ସଞ୍ଚୟ ଦିଦିଙ୍କ ଠିକଣା ମହାନଦୀ ପଠା

ଅନୁଗୋଳ ସହର,୨୧।୧ ହାତ ଗଣତି କେତେଜଣଙ୍କୁ ବାଦ୍‌ ଦେଲେ ବାକି ପ୍ରାୟତଃ ମୂଲିଆ ଶ୍ରେଣୀର ଲୋକ। କେଉଁଠି କିଛି ମୂଲ ଲାଗିଲେ ସେମାନଙ୍କ ହାତକୁ ଆସେ ଦୁଇପଇସା। ସେଥିରୁ ପରିବାରର ପେଟ ପାଇଁ ରଖି ଅଳ୍ପ ସଞ୍ଚୟ କରିବାକୁ ଇଚ୍ଛା ଥିଲେ ବି ଜଙ୍ଗଲାଞ୍ଚଳ ହୋଇଥିବାରୁ ବ୍ୟାଙ୍କ ନିକଟରେ ପହଞ୍ଚିବା ହୋଇପଡ଼ୁଛି କାଠିକର ପାଠ। ଶହେ ଟଙ୍କା ରଖିବାକୁ ଗଲେ ପଚାଶ ଟଙ୍କା ଖର୍ଚ୍ଚ ହେବ ସେମାନଙ୍କର। ଏପରି ଏକ ଅଞ୍ଚଳର ଶ୍ରମଜୀବୀ ମଣିଷମାନଙ୍କ ସଞ୍ଚୟର ଭରସା ପାଲଟିଛନ୍ତି ଅନୁଗୋଳ ଜିଲା ପୁରୁଣାକୋଟ ଥାନା ଟିକରପଡ଼ା ପଞ୍ଚାୟତର ସୁଭାଶିନୀ ସାହୁ। ୨୦ କିମି ଦୂର ଜଗନ୍ନାଥପୁର ଓଡ଼ିଶା ଗ୍ରାମ୍ୟ ବ୍ୟାଙ୍କର ସହାୟକ ଭାବେ କାର୍ଯ୍ୟ କରୁଥିବା ସୁଭାସିନୀ ପଞ୍ଚାୟତର ବିଭିନ୍ନ ଗଁାରେ ବୁଲି ଯୋଗାଉଛନ୍ତି ବ୍ୟାଙ୍କ ସେବା। ହେଲେ ଏଥିପାଇଁ କମ୍‌ କଷ୍ଟ କରିବାକୁ ପଡ଼ୁନି ତାଙ୍କୁ। ପଞ୍ଚାୟତରେ ଇଣ୍ଟରନେଟ୍‌ ସେବା ଉପଲବ୍ଧ ହେଉ ନ ଥିବାରୁ ଫଏଣ୍ଟ ଅଫ୍‌ ସେଲ୍‌ (ପିଓଏସ୍‌) ମେଶିନ ଧରି ଦୈନିକ ୮ କିମି ଦୂର ଘାଟସାହି ମୁହଁାଣ ମହାନଦୀ ପଠାରେ ଜଗି ବସିବାକୁ ପଡ଼ୁଛି ତାଙ୍କୁ। ସ୍ବଳ୍ପ ସମୟ ପାଇଁ ସେଠାରେ ନେଟ୍‌ ସଂଯୋଗ ମିଳୁଥିବାରୁ ସେହି ସମୟରେ ହିଁ ସେ କରିପାରୁଛନ୍ତି ଜମା ଆଉ ଉଠାଣ।
ସାତକୋଶିଆ ଅଭୟାରଣ୍ୟ ମଧ୍ୟରେ ଥିବା ଟିକରପଡ଼ା ପଞ୍ଚାୟତରେ ଟିକରପଡ଼ା, କୁଶଖଳି, କରଡ଼ାପଡ଼ା, କଟରଙ୍ଗ, ଗଇନ୍ଦି, ବେହେରାସାହି, ମଝିପଡ଼ା ଆଦି ଗ୍ରାମ ରହିଛି। ବ୍ଲକ ସଦର ମହକୁମାରୁ ଏହି ପଞ୍ଚାୟତର ଦୂରତା ୬୦ କିଲୋମିଟର। ୧୦ କିମି ଦୂରରେ ପୁରୁଣାକୋଟ ଥାନା ଥିଲେ ବି ସେଠାରେ କୌଣସି ବ୍ୟାଙ୍କ ନାହିଁ। ୨୦ କିମି ଦୂର ଜଗନ୍ନାଥପୁରରେ ଯେଉଁ ଗ୍ରାମ୍ୟ ବ୍ୟାଙ୍କ ରହିଛି ସେଠାରେ ପହଞ୍ଚିବାକୁ ଏହି ଶ୍ରମିକ ଶ୍ରେଣୀର ଲୋକଙ୍କୁ ୫୦ ଟଙ୍କା ଖର୍ଚ୍ଚ କରିବାକୁ ପଡ଼ୁଛି। ତେଣୁ ମିଳୁଥିବା ମୂଲ ମଜୁରିରୁ କିଛି ବଳାଇ ଭବିଷ୍ୟତ ପାଇଁ ସଞ୍ଚୟ କରିବାର ଇଚ୍ଛା ଥିଲେ ମଧ୍ୟ ଖର୍ଚ୍ଚାନ୍ତ ସହ ସମୟ ବାହାର କରି ଏତେବାଟ ଆସିବା ସେମାନଙ୍କ ପକ୍ଷେ ସମ୍ଭବ ହେଉନାହିଁ। ତେଣୁ ଗତ ୪ ବର୍ଷ ହେଲା ଉପରୋକ୍ତ ଗଁାର ଲୋକମାନଙ୍କୁ ବ୍ୟାଙ୍କ ସେବା ଯୋଗାଇ ଦେଉଛନ୍ତି ଗଇନ୍ଦି ଗ୍ରାମର ସୁଭାଶିନୀ ସାହୁ। ଜଗନ୍ନାଥପୁର ଗ୍ରାମ୍ୟ ବ୍ୟାଙ୍କର ଏକ ପିଓଏସ୍‌ ମେଶିନ ରଖିଥିବା ସହାୟକ ସୁଭାସିନୀ ସେଥିରେ ଟଙ୍କା ଜମା କରିବା ସହ ଉଠାଣର ସୁବିଧା ପଞ୍ଚାୟତବାସୀଙ୍କୁ ଯୋଗାଇ ଦେଉଛନ୍ତି। ନିଜ ଗଁାଠାରୁ ୮ କିମି ଦୂର ପଞ୍ଚାୟତର ମାତ୍ର ଗୋଟିଏ ସ୍ଥାନ ଟିକରପଡ଼ା ମହାନଦୀ ଗଣ୍ଡ ଘାଟସାହି ମୁହାଣରେ ଦୈନିକ କିଛି ସମୟ ପାଇଁ ଇଣ୍ଟରନେଟ୍‌ ଆସୁଥିବାରୁ ସେହି ସମୟକୁ ଅପେକ୍ଷା କରି ସୁଭାସିନୀ ସେଠାରେ ବସି ରହୁଛନ୍ତି। ପ୍ରତିଦିନ ସେ ୧ ହଜାରରୁ ୫ ହଜାର ପର୍ଯ୍ୟନ୍ତ ଟଙ୍କା ଜମା କରୁଛନ୍ତି। ଥରକୁ ୧୦ ହଜାର ଟଙ୍କା ଉଠାଣ ସୁବିଧା ସେ ମେଶିନ ମାଧ୍ୟମରେ ଦେଇପାରୁଛନ୍ତି। ତାଙ୍କ ପାଇଁ ପଞ୍ଚାୟତର ୧୫୦ ଗରିବ ହିତାଧିକାରୀ ଉକ୍ତ ବ୍ୟାଙ୍କର ଗ୍ରାହକ ହୋଇପାରିଛନ୍ତି। ଟିକରପଡ଼ା ଗ୍ରାମର ମାଧବ ନାଏକ କୁହନ୍ତି, ସୁଭାଶିନୀଙ୍କ ଯୋଗୁ ଆମେ କିଛି ଟଙ୍କା ସଞ୍ଚୟ କରିପାରୁଛୁ। ଯଦି ଶହେ ଟଙ୍କା ଜମା କରିବାକୁ ଜଗନ୍ନାଥପୁର ଯିବୁ ତାହେଲେ ୫୦ ଟଙ୍କା ଖର୍ଚ୍ଚ ହେଉଛି। ଆଜି ନଦୀପଠାରେ ବସି ସୁଭାଶିନୀ ମୋର ୧ ଶହ ଟଙ୍କା ଜମା କରିଛନ୍ତି। ଗଇନ୍ଦି ଗ୍ରାମର ସଞ୍ଜୁକ୍ତା ସାହୁ କୁହନ୍ତି, ସ୍ବାମୀଙ୍କୁ ଲୁଚାଇ ଏକ ଖାତା ଖୋଲିଛି। ପଞ୍ଚାୟତରେ ଆଉ ସୁବିଧା ନ ଥିବାରୁ ଟଙ୍କା ଜମା କରିବାକୁ ସୁଭାଶିନୀଙ୍କ ସହ ନଦୀପଠାକୁ ଯିବାକୁ ପଡ଼ୁଛି। ତାଙ୍କ ପାଇଁ ବ୍ୟାଙ୍କରେ କିଛି ଟଙ୍କା ଜମା କରିପାରିଛି। ଏ ନେଇ ସୁଭାଶିନୀ କହିଛନ୍ତି, ୪ ବର୍ଷ ହେଲା ଲୋକଙ୍କୁ ଏପରି ସେବା ଯୋଗାଇ ଆସୁଛି। ଅଳ୍ପ ସମୟ ପାଇଁ ହେଉପଛେ ନଦୀ ପଠାରେ ବସି ଲୋକେ ବ୍ୟାଙ୍କ ସେବା ପାଉଥିବାରୁ ଖୁସି ହୋଇଯାଉଛନ୍ତି। ପ୍ରତିଦିନ କିଏ କେତେ ଟଙ୍କା ଜମା କରିବାକୁ ଚାହଁୁଛନ୍ତି ସେ ନେଇ ଖବର ଦେଲେ ପାଳି କରି ଗଁାକୁ ଯାଇଥାଏ। ଥରକୁ ୧୦ ହଜାର ଟଙ୍କା ଜଣେ ବ୍ୟକ୍ତି ଉଠାଇ ପାରିବେ। କିନ୍ତୁ ଏଥିପାଇଁ ପୂର୍ବରୁ ଖବର ଦେଲେ ସେହି ଅନୁଯାୟୀ ବ୍ୟାଙ୍କକୁ ଯାଇ ଟଙ୍କା ଆଣିଥାଏ। ତେବେ ନେଟ୍‌ ଉପରେ ସବୁକିଛି ନିର୍ଭର। ଯେଉଁ ଦିନ ନେଟ୍‌ ରହୁନାହିଁ ସେ ଦିନ ଜମା ହୋଇପାରୁନାହିଁ। ୮ ଦିନ ହେଲା ଇଣ୍ଟରନେଟ୍‌ ସ୍ଲୋ ରହୁଥିବାରୁ ଉଠାଣ କରିହେଉ ନାହିଁ। ମାସକୁ ୫୦ରୁ ଅଧିକ ଲୋକଙ୍କ ଏକ ଲକ୍ଷ ଟଙ୍କା ଜମା କଲେ ବ୍ୟାଙ୍କ ପକ୍ଷରୁ ୨୫ଶହ ଟଙ୍କା ମିଳୁଛି। ସେଥିରୁ ଇଣ୍ଟରନେଟ୍‌ ବାବଦକୁ ୨୫୦ ଟଙ୍କା ଓ ବ୍ୟାଙ୍କ ଖର୍ଚ୍ଚ ପାଇଁ ୨୫୦ ଟଙ୍କା ରଖୁଛି। ସପ୍ତାହକୁ ୩ଥର ବ୍ୟାଙ୍କକୁ ଯିବାକୁ ପଡ଼ୁଛି। ଘର ଘର ବୁଲି ଟଙ୍କା ସଂଗ୍ରହ କରି ନଦୀପଠାରେ ବସି ଜମା କରୁଛି। ୫୦ରୁ ଊର୍ଦ୍ଧ୍ୱ ମହିଳା ସଂଘ, ପ୍ରସୂତି, ଗଁାର ଗରିବ ଲୋକେ କିଛି ଟଙ୍କା ଜମା କରିପାରିଥିବାରୁ ଖୁସି ଲାଗୁଛି। ୪ ବର୍ଷ ମଧ୍ୟରେ ପ୍ରାୟ ୫୦ ଲକ୍ଷ ଟଙ୍କା କାରବାର କରିସାରିଥିବା ସୁଭାଶିନୀ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଏକାଠି ଖାଇବେ ନବୀନ-ଶାହା: ପଞ୍ଚ ତାରକା ହୋଟେଲରୁ ଆସିଲା ପ୍ରାୟ ୫୦ ପ୍ରକାର ବ୍ୟଞ୍ଜନ

ଭୁବନେଶ୍ୱର,୨୮।୨(ବ୍ୟୁରୋ): ପୂର୍ବାଞ୍ଚଳ ଜୋନ ପରିଷଦ ବୈଠକରେ ଯୋଗଦେଇଥିବା ଅତିଥିମାନେ ନବୀନ ନିବାସରେ ମଧ୍ୟାହ୍ନଭୋଜନ କରିବେ। କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ସମେତ ବିହାର ମୁଖ୍ୟମନ୍ତ୍ରୀ...

ପୁଣି ୪ ପୋଲିସ କରୋନା ପଜିଟିଭ

ଛତ୍ରପୁର,୨୮।୬(ଡି.ଏନ୍‌.ଏ.): ଗଞ୍ଜାମ ଜିଲା ପୋଲିସ ଅଧୀନରେ କାର୍ଯ୍ୟ କରୁଥିବା ୪ ଜଣ ପୋଲିସ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେମାନେ ପଜିଟିଭ ଚିହ୍ନଟ ହୋଇଥିବା...

ଚାଲିଛି ସାନି ମତଦାନ

ଭୁବନେଶ୍ୱର,୨୩।୨(ବ୍ୟୁରୋ): ରାଜ୍ୟରେ ବିଭିନ୍ନ ବୁଥରେ ବୁଧବାର ସାନି ମତଦାନ ହେଉଛି । ବିଭିନ୍ନ ସ୍ଥାନରେ ଗଣ୍ଡଗୋଳ ଯୋଗୁ ପ୍ରଥମ ଓ ଦ୍ୱିତୀୟ ପର୍ଯ୍ୟାୟରେ ସ୍ଥଗିତ ଥିବା...

ରାଜଧାନୀରେ ଆଉ ୧୩୩ କରୋନା ପଜିଟିଭ: ଜାଣନ୍ତୁ କେଉଁଠି କେତେ…

ଭୁବନେଶ୍ୱର,୧୦।୮(ବ୍ୟୁରୋ)-ରାଜଧାନୀ ଭୁବନେଶ୍ୱରରୁ ସୋମବାର ଆଉ ୧୩୩ କରୋନା ପଜିଟିଭ ଚିହ୍ନଟ ହୋଇଛନ୍ତି। ୧୩୩ମଧ୍ୟରୁ ୯୬ ଜଣ କ୍ୱାରାଣ୍ଟାଇନରୁ ଚିହ୍ନଟ ହୋଇଥିବାବେଳେ ୩୭ ଲୋକାଲ କଣ୍ଟାକ୍ଟ କେସ...

ରାଜ୍ୟ ସରକାରଙ୍କୁ ପ୍ରଧାନମନ୍ତ୍ରୀଙ୍କ ପ୍ରଶଂସା: କହିଲେ ‘ଓଡ଼ିଶା ବାତ୍ୟାକୁ ସାହସିକତାର ସହ ମୁକାବିଲା କରିଛି’

ଭୁବନେଶ୍ୱର,୨୧।୫(ବ୍ୟୁରୋ): ବାତ୍ୟା ଅମ୍ଫନ ମୁକାବିଲା ନେଇ ରାଜ୍ୟସରକାରଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଶଂସା କରିଛନ୍ତି। ଗୁରୁବାର ଟୁଇଟ୍‌ ଯୋଗେ ପ୍ରଧାନମନ୍ତ୍ରୀ କହିଛନ୍ତି, ଓଡ଼ିଶା ସାହସିକତାର ସହ...

ଘୁମୁରା, ସାନ୍ତାଳୀ ନୃତ୍ୟରେ ଝୁମିଲେ ଦର୍ଶକ

ପାଲଲହଡ଼ା, ୧୨ା୩(ଡି.ଏନ.ଏ.) ପାଲଲହଡ଼ାରେ ଚାଲିଥିବା ମାଲ୍ୟଗିରି ମହୋତ୍ସବ-୨୦୨୦ ଉଦ୍‌ଯାପିତ ହୋଇଯାଇଛି। ଉଦ୍‌ଯାପନୀ ସାରେ ବିଭିନ୍ନ ସାଂସ୍କୃତିକ ଦଳର ଲୋକଗୀତ, ଲୋକନୃତ୍ୟରେ ବେଶ୍‌ ଜମିଥିଲା ସାଂସ୍କୃତିକ ଆସର I...

ମୈଥାନ ଇସ୍ପାତ କାରଖାନାରେ ଶ୍ରମିକ ଅଶାନ୍ତି: ବକେୟା ଦରମା ଦାବିରେ ରାସ୍ତା ଅବରୋଧ

କଳିଙ୍ଗନଗର,୧୭।୧୦(ଡି.ଏନ୍‌.ଏ.): କଳିଙ୍ଗନଗରସ୍ଥିତ ମୈଇଥାନ ମେସ୍କୋ କାରଖାନାର ଶ୍ରମିକମାନେ ବକେୟା ଦରମା ଦାବିରେ ବୁଧବାର ଆନ୍ଦୋଳନକୁ ଓହ୍ଲାଇଛନ୍ତି। କାରଖାନା ପକ୍ଷରୁ ଶ୍ରମିକଙ୍କୁ ୯ ମାସର ବକେୟା ପାଉଣା...

ନାଲ୍‌କୋକୁ ଉତ୍କଳ-ଇ କୋଇଲା ବ୍ଲକ ଲିଜ୍‌

ଭୁବନେଶ୍ୱର,୧୭।୪: ନ୍ୟାଶନାଲ ଆଲୁମିନିୟମ କମ୍ପାନୀ ଲିମିଟେଡ୍‌ (ନାଲ୍‌କୋ)କୁ ଓଡ଼ିଶା ସରକାର ଉତ୍କଳ-ଇ କୋଇଲା ଖଣି ପାଇଁ ଲିଜ୍‌ ମଞ୍ଜୁର କରିଛନ୍ତି। ଏ ସଂକ୍ରାନ୍ତରେ ଇସ୍ପାତ ଏବଂ...

Advertisement
Archives

Model This Week