ଭୁବନେଶ୍ୱର, ୭ା୩(ବ୍ୟୁରୋ): ଶହୀଦନଗର ଅଞ୍ଚଳରେ ଶୁକ୍ରବାର ପୂର୍ବାହ୍ନରେ ଏକ ଅଟୋ ହଠାତ ଜଳିଯାଇଛି। ଅଗ୍ନିକାଣ୍ଡର ପ୍ରକୃତ କାରଣ ଜଣାପଡ଼ି ନ ଥିଲେ ମଧ୍ୟ ଶର୍ଟସର୍କିଟ ଯୋଗୁ ଇଞ୍ଜିନରେ ନିଅଁ। ଲାଗିଥିବା ଅନୁମାନ କରାଯାଉଛି। ତେବେ ଅଟୋରେ ଥିବା ୩ଜଣ ଯାତ୍ରୀ ସୁରକ୍ଷିତ ଭାବେ ଓହ୍ଲାଇ ପଡ଼ିଥିଲେ। ସୂଚନା ଅନୁଯାୟୀ, ବାରଙ୍ଗ ଥାନା ଅନ୍ତର୍ଗତ ଦାଢାପାଟଣା ଅଞ୍ଚଳର ମହେଶ୍ୱର ମହାରଣା ଅଟୋ ଚଳାଇ ଗୁଜୁରାଣ ମେଣ୍ଟାନ୍ତି। ଶୁକ୍ରବାର ପୂର୍ବାହ୍ନ ପ୍ରାୟ ସାଢେ ୧୧ଟାରେ ସେ ଅଟୋ (ନଂ. ଓଡି ୩୩ ଏମ୍-୬୫୮୫)ରେ ୩ଜଣ ଯାତ୍ରୀଙ୍କୁ ନେଇ ଶହୀଦନଗର ଅଞ୍ଚଳର ଏକ ଘରୋଇ ହସ୍ପିଟାଲକୁ ଯାଉଥିଲେ। ଶହୀଦନଗର ଫାଣ୍ଡି ନିକଟରେ ଅଟୋ ପଛପଟୁ ହଠାତ ଧୂଅଁ। ବାହାରି ଥିଲା। ବସିଥିବା ଯାତ୍ରୀଙ୍କ ସମେତ ଡ୍ରାଇଭର ମହେଶ୍ୱର ଅଟୋରୁ ଓହ୍ଲାଇ ବାହାରକୁ ଦୌଡ଼ିଥିଲେ। ଚାହୁଁ ଚାହୁଁ ଅଟୋଟି ଜଳିଯାଇଥିଲା। ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେବା ସହ ବାଲ୍ଟିରେ ପାଣି ପକାଇ ନିଅଁ।କୁ ଆୟତ୍ତ କରିବାକୁ ଉଦ୍ୟମ କରିଥିଲେ। ଏହି ସମୟରେ ସ୍ଥାନୀୟ କେତେଜଣ ଦୋକାନୀ ନିଜ ଦୋକାନରେ ରଖିଥିବା ଅଗ୍ନିନିର୍ବାପକ ଯନ୍ତ୍ର ସାହାଯ୍ୟରେ ନିଅଁ।କୁ ଆୟତ୍ତ କରିଥିଲେ।
