ସରକାରକଁର ଅଜବ୍‌ ନୀତି:ଖରା ଝାଉରେ ସିଝୁଛନ୍‌ ଅଙ୍ଗନଓ୍ବାଡିର ଛାତ୍ରୀଛାତ୍ର

ଜାମଟିକ୍ରା, ୨୨।୫ (ଡି.ଏନ.ଏ):  ମୁଡ଼ଫଟା ଖରା ତାତିର ଲାଗି ରାଏଜ୍‌ ସରକାର ସବୁ ସରକାରୀ ବେସରକାରୀ ସ୍କୁଲ, କଲେଜ ଛୁଟି ଘୋଷନା କରିଛନ୍‌। ହେଲେ ମହିଳା ଓ ସମନ୍ବିତ ଶିଶୁ ବିକାଶ ଯୋଜନାରେ ସହରନୁ ଗଁାଗଁଲି ତକ୍‌ ଚାଲୁଥିବାର ଅଙ୍ଗନଓ୍ବାଡି କେନ୍ଦ୍ରମାନ ମୁଡ଼ଫଟା ଖରାରେ ବି ଖୁଲା ରହିଛେ। ଘଟନାକେ ନେଇ ଅନେକ ଜାଗାରେ ଅଭିଭାବକ ମହଲରେ ଅସନ୍‌ତୋଷ ପରକାଶ ପାଉଛେ। କେନ୍ଦ୍ରମାନକୁ ଫିଦିନ ସଖାଲୁ ଛୁଆମାନେ ପାଠ୍‌ପଢ଼ି ଆସୁଛନ୍‌। ଇଆଡ଼େ ରାଏଜର ଭିନେ ଭିନେ ସହରର ତାପମାନ ଦିନୁଦିନକେ ବଢ଼ତେଲ ଯାଉଛେ। ବଡ଼ଭାରି ହିସାବେ ପଶ୍ଚିମ ଓଡ଼ିଶାର ଅନେକ୍‌ ସହର ୪୩ ଡିଗ୍ରୀ ଉପରେ ରହୁଛେ। ଏନ୍‌ତାଥି ଲୋକ୍‌ ସଖାଲର ୯ ବାଜଲେ ଘରୁ ଭଟାକେ ନାଇଁ ବାହାରବାର। ଦିନ୍‌ବେଲା ମୁଡ଼ଫଟା ଖରା ହେଲାବେଲେ ରାଏତବେଲି ଗରମ ଲାଗି ଲୋକ୍‌ ଅଥାଥାଲି ହେଇଯାଉଛନ୍‌।
ଖବର ନେବାରେ ଜନାଯାଇଛେ ଯେ, ବରଗଡ଼ ଜିଲା ଅତାବିରା ବ୍ଲକରେ ମୋଟ ୩୬୫ଟା ଅଙ୍ଗନଓ୍ବାଡି କେନ୍ଦ୍ର ରହିଛେ। ସବୁଠାନୁ ଅଜବ୍‌ କଥା ହେଲା କେହେନ୍‌ସି ଅଙ୍ଗନଓ୍ବାଡି କେନ୍ଦ୍ରରେ ବିଦ୍ୟୁତ ସଂଯୋଗ ନଁାଇଁନ। ବଡ଼ଭାଗି ଅଙ୍ଗନଓ୍ବାଡି କେନ୍ଦ୍ର ଭିନେ ଭିନେ ସ୍କୁଲ ପରିସରରେ ଚାଲିଛେ। ଅଙ୍ଗନଓ୍ବାଡି କେନ୍ଦ୍ରମାନକୁ ୩ରୁ ୬ ବଛରର ଛୁଆକୁ ପ୍ରି ସ୍କୁଲ ଶିକ୍ଷା ଦେବାର ବେବସ୍‌ତା ରହିଛେ। ଇଠାନେ ପଢ଼ି ସାଏଲା ଉତାରୁ ଛୁଆମାନେ ପ୍ରାଥମିକ ସ୍କୁଲରେ ନଁା ଲେଖାସନ। ହେଲେ ସବୁଠାନୁ ଆଶିରିଯ୍‌ର କଥା ୬ ବଛରରୁ ଉପରକେ ସ୍କୁଲରେ ପଢ଼ୁଥିବାର ଛୁଆମାନକର ଏହେଦେ ଖରାଛୁଟି ହେଇଛେ। ଇଆଡ଼େ ୩ରୁ ୬ ବଛର୍‌ର ଅତି ଛୋଟ ଛୋଟ ଛୁଆ ଯେନ୍‌ମାନେ ଅଙ୍ଗନଓ୍ବାଡିରେ ପଢ଼ୁଛନ୍‌ ଖରାଛୁଟିରୁ ବଁଚିତ୍‌ ହେଇ ମୁଡ଼ଫଟା ଖରା ଝାଉରେ ସଁଥ୍‌ଲି ହେଉଛନ୍‌। ଗୁଟେ ଅଙ୍ଗନଓ୍ବାଡି କେନ୍ଦ୍ର ଅଧୀନରେ ଅନେକ ପଡ଼ା ରହୁଥିଲାବେଲେ କେନ୍ଦ୍ରଠାନୁ ପଡ଼ାମାନକର ଦୂରିଆ ଅନେକ ଜାଗାରେ ପାଖାପାଖି ୧ କି.ମି. ରହିଛେ। ଉଦାହରନ୍‌ ହିସାବେ ବୁଗବୁଗା ପଁଚେତ୍‌ର ଜାମଟିକ୍ରା ଅଙ୍ଗନଓ୍ବାଡି କେନ୍ଦ୍ରକେ ନିଆଯାଇ ପାରବା। ଇ ଅଙ୍ଗନଓ୍ବାଡି ଅଧୀନରେ ଚମାରପଡ଼ା ରହିଛେ, କେନ୍ଦ୍ରଠାନୁ ଇତାର ଦୂରିଆଟା ପାଖାପାଖି ୧ କି.ମି. ହେବା। ଖାଲି ଇ ଗୁଟେ କେନ୍ଦ୍ର ନୁହେ, ବଡ଼ଭାଗି କେନ୍ଦ୍ରର ଅବସ୍‌ତା ଏନ୍‌ତା। ୧ କି.ମି.ରୁ ଅଧ୍‌କା ଦୂରିଆ ଥିବାର କେନ୍ଦ୍ରନୁ ୩ରୁ ୬ ବଛର୍‌ର ଛୁଆମାନେ ଦିନର ୧୦ ବଜେ ୪୦ ଡିଗ୍ରୀ ଖରାରେ କେନ୍‌ଥେଇ ଫିରବେ ବଲି ଅଭିଭାବକମାନେ ପ୍ରଶ୍ନ କରିଛନ୍‌। ଇ ବାବ୍‌ଦେ ଅତାବିରା ଶିଶୁ ବିକାଶ ପ୍ରକଳ୍ପ ଅଧ୍‌କାରୀ ଅନୁରାଧା ମହାନ୍ତିକୁଁ ପଚରାଲାରୁ ନିହାତି ଭାବେ ଖରା ତାତି ଛୁଆକୁ ବାଧୁଥିବା। ହେଲେ ଆମର ହାତେ କାଣା ଅଛେ, ଉପରୁ ଯେନ୍‌ଟା ନିରଦେଶ ଆଏବା ଆମେ ପାଲନ କରମୁ ବଲି ସେ କହିଥିଲେ। ଏନ୍‌ତା ମୁଡ଼ଫଟା ଖରାରେ ବିନା ବିଦ୍ୟୁତ ସଂଯୋଗରେ ଅଙ୍ଗନଓ୍ବାଡି କେନ୍ଦ୍ରମାନକୁ ପାଠପଢ଼ା ଚାଲିଛେ। ଯେନ୍‌ଥିରଲାଗି ଇ ଛୋଟ ଛୁଆକୁ ଝାଉ ମାରବାର ବହୁତ୍‌ ସମ୍‌ଭାବନା ରହିଛେ। ଇ ଦିଗେ ଜିଲା ପରଶାସନ, ରାଏଜ୍‌ ସରକାର ଧିଆନ୍‌ ଦେଇ ପଦକ୍ଷେପ ନେବାର ଦରକାର ବଲି ବୁଧିଜୀବୀ ଆର ଅଭିଭାବକ ମହଲରେ ଦାବି ହେଉଛେ।


