ରଣପୁର, ୧୫।୬(ସ୍ବ.ପ୍ର.): ନୟାଗଡ଼ ଜିଲା ଚାନ୍ଦପୁର ଥାନା ଅଞ୍ଚଳରେ ଗତ ୧୨ ତାରିଖରେ ଘଟିଥିବା ଲୁଟ୍ ଘଟଣାରେ ପୋଲିସ ସୋମବାର ୩ ଲୁଟେରାଙ୍କୁ ଗିରଫ କରିଛି। ସେମାନେ ହେଲେ ନୟାଗଡ଼ ସଦର ଥାନା ଅଞ୍ଚଳର ବାଦଲ ଭୁୟାଁ, କୁନା ନାୟକ ଏବଂ ରାମକୃଷ୍ଣ ନାୟକ। ଏମାନଙ୍କ ନିକଟରୁ ପୋଲିସ ୨ ଶହ ଟଙ୍କା, ଭୁଜାଲି, ମୋବାଇଲ ଫୋନ୍, ସ୍କୁଟି ଏବଂ ଏକ ମୋଟରସାଇକେଲ ଜବତ କରିଛି।
ପ୍ରକାଶ ଯେ, ଗତ ୧୨ ତାରିଖରେ ରଣପୁର ଥାନା ଅର୍ଜୁନପୁର ଗ୍ରାମର କବିତା ବେହେରା ପୁଅର ଜନ୍ମଦିନ ପାଳନ ପାଇଁ ଭାରତୀୟ ଷ୍ଟେଟ ବ୍ୟାଙ୍କ ଚାନ୍ଦପୁର ଶାଖା ଏଟିଏମ୍ରୁ ୮ ହଜାର ଟଙ୍କା ଉଠାଇଥିଲେ। ସ୍କୁଟିରେ ପୁଅ ସହ ଘରକୁ ଫେରୁଥିବା ବେଳେ ରାଇପଡ଼ା ଛକରେ ଏକ ପଲସରରେ ଆସି ୩ ଲୁଟେରା ତାଙ୍କୁ ଅଟକାଇଥିଲେ। ଭୁଜାଲି ଦେଖାଇ କବିତାଙ୍କଠାରୁ ସମସ୍ତ ଟଙ୍କା ଲୁଟି ନେବାସହ ସ୍କୁଟିକୁ ମଧ୍ୟ ଛଡାଇ ନେଇଯାଇଥିଲେ l ଏ ନେଇ କବିତା ଚାନ୍ଦପୁର ଥାନାରେ ଅଭିଯୋଗ କରିଥିଲେ। ଥାନା ଇନ୍ସପେକ୍ଟର ଲକ୍ଷ୍ମୀଧର ନାହାକ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଥିଳେ। ତେବେ ଏମାନଙ୍କ ନାମରେ ବିଭିନ୍ନ ଥାନାରେ ବହୁ ଅପରାଧୀକ ମାମଲା ଥିବା ପୋଲିସ କହିଛି l
