଁ ଲକ୍ଡାଉନ ସମୟରେ ବି ତାଙ୍କ ପ୍ରଶଂସକଙ୍କର ମନୋରଞ୍ଜନ କରି ଚାଲିଛନ୍ତି। ଏବେ ପାନଭେଲରେ ଥିବା ତାଙ୍କ ଫାର୍ମ ହାଉସରେ ସଲମାନ ବ୍ୟସ୍ତ ରହିଲେ ବି ସୋସିଆଲ ମିଡିଆ ମାଧ୍ୟମରେ ସେ ତାଙ୍କ ପ୍ରଶଂସକମାନଙ୍କ ସହ ଯୋଡି ହୋଇ ରହୁଥିବା ଦେଖାଯାଇଛି। ଘରେ ରହି ମଧ୍ୟ ଏହାରି ଭିତରେ ସଲମାନ ତାଙ୍କ ଫ୍ୟାନମାନଙ୍କ ପାଇଁ ୩ଟି ଗୀତ ରିଲିଜ୍ କରି ସାରିଲେଣି। ଏଥିରୁ ୨ଟି ଗୀତ ସୋସିଆଲ୍ ମିଡିଆରେ ଖୁବ୍ ଚର୍ଚ୍ଚାରେ ରହିଛି। ଏବେ କିନ୍ତୁ ସଲମାନ ତାଙ୍କ ପ୍ରଶଂସକଙ୍କୁ ସର୍ପ୍ରାଇଜ୍ ଦେବେ ବୋଲି ଶୁଣିବାକୁ ମିଳିଛି। ଏହି ନାୟକ ଏଥର ଜଣେ ନୂଆ ଅଭିନେତ୍ରୀଙ୍କ ସହ ଏକ ସର୍ଟ ଫିଲ୍ମରେ ନଜର ଆସୁଛନ୍ତି ବୋଲି ଶୁଣାଯାଉଛି। ସେ ଘରେ ରହି ଏହି ସର୍ଟ ଫିଲ୍ମର ଶୁଟିଂ କରିବେ। ତେବେ ନବାଗତା ନାୟିକାଙ୍କ ନାଁ ଏପର୍ଯ୍ୟନ୍ତ ସଲମାନ ପ୍ରକାଶ କରି ନାହାନ୍ତି।
