ସରକାରଙ୍କୁ ବିରୋଧୀଙ୍କ କଡ଼ା ସମାଲୋଚନା

ଭୁବନେଶ୍ୱର,୨୦-୧୧(ବ୍ୟୁରୋ):ଚାଷୀ ଅମଳ କରି ଧାନ ବସ୍ତା ଧରି ରହିଛି। ହେଲେ କିଣିବାକୁ କେହି ନାହିଁ। ଖରା, ବର୍ଷା, ଶୀତ କାକରରେ ଧାନ ସେମିତି ପଡି ରହୁଛି। ଯେଉଁ ବ୍ୟବସ୍ଥାରେ କ୍ରୟ କରାଯିବ, ସେହି ବ୍ୟବସ୍ଥାରେ ଚାଷୀ ନିଜକୁ ଖାପ ଖୁଆଇ ପାରୁନାହିଁ। ଧାନ କିଣାରେ ଅନିୟମିତତା ନେଇ ଖବରକାଗଜରେ ଖବର ପରିବେଷଣ କରାଯାଉଛି। ବୈଦ୍ୟୁତିକ ଗଣମାଧ୍ୟମରେ ଚାଷୀଙ୍କ କରୁଣ ଚିତ୍ର ଦେଖିବାକୁ ମିଳିଛି। ହେଲେ ସବୁ ଜାଣି ସରକାର ନୀରବଦ୍ରଷ୍ଟା ସାଜୁଥିବା ଭାଜପା ଏବଂ କଂଗ୍ରେସ ସଭ୍ୟ ଅଭିଯୋଗ କରିଛନ୍ତି। ବିଧାୟକ ଜୟନାରାୟଣ ମିଶ୍ର, ମୁକେଶ ମହାଲିଙ୍ଗ ଏବଂ ଶଙ୍କର ଓରାମଙ୍କ ଦ୍ୱାରା ଆଗତ ମୁଲତବୀ ପ୍ରସ୍ତାବ ‘ରାଜ୍ୟରେ ଧାନ କିଣାରେ ସରକାର ସମ୍ପୂର୍ଣ୍ଣ ବିଫଳ’ ଆଲୋଚନାରେ ଉପରୋକ୍ତ ଅଭିଯୋଗ କରାଯାଇଛି। ଆଲୋଚନା ପରେ ମନ୍ତ୍ରୀ ଉତ୍ତର ରଖିଥିଲେ, ହେଲେ ଏଥିରେ ଅସନ୍ତୁଷ୍ଟ ହୋଇ ପ୍ରଥମେ ଭାଜପା ଏବଂ ପରେ କଂଗ୍ରେସ ବିଧାୟକମାନେ କକ୍ଷତ୍ୟାଗ କରିଥିଲେ।
ଆଲୋଚନା ଆରମ୍ଭ କରି ଜୟନାରାୟଣ କହିଲେ, ସବୁ ଅଧିବେଶନରେ ଚାଷୀ ସମସ୍ୟାକୁ ଗୁରୁତ୍ୱର ସହ ଉଠାଉଛି। ହେଲେ କିଛି ଲାଭ ହେଉ ନାହିଁ। ଜିଲାସ୍ତରରେ ପ୍ରୋକ୍ୟୁରମେଣ୍ଟ କମିଟି ନାହିଁ। ମାର୍କେଟ ୧୫ରୁ ଖୋଲିଲାଣି, ହେଲେ ୧୮ ତାରିଖ ପର୍ଯ୍ୟନ୍ତ ଟୋକନ୍‌ ପହଞ୍ଚିନାହିଁ। ମିଲରମାନେ ପ୍ରୋକ୍ୟୁରମେଣ୍ଟ ବ୍ୟବସ୍ଥାରେ ହର୍ତ୍ତାକର୍ତ୍ତା ହୋଇଛନ୍ତି। ପଞ୍ଜାବ, ହରିୟାଣା ଆଦି ଅଞ୍ଚଳରେ ମଣ୍ଡି ବ୍ୟବସ୍ଥା ରହିଛି। ସେଠାରେ ଚାଷୀଙ୍କୁ ପଚାରି ସବୁ ନିଷ୍ପତ୍ତି ହୁଏ। ଓଡ଼ିଶାରେ ୪୦୦ ମଣ୍ଡି ଥାଇ ମଧ୍ୟ ପ୍ରାଥମିକ ବ୍ୟବସ୍ଥା ନାହିଁ। ଗତଥର ଭଳି ପ୍ରୋକ୍ୟୁରମେଣ୍ଟ କମିଟିକୁ ଯେମିତି ଅଧିକାର ଦିଆଯାଉଥିଲା, ସେମିତି ଦିଆଯାଉ। ପ୍ରତ୍ୟକ୍ଷ ଜ୍ଞାନ ଆହରଣ ପାଇଁ ବିଭାଗୀୟ ମନ୍ତ୍ରୀ ଏବଂ ସଚିବ କ୍ଷେତ୍ରକୁ ଯାଆନ୍ତୁ ବୋଲି ଜୟନାରାୟଣ କହିଛନ୍ତି। ଏହା ପରେ ମୁକେଶ କହିଲେ ଯେ, ପଶ୍ଚିମ ଓଡ଼ିଶାକୁ ଭାତହାଣ୍ଡି ବୋଲି କୁହାଯାଏ। ହେଲେ ପ୍ରତିବର୍ଷ ସରକାର ଧାନ କିଣାରେ ବିଫଳ ହେଉଛନ୍ତି। ନେଭା ଆପ୍ଲିକେଶନରେ ତଥ୍ୟ ଭୁଲ ରହୁଛି। ତେଣେ ଚାଷୀଙ୍କୁ ଅନ୍‌ଲାଇନ୍‌ ବ୍ୟବସ୍ଥାରେ ପକାଯାଉଛି। ଧାନ କିଣାରେ କଟ୍‌ନୀଛଟନୀ ବନ୍ଦ ହେଉ। ସାରା ରାଜ୍ୟରେ ମଣ୍ଡିକୁ ନେଇ ଯେଉଁ ଭିତ୍ତିଭୂମି ହେବା କଥା ତାହା ନ ଥିବା ସେ ଅଭିଯୋଗ କରିଥିଲେ। ବିଧାୟକ ନାଉରୀ ନାୟକ କହିଥିଲେ, ସମ୍ବଲପୁରରେ ଘର ସାମ୍‌ନାରେ ଧାନ ଥୁଆ ହୋଇଛି। ଗତକାଲି ଜିଲାପାଳଙ୍କ ଦପ୍ତର ଆଗରେ ଚାଷୀ ଛିଡା ହୋଇଥିଲେ। ମନ୍ତ୍ରୀ ଯେଉଁ ତଥ୍ୟ ଦେଉଛନ୍ତି, ତାହା ସମ୍ପୂର୍ଣ୍ଣ ମିଥ୍ୟା। ୧୭ ସେପ୍ଟେମ୍ବରରୁ ପଞ୍ଜୀକରଣ କରାଯାଇଥିଲେ ବି ଏସ୍‌ଏମ୍‌ଏସ୍‌ ଯାଇନାହିଁ। କେତେକ ଚାଷୀ ପ୍ରଧାନମନ୍ତ୍ରୀ ଫସଲ ବୀମା ନ ପାଇ ଆନ୍ଦୋଳନ କରୁଛନ୍ତି। ବିଜୁ ଯୁବ ବାହିନୀ ପାଇଁ କୋଟି କୋଟି ଟଙ୍କା ଖର୍ଚ୍ଚ ହେଉଛି, ହେଲେ ଜାନୁୟାରୀରେ ନୂଆ ଫସଲ କରିବାକୁ ଯାଉଥିବା ଚାଷୀଙ୍କ ପାଇଁ କିଛି ନାହିଁ ବୋଲି ନାଉରୀ କହିଥିଲେ।
କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା କହିଲେ, ଗତ ୩ରୁ ୪ ବର୍ଷ ମଧ୍ୟରେ ଧାନ କିଣା ସମ୍ପର୍କରେ ସମୀକ୍ଷା କରିଥିଲେ, ମନ୍ତ୍ରୀ ସବୁ ଜାଣିପାରନ୍ତେ। କାଗଜପତ୍ର ସଂଗ୍ରହ କରି ଉତ୍ତର ଦେଉଛନ୍ତି। ରାଜଧାନୀର ଶୀତତାପ ନିୟନ୍ତ୍ରିତ ପ୍ରକୋଷ୍ଠରୁ ବ୍ୟବସ୍ଥାକୁ ନିୟନ୍ତ୍ରଣ କରୁଛନ୍ତି। ଏହାକୁ କ’ଣ ୫-ଟି ଦ୍ୱାରା ସମାଧାନ କରାଯିବ। ଏସ୍‌ଏଚ୍‌ଜିଗୁଡିକୁ ଦୁର୍ନୀତିଗ୍ରସ୍ତ କରାଯାଇସାରିଲାଣି। କୁଇଣ୍ଟାଲ ପିଛା ୨୯୩୦ ଟଙ୍କା ଦାବି କରାଯାଉଥିଲେ ବି କେନ୍ଦ୍ର ସରକାର ଦାବି ଗ୍ରହଣ କରୁନାହାନ୍ତି। ହେଲେ ଅତୀତରେ ରାଜସ୍ଥାନ ନିର୍ବାଚନ ପୂର୍ବରୁ କେନ୍ଦ୍ର ବାଜରା ମୂଲ୍ୟ ବୃଦ୍ଧି କରିଥିବା ସାଲୁଜା କହିଥିଲେ। ସେହିପରି ନରସିଂହ ମିଶ୍ର କହିଥିଲେ ଯେ, ଚାଷୀ ଏବଂ ଧାନ କ୍ରୟ ପ୍ରସଙ୍ଗରେ ଆଲୋଚନା ସମୟରେ ଶାସକ ଦଳର କମ୍‌ ସଦସ୍ୟ ଏବଂ ହାତଗଣତି ମନ୍ତ୍ରୀ ରହୁଛନ୍ତି। ଏହା ହିଁ ତାଙ୍କ ଆନ୍ତରିକତାକୁ ଦର୍ଶାଉଛି। ରାଜ୍ୟରେ ଧାନ ଅମଳ ତ ହେଉଛି, ହେଲେ ରଖିବାକୁ ସ୍ଥାନ ନାହିଁ। ଏଫ୍‌ସିଆଇ ଧାନ କିଣୁ ବୋଲି ନିର୍ଦ୍ଦେଶ ରହିଛି, ହେଲେ ରାଜ୍ୟ ସରକାରଙ୍କ ଚୁକ୍ତି ହେତୁ ଏହା ହୋଇପାରୁନାହିଁ। ଜିଲା ଯୋଗାଣ ଅଧିକାରୀଙ୍କୁ ପଚାରିଲେ ଠିକ୍‌ ଉତ୍ତର ମିଳୁନାହିଁ। ଚାଷୀ ଦେଉଥିବା ଧାନରୁ ୪ରୁ ୫ କି.ଗ୍ରା. କାଟି ଦିଆଯାଉଛି। ସବୁ ଧାନ କିଣାଯାଉନାହିଁ। ସମସ୍ୟା ସମ୍ପର୍କରେ ଯେପରି ଉତ୍ତର ଆଶା କରାଯାଉଛି ତାହା ବିଭାଗୀୟ ମନ୍ତ୍ରୀ ପ୍ରଦାନ କରୁ ନ ଥିବା ନରସିଂହ ଅଭିଯୋଗ କରିଥିଲେ। ଶାସକ ଦଳ ପକ୍ଷରୁ ବିଧାୟକ ଶାରଦା ନାୟକ, କିଶୋର ମହାନ୍ତି, ଧ୍ରୁବ ସାହୁ ଏବଂ ସୁବାସ ନାୟକ ପ୍ରମୁଖ ବକ୍ତବ୍ୟ ରଖିବା ସହ ଗଠନମୂଳକ ପରାମର୍ଶ ଦେଇଥିଲେ।


Enter your email to get our daily news in your inbox.

All Right Reserved By Dharitri.Com

ପ୍ରଦୀପଙ୍କୁ ମିଳିଲା ଜାମିନ୍‌

କଟକ ଅଫିସ,୨୪।୨: କ୍ରାଇମ୍‌ବ୍ରାଞ୍ଚ ପକ୍ଷରୁ ହୋଇଥିବା ମାମଲାରେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ମିଳିଛି ସର୍ତ୍ତମୂଳକ ଜାମିନ୍‌। ୫ ଲକ୍ଷ ଟଙ୍କା ଲେଖାଏ ୨ ଜଣ...

ରାଜ୍ୟରେ ଆଜି ୮,୩୯୯ ସଂକ୍ରମିତ ଚିହ୍ନଟ: ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର,୨।୬(ବ୍ୟୁରୋ): ରାଜ୍ୟରେ କରୋନା ମହାମାରୀ ପ୍ରତିଦିନ ରେକର୍ଡ ଭାଙ୍ଗୁ ଥିବାବେଳେ କିଛିଦିନ ହେବ ସଂକ୍ରମଣ ମାତ୍ରା କିଛିଟା କମିଛି। ବୁଧବାର ରାଜ୍ୟରେ ୭,୨୧୬ କରୋନା ଆକ୍ରାନ୍ତ...

ନେରେଡ଼ି ବ୍ୟାରେଜ: ନବୀନଙ୍କ ସହଯୋଗ ଲୋଡ଼ିଲେ ଜଗନ

ଭୁବନେଶ୍ୱର, ୧୯ା୪(ବ୍ୟୁରୋ): ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଓ୍ବାଇ.ଏସ୍‌. ଜଗନ୍‌ମୋହନ ରେଡ୍ଡୀ ଶନିବାର ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଓଡ଼ିଶାର ଗଜପତି ଏବଂ ଆନ୍ଧ୍ରପ୍ରଦେଶର ଶ୍ରୀକାକୁଲମ୍‌ ଜିଲା ମଧ୍ୟରେ...

କାଳିଆ ଯୋଜନା ଅର୍ଥ କାଟ୍‌କୁ ନବନିର୍ମାଣ କୃଷକ ସଂଗଠନର ବିରୋଧ: ଅକ୍ଷୟ କୁମାରଙ୍କୁ ଭେଟିଲେ ତଥାଗତ

ଭୁବନେଶ୍ୱର,୫।୧(ବ୍ୟୁରୋ): କାଳିଆ ଯୋଜନାରୁ ଅର୍ଥ କାଟକୁ ବିରୋଧ କରି ୨୦୧୯ ଡିସେମ୍ବର ୨୬ରୁ ନବନିର୍ମାଣ କୃଷକ ସଂଗଠନର ଆବାହକ ଅକ୍ଷୟ କୁମାର ସୁନ୍ଦରପଦାସ୍ଥିତ ବୀରବନ୍ଧ ରାଜ୍ୟ...

୬ ବର୍ଷ ହେଲା ମିଳିନି ଦରମା

ସିମୁଳିଆ, ୫।୪(ଡି.ଏନ.ଏ.)- ଲକ୍‌ଡାଉନରେ କେଇ ମାସ ମିଳୁ ନ ଥିଲା ଦରମା। ଲୋକଙ୍କ ସ୍ଥିତି କେଉଁ ଭଳି ଥିଲା ଦେଖିଛୁ। କିନ୍ତୁ ଆମେ ୬ ବର୍ଷ...

କ୍ଷତି ସହୁଛନ୍ତି ଶୀତଳଭଣ୍ଡାର ଉଦ୍ୟୋଗୀ

ଭୁବନେଶ୍ୱର,୧୬ା୪(ବ୍ୟୁରୋ): ରାଜ୍ୟରେ କିଛିବର୍ଷ ତଳେ ଆଳୁ ମିଶନ୍‌ ଆରମ୍ଭ କରାଯାଇଥିଲା। ଏହାକୁ ଦୃଷ୍ଟିରେ ରଖି ସେ ସମୟରେ ରାଜ୍ୟର ବିଭିନ୍ନ ପ୍ରାନ୍ତରେ ଶୀତଳଭଣ୍ଡାର ଖୋଲାଯିବାକୁ ଗୁରୁତ୍ୱ...

ବଢ଼ୁଛି ପିଲାଙ୍କ ଚିନ୍ତା: ଆଜି ରାଜ୍ୟରେ ୫୫ ଛୁଆ କରୋନା ସଂକ୍ରମିତ

ଭୁବନେଶ୍ୱର,୧୪।୯(ବ୍ୟୁରୋ): ରାଜ୍ୟରେ ମଙ୍ଗଳବାର ୪୨୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୫୫ ଜଣ ଛୁଆ ଅଛନ୍ତି। ଯେଉଁମାନଙ୍କ ବୟସ ୧୮ ବର୍ଷରୁ...

ସ୍ବାମୀଙ୍କ ଇକ୍‌ମୋ ଚିକିତ୍ସା ଲାଗି ସ୍ତ୍ରୀ କରିଥିଲେ ଗୁହାରୀ; ହେଲେ ଆଖି ବୁଜିଲେ ଦିବ୍ୟରଞ୍ଜନ

ଆଠଗଡ଼,୧୩।୭(ସ୍ବ.ପ୍ର.): ବିବାହର ମାତ୍ର ବର୍ଷେ ପରେ ଜୀବନ ଯୁଦ୍ଧରେ ହାରିଯାଇଛନ୍ତି କଟକର ଦିବ୍ୟରଞ୍ଜନ ବେହେରା। ସ୍ତ୍ରୀ ପ୍ରତିଭା ପ୍ରୀୟଦର୍ଶୀନୀ ଓ ୩ ମାସର ପୁଅକୁ ଏକା...

Advertisement
Archives

Model This Week