ରୋଗ ରୋକିଦେଲା ରୋଜଗାର

(ଦିନେଶ ଦେହୁରୀ) ବନ୍ତଳା,୧୬ା୫ – ବାଳୁତରୁ ଆସି ପାକଳ ହେଲୁଣି, ହେଲେ ଏମିତି ସମୟ କେବେ ଆସି ନ ଥିଲା। ବନ୍ୟା, ବାତ୍ୟା ପରି ଆସିଥିବା ଅନେକ ବିପର୍ଯ୍ୟୟ ମଧ୍ୟ ହାତ ବାନ୍ଧି ଦେଇ ନ ଥିଲା। କିନ୍ତୁ ଏ କେମିତିକା ରୋଗ କେଜାଣି ପୂଜା, ମେଳା ସବୁ ବନ୍ଦ କରିଦେଲା। ବର୍ଷକର ରୋଜଗାର ବି ରୋକିଦେଲା। ହାଟ ବଜାରରୁ ବଳି ପଡ଼ୁଥିବା ସାମଗ୍ରୀ ପ୍ରତିବର୍ଷ ହିଙ୍ଗୁଳା ପୂଜା ଓ କୋଶଳା ପୂଜାରେ ବିକ୍ରି ହୋଇଯାଉଥିଲା। ମାତ୍ର ଚଳିତବର୍ଷ ଏସବୁ ପୂଜା ପରମ୍ପରା କେବଳ ପୀଠରେ ସୀମିତ ଥିବାରୁ ଆମ ପରି ଅନେକ ପରିବାର ବେରୋଜଗାର ହୋଇଯାଇଛନ୍ତି ବୋଲି କହିଛନ୍ତି ଅନୁଗୋଳ ଜିଲା ବନ୍ତଳା ଥାନା ନନ୍ଦପୁର ଓ ବ୍ରହ୍ମପୁର ଗ୍ରାମର ବାଉଁଶ କାରିଗରମାନେ।
ଗ୍ରାମବାସୀଙ୍କ କହିବା ଅନୁଯାୟୀ, ଏହି ଦୁଇ ଗ୍ରାମର ୭୨ ପରିବାର ବର୍ଷ ତମାମ ଜଙ୍ଗଲରୁ ବାଉଁଶ ସଂଗ୍ରହ କରି ସେଥିରେ କୁଲା, ଡାଲା, ଗାଣ୍ଡୁଆ, ଟୋକେଇ, ଝୁଡି, ବିଞ୍ଚଣା, ଫୁଲଦାନି ଆଦି ବହୁ ଘରକରଣା ସାମଗ୍ରୀ ପ୍ରସ୍ତୁତ କରିଥାନ୍ତି। ଛୋଟରୁ ବଡ଼ ଯାଏ ପରିବାରଗୁଡ଼ିକର ୩୫୦ ସଦସ୍ୟ ଦିନ ତମାମ ଏହି କାର୍ଯ୍ୟରେ ଲାଗିଥାନ୍ତି। ଗାଁ ପାଖ ହାଟ, ବଜାର ଓ ବିଭିନ୍ନ ଯାନିଯାତ୍ରାରେ ସେସବୁ ବିକ୍ରି କରି ପରିବାର ପ୍ରତିପୋଷଣ କରିଥାନ୍ତି। ଏହା ହିଁ ସେମାନଙ୍କ ମୁଖ୍ୟ ତଥା ଆୟର ଏକମାତ୍ର ପନ୍ଥା। ଏଥିରୁ ଯାହା ରୋଜଗାର ହୁଏ ସେଥିରେ ପରିବାର ପ୍ରତିପୋଷଣ କରିଥାନ୍ତି। ବିବାହ ଆଦି ମାଙ୍ଗଳିକ କାର୍ଯ୍ୟକୁ ବାଦ୍‌ ଦେଲେ ତାଳଚେରର ହିଙ୍ଗୁଳା ଯାତ୍ରା, କୋଶଳା ଯାତ୍ରା, ଦଶଦୋଳରେ ଭଳିକି ଭଳି ସାମଗ୍ରୀ ବିକି ସେମାନେ ବର୍ଷକର ଖୋରାକ ଯୋଗାଡ଼ କରିଥାନ୍ତି। ଏହାଛଡ଼ା ଖରା ଟାଣ ଧରିଲେ ବିଞ୍ଚଣା ବେପାରରୁ ବି ବେଶ୍‌ ଭଲ ଅର୍ଥ ହାତକୁ ଆସେ। କିନ୍ତୁ ଚଳିତବର୍ଷ ମହାମାରୀ କରୋନା ପାଇଁ ସେମାନଙ୍କ ବେପାରରେ ତାଲା ପଡ଼ିଯାଇଛି। ହାଟ, ବଜାରରେ ଗହଳି ନ ଥିବା ବେଳେ ପୂଜା, ବିବାହ, ବ୍ରତ ଆଦି କେବଳ ବିଧି ପାଳନରେ ସୀମିତ ରହିଯାଇଛି। ତେଣୁ ଘରେ ଘରେ ପ୍ରସ୍ତୁତ ସାମଗ୍ରୀ ମହଜୁଦ କରି ରଖିବା ଛଡ଼ା କିଛି ଉପାୟ ନାହିଁ। ବେଡି ବେହେରାଙ୍କ ୨୦୦ ବିଞ୍ଚଣା ବିକ୍ରି ହୋଇପାରି ନାହିଁ। ବନିତା ବେହେରାଙ୍କ ୧୫୦ ଫୁଲତୋଳା ଚାଙ୍ଗୁଡ଼ି, ନାରଣ ବେହେରାଙ୍କ ୨୫୦ କୁଲା ଓ ବିଞ୍ଚଣା, ସୁମିତ୍ରା ବେହେରାଙ୍କ ୧୧୦ ଗାଣ୍ଡୁଆ, ନର୍ମଦା ବେହେରାଙ୍କ ୩୫୦ ବିଞ୍ଚଣା, ଶାନ୍ତିଲତା ବେହେରାଙ୍କ ୭୫ କୁଲା, ସୁମତି ବେହେରାଙ୍କ ୪୦୦ ଗାଣ୍ଡୁଆ ଓ ଡାଲା, ଜିତୁ ବେହେରାଙ୍କ ୧୫୦ ଗାଣ୍ଡୁଆ, ବିପ୍ର ବେହେରାଙ୍କ ୫୫୦ ଗାଣ୍ଡୁଆ, ବିଞ୍ଚଣା, ଫୁଲଦାନି, ଡାଲା, କୁଲା ଆଦି ଘରେ ପଡ଼ିରହିଛି। ପୁରୁଣା ସାମଗ୍ରୀ ବିକ୍ରି ହୋଇପାରୁ ନ ଥିବାରୁ ନୂଆ ବି ପ୍ରସ୍ତୁତ କରାଯାଇପାରୁ ନାହିଁ। ଏମିତି ଏମିତିରେ ଅଧା ବରଷ ବିତିଯିବାକୁ ବସିଥିବା ବେଳେ ହାତକୁ ଦୁଇପଇସା ଆସିପାରୁ ନାହିଁ। ତେଣୁ ସରକାର ଆମକୁ ଉଦ୍ଧାର ନ କଲେ ଗଁାର ଏହି କାରିଗର ପରିବାରମାନେ ଉପବାସରେ ରହିବା ସାର ହେବ ବୋଲି ବେଡି ବେହେରା, ବନିତା ବେହେରା ଓ ସୁମିତ୍ରା ବେହେରା ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଲକ୍‌ଡାଉନ ନିୟମ ଉଲ୍ଲଂଘନକାରୀଙ୍କୁ ଜରିମାନା