Enter your email to get our daily news in your inbox.

All Right Reserved By Dharitri.Com

ଟିକେଟ୍‌ ମିଳିବା ପରେ ମହାପ୍ରଭୁଙ୍କ ଦର୍ଶନ କଲେ ବବି ଦାସ

ପୁରୀ,୨୮।୩: ବିଜୁ ଜନତା ଦଳ ପକ୍ଷରୁ ସମ୍ବଲପୁର ଲୋକ ସଭା ନିର୍ବାଚନ ମଣ୍ଡଳୀ ପ୍ରାର୍ଥୀ ଭାବେ ପ୍ରଣବ ପ୍ରକାଶ ଦାସ(ବବି)ଙ୍କ ନାମ ଘୋଷଣା କରାଯାଇଛି। ବବିଙ୍କୁ...

ସମ୍ବଲପୁରରେ ବିଗ୍‌ ଫାଇଟ୍‌

ସମ୍ବଲପୁର,୨୮ା୩ (ଭବାନୀ ଶଙ୍କର ଭୋଇ)ବିଜୁ ଜନତା ଦଳ ପକ୍ଷରୁ ସମ୍ବଲପୁର ଲୋକ ସଭା ନିର୍ବାଚନ ମଣ୍ଡଳୀ ପ୍ରାର୍ଥୀ ଭାବେ ପ୍ରଣବ ପ୍ରକାଶ ଦାସ(ବବି)ଙ୍କ ନାମ ଘୋଷଣା...

