ଫ୍ୟାଶନକୁ ନେଇ ଅନେକଙ୍କ ପସନ୍ଦ ବଦଳୁଥିବାର ଲକ୍ଷ୍ୟ କରୁଥିବେ। କିଛି ମାସରେ ନୂଆ ଖୋଜିବାକୁ ଆରମ୍ଭ କରନ୍ତି। ଲିଓପାର୍ଡ ପ୍ରିଣ୍ଟ ନୂଆ ନୁହେଁ। ଆଗରୁ ଓ ଏବେ ମଧ୍ୟ ଏହି ପ୍ରିଣ୍ଟ ଗ୍ଲାମର ବୋଲି ମାନୁଛନ୍ତି। ଏବେ ଏହାକୁ ମେନ୍ଷ୍ଟ୍ରିମ୍ ଫ୍ୟାଶନ୍ ରୂପେ ସ୍ବୀକାର କରୁଛନ୍ତି। ଏହାର ଜ୍ୟାକେଟ୍, ଲଙ୍ଗବୁଟ୍, ବ୍ଲେଜର ଆଦି ଆକର୍ଷକ ଦେଖାଯାଇଥାଏ। ଯଦି ଆପଣ ଏହି ଡିଜାଇନ୍କୁ ନିଜ କପ୍ବୋର୍ଡରେ ସାମିଲ କରିବାକୁ ଚାହୁଁଛନ୍ତି, ତେବେ ଧ୍ୟାନରେ ରଖନ୍ତୁ କେତୋଟି ଜରୁରୀ କଥା….
ଲିଓପାର୍ଡ ପ୍ରିଣ୍ଟ ଶାର୍ଟ ଉପରେ ବେଲ୍ଟ ଲଗାନ୍ତୁ। ଏହାସହିତ ଲଙ୍ଗ ସ୍କର୍ଟ କିମ୍ବା ଟ୍ରାଉଜର ପିନ୍ଧିପାରିବେ। ଧ୍ୟାନ ରଖନ୍ତୁ ଯେ, ଏହାକୁ ପିନ୍ଧିବା ସମୟରେ ଅଧିକ ମେକ୍ଅପ୍ ନିଅନ୍ତୁ ନାହିଁ। କାରଣ ଏହାଦ୍ୱାରା ଆପଣଙ୍କ ଲୁକ୍ ଭୟଙ୍କର ଦେଖାଯିବ।
ଯଦି ଆପଣ ନିଜକୁ ନେଇ କନ୍ଫିଡେଣ୍ଟ ଅଛନ୍ତି, ତେବେ ଆପଣ ଜମ୍ପସୁଟ୍ କିଛି ଏମିତି ପିନ୍ଧିପାରିବେ। ଯେମିତି କି ପୂରା କପଡ଼ାରେ ଲିଓପାର୍ଡ ପ୍ରିଣ୍ଟ ଥିବ। ଏହାସହିତ ଲିଓପାର୍ଡ ପ୍ରିଣ୍ଟ ଥିବା ଫୁଟ୍ଓ୍ବେର ପିନ୍ଧନ୍ତୁ। ବେଲିଜ୍ରେ ଏହି ପ୍ରିଣ୍ଟ ଖୁବ୍ ସହଜରେ ମିଳିଯାଉଛି।
ଯଦି ଏହାକୁ ପିନ୍ଧିବାରେ ସଙ୍କୋଚ କରୁଥାନ୍ତି ତେବେ ଏହାକୁ ମିକ୍ସମ୍ୟାଚ୍ କରି ପିନ୍ଧିପାରିବେ। ଯେମିତିକି ପ୍ଲେନ୍ ଶାର୍ଟ ସହିତ ଲିଓପାର୍ଡ ପ୍ରିଣ୍ଟର ଟ୍ରାଉଜର। ଆଜିକାଲି ଲିଓପାର୍ଡ ସ୍କାର୍ପ ଓ ଷ୍ଟୋଲ୍ର ବହୁଳ ପ୍ରଚଳନ ହେଉଛି।
ନିଜ କୋର୍ଟକୁ ଲିଓପାର୍ଡ ପ୍ରିଣ୍ଟ ପ୍ୟାଣ୍ଟ ସହିତ ପିନ୍ଧନ୍ତୁ। ଏହାସହିତ ସ୍ନିକର୍ସ ପିନ୍ଧନ୍ତୁ। ଶୀତଦିନେ ଲିଓପାର୍ଡ ଶ୍ରଗ ବି ଆପଣ ପିନ୍ଧିପାରିବେ।
ଏବେ ଏହି ପ୍ରିଣ୍ଟ୍ର ଝଲକ ଜୁଏଲେରିରେ ଦେଖିବାକୁ ମିଳୁଛି। ଏହି ପ୍ରିଣ୍ଟ୍ର ରିଷ୍ଟ ବ୍ୟାଣ୍ଡ, ନେକ୍ପିସ୍ ଓ ଇୟର ରିଙ୍ଗ୍ ବଜାରରେ ମିଳୁଛି, ଯାହା ସିମ୍ପୁଲ, ଡାର୍କ କଲର ଡ୍ରେସ୍ ସହିତ ଆପଣଙ୍କ ଲୁକ୍କୁ ଆକର୍ଷକ କରିଥାଏ। ଯଦି ଏହି ପ୍ରିଣ୍ଟ୍ର ପରିଧାନ ଭଲ ଲାଗୁ ନ ଥାଏ ତେବେ ହ୍ୟାଣ୍ଡବ୍ୟାଗ୍ ମଧ୍ୟ କ୍ୟାରି କରିପାରିବେ।