ଲାଠୋର, ୨୮ା୪(ଡି.ଏନ.ଏ.) ବଲାଙ୍ଗୀର ଜିଲା ଖପ୍ରାଖୋଲ ବ୍ଳକ ଲାଠୋର ପଞ୍ଚାୟତ ପକ୍ଷରୁ ସୋମବାର ସକାଳେ ବସଷ୍ଟାଣ୍ଡରେ ଲକ୍‌ଡାଉନ ନିୟମ ଉଲ୍ଲଂଘନକାରୀଙ୍କଠାରୁ ଜରିମାନା ଆଦାୟ କରାଯାଇଛି। ସରପଞ୍ଚ...

ମଣ୍ଡିରେ ଧାନ କ୍ରୟରେ ଅନିୟମିତତା

ମାର୍ଶାଘାଇ,୩।୩ (ଡି.ଏନ୍‌.ଏ.): ଚାଷୀଙ୍କୁ ଉପଯୁକ୍ତ ମୂଲ୍ୟ ଦେଇ ସେମାନଙ୍କଠାରୁ ଧାନ କ୍ରୟ କରିବା ପାଇଁ ବିଭିନ୍ନ ସମବାୟ ସମିତିରେ ମଣ୍ଡି ଖୋଲାଯାଇଛି। ଚାଷୀମାନେ କିପରି ସୁବିଧା,...

ପ୍ରବାସୀ ଶ୍ରମିକଙ୍କୁ ମିଳୁନି କ୍ବାରାଣ୍ଟାଇନ ସେଣ୍ଟର, ରାସ୍ତା ଉପରେ ବିତୁଛି ଜୀବନ

ବରଗଡ଼ ଅଫିସ୍‌, ୬ା୫-ଝାରଖଣ୍ଡରୁ ଅତାବିରାକୁ ଆସିଥିବା ଏକ ପ୍ରବାସୀ ଶ୍ରମିକ ପରିବାରକୁ ହଟହଟା ହେବାକୁ ପଡ଼ିଛି। ରହିବା ପାଇଁ ଜାଗା ମିଳୁ ନଥିବା ଯୋଗୁ ସେମାନଙ୍କୁ...

