ରିଟର୍ଣ୍ଣ ଅଫ୍‌ ରାଇମୋହନ

ଚଳଚ୍ଚିତ୍ର ତଥା ଯାତ୍ରା ଜଗତରେ ଏକ ଅତି ପରିଚିତ ନଁା ରାଇମୋହନ। ସେ ଯେତେବେଳେ ଯାହା କରନ୍ତି ତାହା ହୁଏ ନିଆରା। ତାଙ୍କ ଅଭିନୟ ହେଉ କି ପିଚ୍‌ରେ ତାଙ୍କର ଡାଏଲଗ୍‌ ଉଚ୍ଚାରଣ – ସବୁଦୃଷ୍ଟିରୁ ଭିନ୍ନ ହେଉଛନ୍ତି ରାଇମୋହନ। ତାଙ୍କୁ ନେଇ ଏକ ବଡ଼ ଖବର ହେଉଛି, ଦୀର୍ଘଦିନ ପରେ ପୁଣିଥରେ ଯାତ୍ରାକୁ ଫେରିଛନ୍ତି ରାଇମୋହନ। ତେଣୁ ତାଙ୍କୁ ନେଇ ଏବେ ଠୁ ଆରମ୍ଭ ହୋଇଗଲାଣି ଚର୍ଚ୍ଚା। ଅସୁସ୍ଥତା ଯୋଗୁ ଦୀର୍ଘଦିନ ଧରି ସେ ଦୂରେଇ ରହିଥିଲେ ଯାତ୍ରାରୁ। ଏଥର ‘ଯାତ୍ରା ନନ୍ଦନକାନନ ମଧୁବାସନ୍ତି ଗଣନାଟ୍ୟ’ରେ ଏକ ଜବରଦସ୍ତ ନାଟକର ନିର୍ଦ୍ଦେଶନା ଦେଇ ତଥା ଅଭିନୟ କରି ସେ ତାଙ୍କର ଯାତ୍ରା ଲେଉଟାଣି କରିଛନ୍ତି। ନାଟକର ଶୀର୍ଷକ ହେଉଛି ‘ମୋଷ୍ଟ ଓ୍ବାଣ୍ଟେଡ଼ ରାଇମୋହନ୍‌’। ଏହି ନାଟକଟିକୁ ରଚନା କରିଛନ୍ତି ଯାତ୍ରା ଜଗତର ଜଣେ ଆଗଧାଡ଼ିର ନାଟ୍ୟକାର ଗୋପୀନାଥ ବାରିକ। ନବାଗତ ଶାରଦା ପଣ୍ଡା ତାଙ୍କୁ ନାଟ୍ୟ ରଚନାରେ ସହାୟତା କରିଛନ୍ତି। ଏହି ନାଟକଟି ସମ୍ପର୍କରେ ନାଟ୍ୟକାର ଗୋପୀନାଥ ବାରିକ କହନ୍ତି : ନାଟକଟିକୁ ସମ୍ପୂର୍ଣ୍ଣ ପରୀକ୍ଷାମୂଳକ କରାଯାଇଛି। ଆଗରୁ ରାଇମୋହନ୍‌ଙ୍କୁ ଜଣେ ବ୍ୟାଡମ୍ୟାନ୍‌ ଭାବରେ ଦର୍ଶକ ଦେଖିଥିଲେ। ମାତ୍ର ଏଥିରେ ରହିଛି ତାଙ୍କର ଅଲରାଉଣ୍ଡର ଭୂମିକା। କେତେବେଳେ ସେ କନ୍ଦାଉଛନ୍ତି ତ କେତେବେଳେ ନିଜେ କାନ୍ଦୁଛନ୍ତି। ନାଟକରେ ସେ ଜଣେ ଭଲଭାଇ, ଭଲ ପୁଅ, ଭଲ ବନ୍ଧୁ। ସାବତ ପୁଅ ହୋଇ ବି ଜଣେ ମା’କୁ କେତେ ଉପରେ ରଖିପାରେ ତାହା ଏହି ନାଟକରେ ଦେଖିବାକୁ ପାଇବେ ଦର୍ଶକ। ନାଟକଟି ଯେତିକି ଇମୋସନାଲ ସେତିକି ସାଇକୋଲୋଜିକାଲ। ନାଟକରେ ରାଇମୋହନ ଯେତେବେଳେ ଇମୋସନାଲ ହେଉଛନ୍ତି ସେତେବେଳେ ତାଙ୍କର ମୁଣ୍ଡ ବିଗିଡ଼ି ଯାଉଛି। ସେ ମର୍ଡ଼ର କରୁଛନ୍ତି। ସେଥିଲାଗି ସେ ବାରମ୍ବାର କହୁଛନ୍ତି – ‘ନା ମୁଁ କମନ୍‌ମ୍ୟାନ୍‌ ନା ମୁଁ ଜେଣ୍ଟଲମ୍ୟାନ୍‌। ନା ମୁଁ ହିରୋ ନା ମୁଁ ଭିଲେନ୍‌। ମୁଁ ମୋଷ୍ଟ ଓ୍ବାଣ୍ଟେଡ଼ ରାଇମୋହନ୍‌।’ ନାଟକରେ ପାଞ୍ଚଟି ମର୍ଡ଼ର କରିଛନ୍ତି ରାଇମୋହନ। ତାହା ପୁଣି ରହିଛି ଭିନ୍ନ ଭିନ୍ନ ତରିକାରେ। ଯେମିତି ଗୋଟିଏ ମର୍ଡ଼ର ସେ କରୁଛନ୍ତି ଏୟାରପୋର୍ଟରେ। କମଳକୁ ଗୁଡ଼େଇ ଗୁଡ଼େଇ ସେ ହତ୍ୟା କରୁଛନ୍ତି। ରାଇମୋହନ ଏହି ନାଟକରେ କେବଳ ଅଭିନୟ କରି ନାହାନ୍ତି; ନିର୍ଦ୍ଦେଶନା ମଧ୍ୟ ଦେଇଛନ୍ତି। ଗୁରୁତ୍ୱପୂର୍ଣ୍ଣ କଥା ହେଉଛି ଏଥିରେ ରାଇମୋହନ ନିଜକୁ ନେଇ ଏକ୍ସପେରିମେଣ୍ଟ କରିଛନ୍ତି। ହୁଏତ କେହି ରାଇଙ୍କୁ ନାଚିବା ଦେଖି ନ ଥିବେ। ମାତ୍ର ନାଟ୍ୟକାର ଗୋପୀନାଥ ବାରିକ ଏକ ଭାଇଭଉଣୀ ଗୀତରେ ରାଇଙ୍କୁ ନିଜର ସାନ ଭାଇଭଉଣୀଙ୍କ ସହିତ ଧୂମ ନଚେଇଛନ୍ତି। ମୋଟାମୋଟି ଭାବରେ ରାଇଙ୍କ ଲେଉଟାଣି ଦମଦାର ହୋଇଛି। ନିଜେ ରାଇମୋହନ ସ୍ବୀକାର କରିଛନ୍ତି ଯେ, ସେ ଅନେକ ଫିଲ୍ମ ଓ ଯାତ୍ରାରେ ଅନେକ କିସମର ଭୂମିକା ନିର୍ବାହ କରିଛନ୍ତି। ହେଲେ ଏ ନାଟକରେ ତାଙ୍କୁ ମିଳିଛି ତାଙ୍କ ଲାଇଫ୍‌ର ବେଷ୍ଟ ଭୂମିକା। ନାଟକଟି ଇତିମଧ୍ୟରେ ଦର୍ଶକ ଦରବାରକୁ ଆସିଗଲାଣି ତଥା ଦର୍ଶକଙ୍କୁ ନିଜର ରଙ୍ଗରେ ମତୁଆଲା କରିବା ଆରମ୍ଭ କଲାଣି।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?