ରଙ୍ଗଖେଳରୁ ଯୁବକଙ୍କୁ ହତ୍ୟା: ୨ ବିଜେଡି ନେତା ଗିରଫ

କୁଚିଣ୍ଡା,୨୮ା୩(ବିରଞ୍ଚତ୍ ଦର୍କା)ସମ୍ବଲପୁର ଜିଲା ଗୋବିନ୍ଦପୁର ଥାନା ଉଚ୍ଚକାପାଟ ପଞ୍ଚାୟତ କେଛୁପାଣି(ହରିଜନପଡ଼ା)ଠାରେ ମଙ୍ଗଳବାର ହୋଲି ଅବସରରେ ରଙ୍ଗଖେଳରୁ ଜଣେ ଯୁବକଙ୍କୁ ହତ୍ୟା କରାଯାଇଛି। ସେ ହେଲେ କେଛୁପାଣିର...

ସମ୍ବଲପୁରରେ ବୋମା ମାଡ଼ ପରେ ଉତ୍ତେଜନା

ସମ୍ବଲପୁର,୨୬।୩: ପୁଣି ଅସାନ୍ତ ହୋଇପଡିଛି ସମ୍ବଲପୁର। ମଙ୍ଗଳବାର ସନ୍ଧ୍ୟାରେ ପୀରବାବା ଛକ ନିକଟସ୍ଥ ରାସ୍ତା ପାର୍ଶ୍ୱରେ ଏକ ବୁଲେଟ(ବାଇକ୍‌) ଛିଡ଼ା ହୋଇଥିଲା। ସେତିକିବେଳେ କେତେକ ଦୁର୍ବୃତ୍ତ...

ହୋଲି ପାଇଁ ସମ୍ବଲପୁର ଆସୁଥିଲା ବହୁ ପରିମାଣର କଫ ସିରପ: ଜବତ କଲା ପୋଲିସ

ସମ୍ବଲପୁର,୨୫।୩(ପ୍ରମୋଦ ବହିଦାର): ସମ୍ବଲପୁର ପୋଲିସ ଏକ ବଡ଼ ଧରଣର କଫ ସିରପ ର଼୍ୟାକେଟର ପର୍ଦ୍ଦାଫାଶ କରିବାରେ ସକ୍ଷମ ହୋଇଛି। ସଦର ଥାନା ପୋଲିସ ନିଲଡୁଙ୍ଗରିରୁ ୪୫ଟି...

ହୀରାକୁଦରେ ତୁରନ୍ତ କେନ୍ଦ୍ରୀୟ ମେଡିକାଲ ଟିମ୍‌ ନିୟୋଜିତ କରାଯାଉ: କେନ୍ଦ୍ର ସ୍ବାସ୍ଥ୍ୟମନ୍ତ୍ରୀଙ୍କୁ ଚିଠି ଲେଖି ଅନୁରୋଧ କଲେ ଧର୍ମେନ୍ଦ୍ର

ସମ୍ବଲପୁର,୨୪।୩ (ଭବାନୀ ଶଙ୍କର ଭୋଇ): ସମ୍ବଲପୁର ଜିଲାର ହୀରାକୁଦ ସମେତ ପାର୍ଶ୍ୱବର୍ତ୍ତୀ ଅଞ୍ଚଳରେ ଝାଡ଼ାବାନ୍ତି ସଂକ୍ରମଣକୁ ରୋକିବା ପାଇଁ ପ୍ରଭାବିତ ଅଞ୍ଚଳରେ ତୁରନ୍ତ କେନ୍ଦ୍ରୀୟ ମେଡିକାଲ...

ସମ୍ବଲପୁରରେ ମୁହାଁମୁହିଁ ହୋଇପାରନ୍ତି ଦୁଇ ହେବିୱେଟ୍ ନେତା, ଖୁବଶୀଘ୍ର ହୋଇପାରେ ଘୋଷଣା

ଭୁବନେଶ୍ୱର,୨୪।୩: ବିଜୁ ଜନତା ଦଳ(ବିଜେଡି) ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ(ବବି) ସମ୍ବଲପୁରରୁ ବିଜେଡି ଲୋକସଭା ପ୍ରାର୍ଥୀ ହେବାର ଅଧିକ ସମ୍ଭାବନା ରହିଛି। ଏହାରି ମଧ୍ୟରେ...

କୁଚିଣ୍ଡାରେ ଗୁରୁ-ଶିଷ୍ୟ ଲଢ଼େଇ

ସମ୍ବଲପୁର,୨୪।୩ (ଭବାନୀ ଶଙ୍କର ଭୋଇ): ବିଜେଡି-ଭାଜପା ମେଣ୍ଟ ଚର୍ଚ୍ଚା ହୋଇଆସୁଥିବାରୁ କାହାର ଟିକେଟ କଟିବ ଓ କେଉଁଠି କାହାକୁ ଟିକେଟ ମିଳିବ, ସେ ନେଇ ଆଶାୟୀମାନେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri