ଧର୍ମଶାଳା,୪ା୨(ଡି.ଏନ୍.ଏ.)-
ଧର୍ମଶାଳା ବ୍ଲକ କମାଗଡ଼ ଖେଳ ପଡିଆରେ ସର୍ବଭାରତୀୟ ଏକ ଦିବସୀୟ ଦିବାରାତ୍ର ଭଲିବଲ ଟୁର୍ନାମେଣ୍ଟର ଫାଇନାଲ ରବିବାର ଅନୁଷ୍ଠିତ ହୋଇଯାଇଛି। ଏଥିରେ ଚେନ୍ନାଇକୁ ୩-୦ ସେଟ୍ରେ ପରାସ୍ତ କରି ଦିଲ୍ଲୀ ଟିମ୍ ଚାମ୍ପିୟନ ହୋଇଛି। ଏଚଏମ୍ଟି କ୍ଲବ କମାଗଡ ଆନୁକୂଲ୍ୟରେ ଆୟୋଜିତ ଏହି ଟୁର୍ନାମେଣ୍ଟରେ ଦିଲ୍ଲୀ, ଚେନ୍ନାଇ, ମୁମ୍ବାଇ ଓ ଓଡ଼ିଶା ଟିମ୍ ଅଂଶଗ୍ରହଣ କରିଥିଲେ। ପ୍ରତ୍ୟେକ ଟିମ୍ ପରସ୍ପରକୁ ଭେଟିଥିବାବେଳେ ଦିଲ୍ଲୀ ଓ ଚେନ୍ନାଇ ଦଳ ଫାଇନାଲରେ ପ୍ରବେଶ କରିଥିଲେ। ଏହି ଟୁର୍ନାମେଣ୍ଟରେ ପ୍ରତ୍ୟେକ ମ୍ୟାଚ ଚିତ୍ତାକର୍ଷକ ହୋଇଥିବାବେଳେ ଖେଳକୁ ଉପଭୋଗ କରିବା ପାଇଁ ହଜାର ହଜାର ସଂଖ୍ୟାରେ ଦର୍ଶକଙ୍କ ଭିଡ଼ ଜମିଥିଲା। ଖେଳକୁ ଜାତୀୟ ରେଫରି ନିରଞ୍ଜନ ବେହେରା ଓ ସହଯୋଗୀମାନେ ପରିଚାଳନା କରିଥିଲେ। ପୁରସ୍କାର ବିତରଣ ଉତ୍ସବରେ ଧର୍ମଶାଳା ବ୍ଲକ ଅଧ୍ୟକ୍ଷ ପ୍ରଭାତ କୁମାର ବଳବନ୍ତରାୟ ଅତିଥିଭାବେ ଯୋଗଦେଇ ବିଜୟୀ ଓ ରନର୍ସଅପ ଦଳକୁ ଟ୍ରଫି ପ୍ରଦାନ କରିଥିଲେ।
