ଶଯ୍ୟା ଅଭାବ, ଚଟାଣରେ ରୋଗୀ

କଟକ ଅଫିସ, ୩୧।୮ – କଟକ ଶ୍ରୀରାମ ଚନ୍ଦ୍ର ଭଞ୍ଜ ମେଡିକାଲ କଲେଜ ଏବଂ ହସ୍ପିଟାଲ (ଏସ୍‌ସିବି)ରେ ଦିନକୁ ଦିନ ସମସ୍ୟା ବଢିବାରେ ଲାଗିଛି। ଏହି ହସ୍ପିଟାଲ ଉପରେ କଟକ ସହର ସମେତ ରାଜ୍ୟର ବହୁ ରୋଗୀ ନିର୍ଭର କରିଥାନ୍ତି। ହେଲେ ଦିନକୁ ଦିନ ରୋଗୀ ସଂଖ୍ୟା ବଢୁଥିଲେ ମଧ୍ୟ ହସ୍ପିଟାଲରେ ରୋଗୀଙ୍କ ସୁବିଧା ପାଇଁ କୌଣସି ବ୍ୟବସ୍ଥା ସେହି ଅନୁପାତରେ ବଢୁନାହିଁ। ଫଳରେ ବାହାରୁ ଆସୁଥିବା ଦୁରାରୋଗ୍ୟ ରୋଗରେ ପୀଡ଼ିତ ଥିବା ରୋଗୀ ମଧ୍ୟ ଏଠାରେ ବିଭିନ୍ନ ସମସ୍ୟାରେ କାଳ କାଟୁଛନ୍ତି। ହସ୍ପିଟାଲରେ ପ୍ରତିଦିନ ଜରୁରୀ ବିଭାଗରେ ୮ହଜାର ରୋଗୀ ଚିକିତ୍ସା ପାଇଁ ଆସୁଥିବା ବେଳେ ପ୍ରାୟ ୪ହଜାର ରୋଗୀ ଚିକିତ୍ସିତ ପାଇଁ ମେଡିକାଲରେ ଆଡମିଟ ହୁଅନ୍ତି। କିନ୍ତୁ ଏହି ବୃଦ୍ଧି ପାଉଥିବା ରୋଗୀଙ୍କ ନିମନ୍ତେ ହସ୍ପିଟାଲରେ ବେଡ୍‌ ଉପଲବ୍ଧ ନାହିଁ। ଫଳରେ ରୋଗୀ ବାହାରେ ଏବଂ ଯାତାୟାତ କରୁଥିବା ରାସ୍ତାରେ ଚିକିତ୍ସିତ ହୋଇ ଶୋଇଥିବା ଦେଖିବାକୁ ମିଳୁଛି। ଶଯ୍ୟା ନ ମିଳିବାରୁ ପ୍ରତିଦିନ ହଜାର ହଜାର ରୋଗୀ ଚିକିତ୍ସା ନିମନ୍ତେ ଅଧିକ ଅର୍ଥ ଖର୍ଚ୍ଚ କରି ଘରୋଇ ମେଡିକାଲରେ ଚିକିତ୍ସିତ ହେବା ନିମନ୍ତେ ଆଡମିଟ ହେଉଛନ୍ତି। ମେଡିକାଲ ପରିସରରେ ଗୃହ ନିର୍ମାଣ ହୋଇଛି। କିନ୍ତୁ ଏହି ବିଲ୍‌ଡିଂରେ ବେଡ୍‌ ସଂଖ୍ୟା କମ୍‌ ଥିବାରୁ ରୋଗୀ ତଳେ ଶୋଇ ଚିକିତ୍ସିତ ହେଉଛନ୍ତି। ଏସ୍‌ସିବିରେ ଥିବା ଚର୍ମ ରୋଗ, ସ୍ତ୍ରୀ ପ୍ରସୂତି ବିଭାଗ, ସର୍ଜରୀ ଆଦି ବିଭାଗରେ ଏଭଳି ସମସ୍ୟା ଲାଗି ରହିଛି । ଏଥିସହ ଜରୁରିକାଳୀନ ଚିକିତ୍ସା ନିମନ୍ତେ ଆସୁଥିବା ରୋଗୀ ମଧ୍ୟ ଏଥିରୁ ବାଦ ପଡ଼ିନାହାନ୍ତି। ତଳେ ପଡିରହିଥିବାରୁ ରୋଗୀ ଜଣକ ସଂକ୍ରମଣ ରୋଗରେ ପୀଡିତ ହେବାର ସମ୍ଭାବନା ରହିଛି। ରୋଗୀ ଭଲ ହେବା ବଦଳରେ ସଂକ୍ରମିତ ରୋଗରେ ପୀଡିତ ହୋଇ ଘରକୁ ଯାଇଥାଏ। ଏ ନେଇ ମାନବିକ ଅଧିକାର କର୍ମୀ ଅଖଣ୍ଡ କହିଛନ୍ତି, ଜଣେ ରୋଗୀ ମେଡିକାଲ ଆସିଲେ ତାଙ୍କୁ ଠିକ୍‌ ବ୍ୟବହାର ସହ ଟ୍ରିଟମେଣ୍ଟ ହେବା ନିୟମ ରହିଛି । କିନ୍ତୁ ଏସସିବିରେ ଏହି ସୁବିଧା ମିଳୁନାହିଁ। ରୋଗୀ ତଳେ ଟ୍ରିଟମେଣ୍ଟ ହେଉଥିବା ବେଳେ ବହୁ ରୋଗୀ, ସାଧାରଣ ଲୋକେ ଯିବାଆସିବା ସମୟରେ ବିଭିନ୍ନ ସଂକ୍ରମଣ ରୋଗରେ ଆକ୍ରାନ୍ତ ହେଉଛନ୍ତି। ଯେଉଁ ଅନୁପାତରେ ରୋଗୀ ସଂଖ୍ୟା ବଢୁଛନ୍ତି ସେହି ହାରରେ ଶଯ୍ୟା ବ୍ୟବସ୍ଥା କରିବା କଥା। କିନ୍ତୁ ତାହା ନ କରି ବିଭିନ୍ନ ଆଳ ଦେଖାଇ ମେଡିକାଲ କର୍ତ୍ତୃପକ୍ଷ ଖସିଯିବାକୁ ବସିଛନ୍ତି। ଏଥିସହିତ ନୂତନ ଶଯ୍ୟା ବଢାଇବାର ମନବୃତ୍ତି ନ ଥିବାରୁ ଏଭଳି ଅବସ୍ଥା ଦେଖିବାକୁ ମିଳୁଛି। ଏ ନେଇ ମେଡିକାଲ ସୁପରିଟେଣ୍ଡେଣ୍ଟ ପ୍ରଫେସର ଡା. ସି.ବି.କେ ମହାନ୍ତି କୁହନ୍ତିି, ଦିନକୁଦିନ ରୋଗୀ ସଂଖ୍ୟା ବଢିବାରେ ଲାଗିଛି। ସମସ୍ତ ରୋଗୀଙ୍କୁ ଟ୍ରିଟମେଣ୍ଟ କରାଯାଉଛି। ଯେତେବେଳେ ଯେଉଁ ପରିସ୍ଥିତିରେ ରୋଗୀ ଆସିଲେ ଆମେ ବେଡ ନାହିଁ ବୋଲି ଛାଡିପାରିବୁ ନାହିଁ। ସେଥିନିମନ୍ତେ ସମସ୍ତ ରୋଗୀଙ୍କୁ ଚିକିତ୍ସା କରାଯାଉଛି। ଅନ୍ୟପଟେ ସୁପ୍ରିମକୋର୍ଟ ଗାଇଡଲାଇନ ରିହିଛି କେଉଁ ପରିସ୍ଥିତିରେ ବି ରୋଗୀ ଚିକିତ୍ସାରେ ଅବହେଳା କରାଯିବ ନାହିଁ। ସେଥିଯୋଗୁ ଆମ ପାଇଁ ରୋଗୀର ଚିକିତ୍ସା ଜରୁରୀ ହୋଇପଡିଛି।


Enter your email to get our daily news in your inbox.

All Right Reserved By Dharitri.Com

ମା’ଙ୍କ ଶାଢ଼ିରେ ରଶି ଲଗାଇ ପୁଅଙ୍କ ଆତ୍ମହତ୍ୟା

ବ୍ରହ୍ମପୁର ଅଫିସ,୨୫।୫- ଟାଉନା ଥାନା ଅନ୍ତର୍ଗତ ବିଜିପୁର ଲଷ୍ମୀ ସାହିରେ ଜଣେ ଯୁବକ ଶୁକ୍ରବାର ବିଳମ୍ବିତ ରାତିରେ ମା’ଙ୍କ ଶାଢ଼ିରେ ରଶି ଲଗାଇ ଆତ୍ମହତ୍ୟା କରିଛନ୍ତି।...

ଗଞ୍ଜାମ ଜିଲା ରେଡ୍‌ଜୋନରେ ଚାଲିଛି ସ୍ବାସ୍ଥ୍ୟ ସ୍କ୍ରିନିଂ: ୧.୫୦ ଲକ୍ଷ ଲୋକଙ୍କ ନିକଟରେ ପହଞ୍ଚିଲାଣି ଡାକ୍ତରୀ ଟିମ୍‌ 

ଛତ୍ରପୁର, ୨୦।୭(ଡି.ଏନ୍‌.ଏ.): ଗଞ୍ଜାମ ଜିଲାରେ କରୋନା କାୟା ବିସ୍ତାର କରିବାରେ ଲାଗିଛି । ଦିନକୁ ଦିନ କରୋନା ପଜିଟିଭ ସଂଖ୍ୟା ବୃଦ୍ଧି ସହ ଆକ୍ରାନ୍ତଙ୍କ ମୃତ୍ୟୁକୁ...

ନେଳିଆବାଗରେ କଣ୍ଟେନମେଣ୍ଟ ଅବଧି ଆଉ ୭ଦିନ ବଢିଲା

ବାଲେଶ୍ୱର ଅଫିସ,୨୬।୪-ବାଲେଶ୍ୱର ପୌରାଞ୍ଚଳର ନେଳିଆବାଗ ଅଞ୍ଚଳରେ ପ୍ରଥମ କରୋନା ଆକ୍ରାନ୍ତ ଚିହ୍ନଟ ହେବା ପରେ ସମ୍ପୃକ୍ତ ଅଞ୍ଚଳକୁ ଜିଲା ପ୍ରଶାସନ ତରଫରୁ ସଂକ୍ରମଣ ପ୍ରତିରୋଧ ଅଞ୍ଚଳ...

ପୋଷ୍ଟ ଅଫିସ୍‌ ଜମା ଟଙ୍କା ଫେରସ୍ତ ଦାବି: ଅଧିକ୍ଷକଙ୍କୁ ଘେରିଲେ ଜମାକାରୀ

ଆସିକା,୨୫ା୭(ଡି.ଏନ୍‌.ଏ.)- ଆସିକା ଡାକ ମଣ୍ଡଳର କବିସୂର୍ଯ୍ୟନଗର ସବ୍‌ପୋଷ୍ଟ ଅଫିସ୍‌ ଶିଆଳିଆ ଶାଖା ଡାକଘରେ ଜମାକାରୀଙ୍କ ଟଙ୍କା ହେରଫେର୍‌ ହୋଇଥିବା ନେଇ ଜମାକାରୀଙ୍କ ପକ୍ଷରୁ ଅଭିଯୋଗ ହୋଇଛି।...

ଚୋରାଚାଲାଣ ବେଳେ ଧାନ ବୋଝେଇ ମିନିଟ୍ରକ୍‌ ଜବତ

ଖଣ୍ଡପଡା,୨୧ା୧୨(ସ୍ବ.ପ୍ର.)-ନୟାଗଡ ଜିଲା ଖଣ୍ଡପଡା ବ୍ଲ୍ଳକ ଅଧୀନ ବୋଦସା ଗ୍ରାମରୁ ଶୁକ୍ରବାର ଏକ ମିନିଟ୍ରକ୍‌ ଯୋଗେ ଧାନ ଚୋରାଚାଲାଣ ହେଉଥିବାବେଳେ ନୟାଗଡ ଯୋଗାଣ ଅଧିକାରୀଙ୍କ ଦ୍ୱାରା ଧରାପଡିଛି...

ରାସ୍ତାକଡ଼ରୁ ପେଟିରୁ ନବଜାତ ଶିଶୁର ମୃତଦେହ ଉଦ୍ଧାର

ଭଦ୍ରକ ଅଫିସ, ୨୨।୬:  ଭଦ୍ରକ ଜିଲା ୧୬ ନମ୍ବର ଜାତୀୟ ରାଜପଥର ତ୍ରିଶଳପୁର ଦାଣ୍ଡବାସୁଳି ମନ୍ଦିର ନିକଟରୁ ଶନିବାର ପୂର୍ବାହ୍ନରେ ଏକ ପେଟି ଭିତରୁ ନବଜାତ...

ଭିନ୍ନକ୍ଷମ ଦୁବରାଜ ପାଖରେ ପହଞ୍ଚିଲା ପ୍ରଶାସନ

ଚମ୍ପୁଆ, ୨୩ା୧(ଡି.ଏନ.ଏ)-ଚମ୍ପୁଆ ଏନଏସି ଅନ୍ତର୍ଗତ ୧୩ନଂ ୱାର୍ଡର ଚନ୍ଦ୍ରଶେଖରପୁର ନୁଆଗାଁଠାରେ ଦୀର୍ଘ ଦିନ ହେବ ଫାଇଲେରିଆ ରୋଗରେ ପିଡିତ ହୋଇ ଭିନ୍ନକ୍ଷମ ହୋଇଥିବା ଦୁବରାଜ ମୁଣ୍ଡାଙ୍କ...

କେନ୍ଦ୍ରାପଡ଼ାରେ ୫୦ ନୂଆ କରୋନା ପଜିଟିଭ୍‌ ଚିହ୍ନଟ, ୧୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା

କେନ୍ଦ୍ରାପଡ଼ା ଅଫିସ,୧ା୬: କେନ୍ଦ୍ରାପଡ଼ା ଜିଲାରେ ସୋମବାର ୫୦ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସମସ୍ତ ଚିହ୍ନଟ ଆକ୍ରାନ୍ତଙ୍କୁ ଛତାସ୍ଥିତ କୋଭିଡ୍‌ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା...

Advertisement


Archives

Model This Week

Why Dharitri