ମୁମ୍ବାଇରୁ ଗଜପତିକୁ ୩ ଟ୍ରକ୍‌ରେ ଫେରୁଛନ୍ତି ପ୍ରବାସୀ

ପାରଳାଖେମୁଣ୍ଡି, ୧୪ା୫ (ସ୍ବ.ପ୍ର.)- ମହାରାଷ୍ଟ୍ରର ନଭି ମୁମ୍ବାଇରୁ ଗଜପତି ଜିଲାକୁ ଟ୍ରକ୍‌ ଯୋଗେ ୧୫୦ରୁ ଊର୍ଦ୍ଧ୍ୱ ପ୍ରବାସୀ ଓଡ଼ିଆ ଶ୍ରମିକ ଫେରୁଥିବା ଜଣାପଡିଛି ା ଏମାନଙ୍କ...

ଖୁଣ୍ଟାପିଙ୍ଗୁରେ ଅଗ୍ନିକାଣ୍ଡ: ଜଳିଗଲା ଦୁଇ ବଖରା

ପାଟଣା,୯।୧୨(ସ୍ବ.ପ୍ର.): କେନ୍ଦୁଝର ଜିଲା ତୁରୁମୁଙ୍ଗା ଥାନା ସାହାରପଡା ବ୍ଲକ ଖୁଣ୍ଟାପିଙ୍ଗୁ ଗ୍ରାମରେ ସୋମବାର ଅଗ୍ନିକାଣ୍ଡ ଘଟିଛି। ଏଥିରେ ଗ୍ରାମର ଜଣେ ବିଧବା ମହିଳା ଜିଙ୍ଗି ମୁଣ୍ଡାଙ୍କର...

ପୁଣି ଫେରିଲେ ୧୩୧ ପ୍ରବାସୀ ଶ୍ରମିକ

ବୌଦ୍ଧ,୨୮ା୫ (ସ୍ବ.ପ୍ର.)-ଗୁରୁବାର ବୌଦ୍ଧ ଜିଲାରେ ପୁଣି ୧୩୧ ଜଣ ପ୍ରବାସୀ ଶ୍ରମିକ ପହଞ୍ଚିଥିବା ଜଣାଯାଇଛି। ଫଳରେ ଫେରିଥିବା ପ୍ରବାସୀ ଶ୍ରମିକଙ୍କ ସଂଖ୍ୟା ୨୬୩୧ରେ ପହଞ୍ଚତ୍ଛିି। ସେହିପରି...

ଭୁବନେଶ୍ୱର ଏମ୍‌ପିଙ୍କ ଜନଶୁଣାଣି, ଲୋକଙ୍କ ଅଭିଯୋଗ ଶୁଣିଲେ: ସମାଧାନ ପାଇଁ ପଦକ୍ଷେପ ନେଲେ

ଖୋର୍ଦ୍ଧା ଅଫିସ,୨୮ା୧୨: ଖୋର୍ଦ୍ଧା ସହରସ୍ଥିତ ପୂର୍ତ୍ତ ବିଭାଗ ଡାକବଙ୍ଗଳାରେ ଖୋର୍ଦ୍ଧା ନିର୍ବାଚନମଣ୍ଡଳୀସ୍ତରୀୟ ଜନଶୁଣାଣି ଶୁକ୍ରବାର ଅନୁଷ୍ଠିତ ହୋଇଯାଇଛି। ଏଥିରେ ଭୁବନେଶ୍ୱର ଏମ୍‌ପି ଅପରାଜିତା ଷଡଙ୍ଗୀ ଯୋଗଦେଇ...

ହୋମ୍‌ କ୍ୱାରାଣ୍ଟାଇନ ନିୟମକୁ ଉଲ୍ଲଂଘନ: କ୍ୱାରାଣ୍ଟାଇନ ସେଣ୍ଟର ଗଲେ ସମ୍ପୃକ୍ତ ବ୍ୟକ୍ତି

ଛତ୍ରପୁର,୧୮ା୫(ଡି.ଏନ୍‌.ଏ)-ଗଞ୍ଜାମ ଜିଲା ପ୍ରଶାସନ ପକ୍ଷରୁ ପ୍ରସ୍ତୁତ ହୋଇଛି ସ୍ବାସ୍ଥ୍ୟ ଆପ୍‌। ଜିଲାରେ ହୋମ୍‌ କ୍ୱାରାଣ୍ଟାଇନରେ ଥିବା ଲୋକଙ୍କୁ ଏହି ଆପ୍‌ ଦ୍ୱାରା ମନିଟରିଂ କରାଯାଉଛି। ଉକ୍ତ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *